مقارنة رينو لوجان ضد بروتون ساجا الجديدة

[SALAHHAKIM]

المشاركة الأصلية كتبت بواسطة أسد الله أكيد طبعاً لك الحق في عرض وجهة نظرك كاملة والتعبير عنها كيفما تشاء ومثل ما هو حقك ان تقارن اللوجان بالأيديا او اللادا فأنه حقي تماماً أن أقارن الساجا بال 128 أو ال127 مثلاَ وأريد من حضرتك ان تقرأ تجارب مالكي الساجا المريعة هنا على نفس هذا الموقع المحترم وان تعثر لي لو سمحت على تجربة واحدة سيئة لأحد مالكي اللوجان على العموم نحن لسنا بحالة حرب بين السيارتان فهما سيارتان جيدتان في فئتهما وسيقودا سوق السيارات قريباً جداً بدلاً من الفيرنا واللانوس أطيب تحية

السلام عليكم
هو حضرتك مشفتش الربط ولا ايه ؟؟؟
وبعدين انا مشفتش حد اشتكى من البروتون على الموقع شكوى حقيقيه مش اى كلام
وانا احب اقول واعيد على ان الداتشيا لوجان سياره ممتازة انما لا تقارن ببروتون سجا ببساطه
السجا بها
جنوط سبور14
شاسيه 75% فولاذ واسعه جدا الابواب والشنطه بها دعمات حديد دة غير الى فى الباب اول طبقه اير باج للسائق ثبات غير عادى
كاسيت كلاريون اربع سماعات مفتاح ريموت ايمو بلايزر ضد السرقه شبوره امامى وخلفى تعديل مقعد السائق فى 6 اتجهات اتنين زجاج كهرباء تحكم فى ارتفاع الطاره تكييف باور سنتر 94 حصان ماليزى كلها وشوف الروبوت تقفيل اكثر من رائع كل ده بدون غش ولا خداع
انما الداتشيا لوجان 87 حصان والغش فى 3 حصان
والخداع فى سياره المفروض تدخل مصر بحوالى 54 الف جنيه لاعلى فئه
حاجه تانيه البروتون تباع فى كل الدنيا بسعر التويوتا والمتسوبيشى واغلى من الهيونداى
انا مش ضد عربيه انا ضد ان حد يكون شرب العربيه وعاوز يشربها للناس كلها
ومثال تانى عشان تعرف انى مش ضد الداتشيا لوجان
التويوتا كرولا فى 2009 1600 سى سى كان الوكيل بيكدب ويقول 142 حصان
بعد لما الناس ابتدت تدخل على المواقع وتعرف وتبلغ حمايه المستهلك
غير الاعلان الى 122 حصان فى حين ان الموتور هو هو
ولو حابب امثله اكتر فى كتير والمصيبه ان الناس عاوزة يتضحك عليها
متزعلش منى والسلام عليكم

[kamarspell]

يعني يا صلاح نشتري الساجا و نتوكل علي الله

انا كمان شايف ان ميزه الاتوماتيك كفايه و كمان الفتيس ميتسوبيشي و اي واحد يجيب عربيه مانوال يبقي غاوي تعب و قرف في الزحمه و المطبات
و كمان موتور اللوجان تحس انه قديم مفيش حد بينزل 8 صبابات راحت عليها من زمان و ده بيدل علي ضعف عزم العربيه في السرعات العاليه
اما موتور الساجا كام برو)camshaft profile)يعني بيشتغل ب2 بروفيل للكامه العلويه يعني بالبلدي الواحد بيروح يضبط تكيهات عند الميكانيكي لا الساجا بتضطه اتوماتيك بتقلل الخلوص في السرعات البطيئه و تكبره في السرعه العاليه و دا زي مواتير كتيره دولوقتي الهوندا (cvt ) , و السيراتو (تغيير توقيت الصمامات الإليكتروني) و كمان 16صباب بس مشكله النظام ده في الساجا علو صوت الموتور بس جوا العربيه مش هتحس بالمشكله
الميزه التانيهIntegrated Air Fuel Module (IAFM) technology
بيخلي الموتور يدي اداء عالي و يوفر في البنزين
كمان يا جماعه ماننساش لوتس lotus هي اللي بتطور بروتون يعني الكام برو اختراعها و كمان العفشه لوتس يعني ثبات و ان بروتون هيا اللي اشترت لوتس و العربيه ليها سمعه كويسه بره خاصه في انجترا عشان سمعه لوتس المعروفه
العربيه في رائي موتور وعفشه لان دول اللي العربيه بتمشي بيهم و اي مشكله فيهم العربيه بتوقف
و الاخ صلاح اتكلم عن الاوبشن و المميزات عن لوجان بالتفصيل

[RENAULT 18]

السلام عليكم .......

أنا من رأيى الشخصى أن العربيتين ممتازين و الأتنين أحسن من اللانوس والفيرنا .. بس اللى عايز أتوماتك يجيب الساجا

بس لو أنا هشترى ................ هجيب اللوجان طبعا و بالذات أن الشكل الداخلى للساجا مش عاجبنى خااااااااالص ( أذواق )

[SALAHHAKIM]

السلام عليكم
مش اوى كده يا رينو
بس مردش عليا فى موضوع الزعامه
شكرا

[Ahmad Abd Rabo]

بعد مرور سنتين على العركة الشيقة دى و اتضاح الصورة أكثر للجميع ممكن تنصحونى أشترى مين فيهم؟ ساجا ولا لوجان؟