هذة اول عربية اشتهريها اجيب الشفرولية لانوس ولا الرينو لوجان

[ringoo]

المشاركة الأصلية كتبت بواسطة أسد الله سبحان الله يا أخي أمر غريب والله أشمعنى العربية مبتعملش مشاكل ألا معاك أت بس دونناً عن بقية خلق الله وليه بتدور على كل مواضيع اللوجان وتلزق المشكلة المفتعلة كل مرة على كل المواضيع سبحان الله ربنا يهدي عباده أمين يا رب

[ahmedabotaleb33]

للاسف يا شباب انا راجعت مواضيع وتعليقات الاستاذ ديو لاقيته مش راضى عن العربيه من قبل ميرخصها وكان عاوز يبيعها ويرجعها وبعدين كل مشاركاته ضدد اللوجان انا شايب ان ده ممكن يكون بسسب انه مثلا كان راكب عربيه اعلى من اللوجن او انه قلوق شويه
استاذ ديو تقبل ملاحظتى بس حاول تستمتع بعربيتك انا صحابى كلهم راكبين هيونداى بانواعها واجارك الله من المشاكل الى بتقبلهم عفشه بدبدب وكاست ملهوش لازمه وسنتر دايما بايظ ومع ذالك بيشكرا فى عربيتهم ومستمتعين بيها

[spear7]

ازاي اللوجان تقارن باللانوس اولا انا اسف لكل ملاك اللانوس الانوس عربية فاشلة موت و اللانوس اول ما بدأت لانوس 1 موديل 99 دي كانت ممتازة و فعلا كانت مثال للسيارة الاقتصادية و كانت محبوبة انما من اول لانوس 2 ابتدت رحلة الاخفاق و اول مابقت شيفروليه ابتدى الفشل الذريع عربية فاشلة من كل شئ عفشة منيلة تقفيل منيل و عيوب ملهاش آخر سوى ان قطع غيارها رخيصة فبتسد حسنتها الوحيدة فهم الميكانيكية ليها و رخص قطع غيارها اما تعالى للوجان حقيقي عربية فووووووق الممتازة موتور شغال ثبات عالي جدا رغم ارتفاع العربية عن الارض ( شاكك انها معمولة عند دجال ) امكانيات رهيبة تقفيل ممتاز وسع داخلي غير موجود في فئتها الا فيها و غير دة و دة ان اللي موجود في مصر هو هو اللي موجود في اوروبا يعني عربية بمواصفات اوروبية زائد خد عندك عظم ناشف و صاج سبحان الله مافيش زيه الا في الفولكس البيتلز موديل 69 و الفولفو 240 يعني عربية معقولة و النسبة للشكل بتاعها اولا دي عربية عائلية يعني مش شبابي ثانيا قطع غيارها رخيصة نسبيا و موجودة مش زي باقي الرينوهات الفرنسي اللي قطع غيارها اغلى من الدهب اولا دي داتشيا و مصممة خصيصا للطرق الغير ممهدة زي مصر و الدول النامية ثانيا دي رينو بتحاول تدخل بيها السوق المصري تحسن سمعتها بعد مشاكل الميجان 2 .... و اعتقد لولا ان مفيش عليها جمارك كان سعرها وصل 85 الف وربنا يوفقكم و برضوا اللانوس نسبيا مش وحشة بس بلاش و ملحوظة صغيرة ازاي اللانوس تبقى ب 70 الف و يجيلك قلب تشتريها و بقى لها 12 سنة في السوق وعندك اللوجان ب 68 الف و لسة جديدة و اثبتت جدارتها و انتشرت خلاص و عن قريب هاتبقى الافضل انتشارا و خد عندك على ماتحط فيها مسمار مش قبل 5 سنين ان شاء الله تكون قطع غيارها ارخص من قطع غيار الفيرنا و اللانوس اللي على وشك الانقراض

[ابن فنان]

[gaballah]

تقريبا انا بدأت اقتنع فعلا انى اجيب هذه العربيه
بس هقولكم على انا فكرت اجيب جديده ليه
انا معايا هيونداى اكسل 98 وهى عربيه كويسه وظريفه وموفره بس غاظتنى فى العيد عشان مكنتش عامل حسابى فى مصاريف لها وبعدين وانا نازل البلد عملت خبطه بسيطه فطيرت فنوس والشبكه الااماميه والشنب والكبوت اتعوج شويه وخدتلها بتاع 350ج للتظبيط وبعدين كانت بتحدف يمين شويه فقلت اشوفها وانا فى البلد بالمره(ويارتنى ما شفتها ما انا ماشى بيها كدا من كام شهر زى الفل) فغيرلى مسمار اتزان وبيضه وبصراحه الموضوع ده خنقنى لانى مكنتش عامل حسابى وضيعت فلوس العيد كلها وخنقتنى وفكرت بصراحه ابيعها
فكنت هبيعها واصبر بتاع سنه كدا وابقى اشوف حاجه جديده
ففيه واحد قالى ممكن مكتب يشتريها منك بالقسط يديك مثلا 20 الف و20 تانين على 20شهر
فدى خلتنى افكر لو ابيعها بالطريقه دى يبقى اشترى جديد بالقسط برده واهو اخد من دى لدى لمده 20 شهر تكون الظروف اتحسنت
(انا اسف انى طولت عليكم)
انا بحكى ده عشان تشاركونى فى الرأى لانى محتار جدا
ابعها كاش وهى ممن تعمل 35 او 34 على الاقل ولا ابيعها قسط وصاحبى بيقولى تعمل 40 قسط
واجيب واحده جديده (لوجان طبعا بعد كلامكم عنها)
ارجو نصيحتكم ولكم جزيل الشكر