|
#21
31-03-2011, 11:40 PM
|
||||
|
||||
رد: اسعار طازة لقطع واجزاء ريـجاتا من الوكالة وعزبة شلبي بتاريخ اليوم
غريبه اوي دي لان علي حد معلوماتي سنسور المطراول ما نزل كان في البرافا و البرافو 95 بس تمام يا رب يشتغل كان نفسي بدل ما تعمل التابلوه جلد و بجمله المصاريف تجيب تابلوه استعمال كان حيفرق كتير اوي في شكل العربيه حتحس انها رجعت زيرو من اول و جديد
__________________
حـازم خـضـر
|
|
#22
02-04-2011, 12:59 PM
|
||||
|
||||
رد: اسعار طازة لقطع واجزاء ريـجاتا من الوكالة وعزبة شلبي بتاريخ اليوم
لقيت نفسى بدفع 1600 ج فى حاجات فبريقة وبتاعة الريجاتا بس الخليجي مش الايطالى والحاجة بتركب مكان التانية هي هي بدون مشاكل ولها اماكنها !! وجبت حساس زيت الباكم اللى راكب ف الفبريكة .. تكنولوجيا غريبة وقتها بصراحة كانت مسابقة وقتها فعلا
|
|
#23
02-04-2011, 06:18 PM
|
|||
|
|||
|
رد: اسعار طازة لقطع واجزاء ريـجاتا من الوكالة وعزبة شلبي بتاريخ اليوم
هوا حضرتك هما التجار هناك تخصص يعنى
تجار فيات بانواعه كله على بعضه ولا تجار 128 و تجار 131 و مكانهم جنب بعض ولا فى مسافات بينهم لان فى حساباني ان شاء الله انزل العزبة وهل العزبة فيها نوادر وبحاله كويسة
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S
|
|
#24
02-04-2011, 10:02 PM
|
||||
|
||||
رد: اسعار طازة لقطع واجزاء ريـجاتا من الوكالة وعزبة شلبي بتاريخ اليوم
وفية تجار بتوع فيات بس .. وفية رينو بس .. طيب تعرفهم ازاي ؟ هتلاقى علامة الرينو على محلات الرينو .. علامة المرسيدس على محل كبير مخصص للمرسيدس كذلك فيات ... وهكذا اما بتوع الخردة تلاقيهم قاعدين ف الشارع ع الارض بدون محلات بيبيعو اي خردة وانت داخل الوكالة او العزبة هتلاقى سمسرة ابعد عنهم .. تعرفهم ازاي ؟ هقول لحضرتك وانت داخل الوكالة مثلا هتلاقى شباب بتقولك " ايوة يا باشا اامر ؟ رايح فين يا باشا قولي اوصلك الناس دى تجاهلها تماما علشان بياخد فلوس سمسرة من صاحب المحل على حساب حضرتك انت ! لما تدخل وتلف هتلاقى العلامات على المحلات .. لو حصل وموصلتش للفيات تعمل اية ؟ هقولك تروح مثلا للمحل اللى علية علامة الرينو .. تقول للراجل اللى جوة " لو سمحت بتوع الفيات فين ؟ " هيوصف لك .. اوعى تمشى لسة .. قولة " هو اسم المحل اية او اسم صاحبة " لو راجل جدع وكويس هيقولك ودة غالباَ .. لو راجل مش تمام هيقولك معرفش .. لما توصل للمحل قولة هو دة محل فلان هيقولك ايوة .. ابدء بعرض اسئلتك وطلبك .. دة كلة علشان توصل للمحل بنفسك بدون السمسار هتلاقى تمن الحاجة بتاعتك فرقت لصالحك .. السمسار هناك بياخد ع الزبون وعلى حسابك طبعا يعنى جاب زبون بياخد .. مجبش ملوش . نقطة اخيرة .. لو طلبت حاجة وصاحب المحل قالك هروح اجبها من المخزن قولة شكراَ .. المحلات اللى هناك معندهمش مخازن .. مكانة هو مخزنة لما حضرتك بتطلب حاجة مش عندة .. بيروح يجبها من محل زية " زى مول الكمبيوتر كدة نفس الحركة بتحصل هناك " طبعا المحل التانى بيعطى لة بتمن الزبون واحيانا اعلى .. وحضرتة بيزود 100 ج على الاقل عمولة لنفسة .. ويفهمك انة جبها من المخزن وانة اتأخر علشان المخزن فية حاجات كتير الموضوع دة حصل معايا مرتين وشربتة .. وكنت بسأل ع الحاجة برة لقيتها ارخص 100 ج من ما جبتها وشفت الواد وهو راجع لهم بحاجة مكسرة مرضتش اخدها خرجت وراة شفتة وهو بيرجعها لهم علشان ااكد لنفسى احساسى .. ربنا يوفقك بأذن الله التعديل الأخير تم بواسطة NicEgypt ; 02-04-2011 الساعة 10:08 PM
|
|
#25
02-04-2011, 10:16 PM
|
||||
|
||||
رد: اسعار طازة لقطع واجزاء ريـجاتا من الوكالة وعزبة شلبي بتاريخ اليوم
طيب ايه رأيك تكسب ثواب في الغلابة اللي هنا وتنزل يوم تاخد على الاقل الشارع الرئيسي في الوكالة او عزبة شلبي وتكلم اصحاب المحلات اننا موقع على النت وعاوزين نعمل خدمة للناس تعرف ازاي توصل للمحل على طول وناخد ارقام تليفوناتهم وننزلها على الموقع ايه رأيك ولو عاوز حد معاك يساعدك في اللف اخوك موجود 
__________________
ولا نقول إلا ما يرضي ربنا إنا لله و إنا إليه راجعون
|
 |
|
|
ولقيت سنسور مطر لنوفا خليجي تخيل !
