موتور جديد للريجاتا

[Regata85]

المشاركة الأصلية كتبت بواسطة broadband و 1600 2كامة DOHC

علشان كده فضلت الــ 100إس على موتور التمبرا الــ 1600 علشان التمبرا SOHC
و أول حاجة في التمبرا دوبل أوفر هيد كام شافت هي الــ 1800 i.e. و معرفش بصراحة هينفع عندي بدون تعديلات كثيرة أم لا ففضلت موتور العربية الأصلي اللي يضرب موتور التمبرا 1600 بالجزمة

بمقارنة البور:
100s: 74 kW (100 PS)
1600 i.e.: 66 kW (90 PS)m

بمقارنة العزم (Torque):
100s: 133 N·m (98 lb·ft)
1600i.e: 127 N·m (94 lb·ft)m

بالعربي كده الــ 100 إس أقوى و عزمه أعلى من التمبرا الــ1.6 و الغريب إن التكنولوجيا اللي في الــ100 إس أكثر تقدما أيضا!!

المهم تكمل على خير و العربية تتحرك، بصراحة تعبت من التكاسي و الصنايعية و الإجازات علشان البشوات

[Regata85]

حذفت للتكرار

[gamal abo]

المشاركة الأصلية كتبت بواسطة Regata85 الإخوة الكرام، لدي سيارة ريجاتا85 موديل 1986 1500cc كثرت أعطال الموتور في الفترة الأخيرة و خاصة الكاربرتير و من يومين سير الكاتينة فوت فقررت شراء موتور جديد لأريح نفسي من كثرة الإصلاحات و إهدار الوقت و الجهد كما أيقنت أن هذا الحل أوفر على المدى الطويل. سؤالي الأول هو؛ هل قطع غيار الموتور 100s متوفرة؟ لطالما رغبت في هذا الموتور لتفوقه بشكل كبيــــــر علي الموتور الذي أملكه حاليا و لظروف الطرق التي أتعامل معها يوميا، فأنا من مستخدمي الدائري و أعاني من سائقي النقل لهذا أفضل السرعة و الــ100s يوفر السرعة مع عزم عالي مما يساوي معدل تسارع أعلي ينقذك في حالة صطل أحد سائقي النقل و يمكن من قيادة أهدئ لثقتك أن السيارة لن تخونك إذا أردت منها الإسراع. السؤال الثاني هل تنصحوني بأي موتور اخر في حالة عدم توافر قطع غيار الـ 100s كموتور التمبرا مثلا؟ و لكم جزيل الشكر

السلام عليكم ورحمة الله وبركاته
رد علىلا موتور الريجاتا
اولآ نصيحه لله لاتشترى غير اللى انتى مقتنع به لان دة اهم حاجة
انا معى ريجاتا سوبر 100 وحبيت اشترى موتور جديدة ناس كتير قالت اشترى 1500 احسن ولكن انا مقتنع ان 1600 احسن فى حاجات كتير السرعة والتحمل وعزم العربية بيكون شديد والموتور انا جبته من عزبة شلبى ومشاء الله طلع ذى الفل
وكل حاجات العربية انا بشتريها من عند الكيلانى فى التوفيقة
وربنا يوفقك الى ما فية الخير

[Regata85]

المشاركة الأصلية كتبت بواسطة broadband مبروك للمرة الثانية و خلى بالك ان مفي اى حاجة تتغير فى الضفيرة او الحساسات و تتربط كويس جدا . و لازم تكون واقف على ايد الصنايعيى حتى لو كان اخوك هههههه و اى خدمة تحت امرك

لفيت الدنيا كلها على فيشة الكنترول و ضفيرتها و لم أوفق. و لهذا قررت إستعمال كربرتيرعادي مؤقتا علشان محتاج العربية.

سؤالي خصوصا لــbroadband ماركة الكنترول يونت الأصلي بتاع الـ100إس إيه و الموديل. أغلب الظن أن الكنترول Bosch بس معرفش الموديل كام! و هل فيشة الكنترول عريضة أي بعرض الكنترول كله ولا صغيرة؟

في واحد كهربائي أثناء اللف إقترح شراء الضفيرة و الكنترول بتوع السيينا 1400 و قال يركبوا على الموتور و أكد إن طرمبة البنزين الخارجي اللي بـ80 جنية مش هتشغل الرشاش اللي على الكربرتير لضعف ضغطها، فإن أمكن معرفة نوع طرمبة البنزين كمان و ضغطها كم بار؟

واحد كهرائي برضوا قالي إن في واحد إسمه عسكر في الحرفيين ممكن يشغل الكنترول بالفيشة المقطوعة!!! و الله أعلم

بإختصار الرجالة عمالة تلعب بدماغي. لذلك هشغل العربية عادة حتى إشعار اخر. و لو حكم الإمر و لم أقتنع بالأمر كما هو الان هشتري اللي عايزة من على ebay من خلال شركة إدفعلي بس معلوماتكم مطلوبه.

و لكم جزيل الشكر على التهاني و المساعدة....

[كومندا]

ربنا يوفقك وترتاح من قرف الصنيعيه
ومبروك المتور الجديد