ممكن مساعدة ....... يامحبى الريجاتا

[m.fawaz]

جزاك الله خير يا باشمهندس / حسين
بس ممكن استفسار انا قدامي ريجاتا 88 نوفا 1500 فابريكه جوه وبره تكيف وسنتر وزجاج امامي كهرباء ، صاحبها قالي انه خد مطب والكوبلن شمال ملص منه والميكانيكي حطله وردتين قالي انها محتاجه زرجينة بسيطة والوردتين يتشالو السيارة من الداخلي حالة نادرة تابلوه كالجديد الكاسيت الاصلي بايونير شغال الفرش فبريكه زي الجديد وعاوزه شوية سمكرة من بره و تبقي زي الجديدة وكشف عليها في البنزينة لاقيتها زي الفل والماتور 76% وصاحبها عاوز 23000 جنيه من الاخر
ارجو الافادة اشتريها ولا لا

[عبد الوهاب الشيخ]

المشاركة الأصلية كتبت بواسطة NicEgypt دة كوبي من حديث مع احد الاعضاء ف الرسائل الخاصة هنسخة لحضراتكم هنا لعل فية الفائدة بدلاَ من وجودة ع الخاص اوجة الفرق بين النوفا والعادية : النوفا موديلاتها احدث بتبدء من 1987 الى 1990 العادية بتبدء من 1984 وتنتهى في 87 لا يوجد اي فرق فى الشكل او الابعاد بيين الاتنين سوى الكماليات والكمبيوتر . وأكر الابواب . الكربراتير مختلف شوية فى النوفا عن العادية .. بوجود سخان كهربائى بدل العادي الواير .. ودة مش فى كل الموديلات النوفا فيها 2 زجاج كهربا + سنتر بدون ريموت + كمبيوتر كشف اعطال حساسات مثل حساس لتيل الفرامل والزيوت بأنواعها وضغط الزيت .. الخ . وحتى لو لمبة اتحرقت بتعرف منة .. لكن نادر جدا لو لقيت سيارة الكمبيوتر بتاعها يعمل بكفاءة لقدم الموديل . النوفا فيها عداد بيحسب كمية استهلاكك للبنزين وهل هو استهلاك جيد ام مبالغ فية .. والعداد دة غير موجود فى العادية .. العادية زي النوفا .. الا ان النوفا افضل لانها موديل احدث شوية .. قطع غيار الاتنين هما هما واحد ما عدا الفتيس احسن موديلات الريجاتا واللى قطع غيارها سهل جدا موديلات من 1985 الى 1989 واوعى تجيب 1990 لعدم وجود قطع غيار لها وللاختلاف كبير فى الفتيس من جوة وعدم انتشار قطع غيارة علماَ ان هذا الموديل يتميز بأن موتورة انجيكشن ولا يوجود كربراتير بطبيعة الحال .. الا ان عيبة عدم انتشار قطع الغيار .. والموديلات كلها كما قلت سلفاَ هى هى نفسها .. نفس الشكل والابعاد وكل شيئ .. فقط شكل اكر الابواب من " معلقة " فى العادية كما يقولون عليها .. الي الزر " زى اكرة اللانسر مثلا بتمسك اليد وتضغط على مكان المفتاح اللى عبارة عن زرار .. فقط لا غير . المشكلة الوحيدة الموجودة فى 100 اس هي عدم توافر بعض قطع غيرها خصوصاَ قطع غيار الموتور .. موتورها هاف انجكشن بنظام SOHC .. عدم انتشارها بشكل واسع + استهلاك عالى للبنزين .. ولا يوجد فارق مغري يجعلك تقتنيها عن سابقتها . ايضاَ اضف على ذلك التالى : The engines offered were also similar, being the 1301 cc straight-4 rated at 68 PS (50 kW; 67 hp) (Regata 70) and the 1498 cc I4 rated at 82 PS (60 kW; 81 hp) (Regata 85). Both of these were SOHC engines. A DOHC 1585 cc I4 rated at 100 (Regata 100) was also available with two SOHC diesels, a 1714 cc straight-4 rated at 58 PS الريجاتا عافية شوية عشفتها حلوة ومش ناشفة وبتستحمل المكسر .. وبوجة نظري احدث وافضل من موديلات قديمة كتير قطع غيار متوفرة جديد / استيراد / مستعمل .. ويمكننى ارشادك لاحقاَ ان احتجت للاي قطعة غيار وسعرها. علما ان اسعارها جيدة ومعمرة الريجاتا لو حالتها مش نضيفة من البداية هتتعبك جداَ .. لذا حاول وبشدة الحصول على حالة نظيفة جداَ .. خصوصا اساسيات السيارة والبودي .. الموتور سهل صيانتة واصلاحة وحاجتة متوفرة واسعارها جيدة .. اما البودي واساسيات السيارة يجب ان تكون نظيفة لان اكبر عيب فيها هو البارومة عيوبها بكل امانة : 1 - البارومة .. لو مسكت فيها مش بتسيبها كسائر سيارات فيات الايطالية وطبعا بتتعالج لذا حاول الحصول على اساسيات وبودي بدون بارومة ولا تـلتف للفبريكة .. الناس بتفرح بكلمة فبريكة وبيلاقى عدم عناية بالحوض واساسيات السيارة للحفاظ على كلمة فبريكة وتجد ف النهاية بارومة سارحة ف كل حتة .. وطبعا فبريكة يرشها لية وتبقى مش فبريكة 2 - خامة التابلوة سيئة .. ونادراَ لو وجدت تابلوة غير مسكر 3 - اداء التكييف غير جيد .. ملطف للجو ورحمة عن سخونية الشارع والشمس . بارد بشكل خفيف 4 - الاسبراتير الالكترونى بتاع الفبريكة ضعيف .. يفضل تركيب اسبراتير عادى .. او الالكتروني ايطالي جديد بدل الفبريكة 5 - طرمبة البنزين ميكانيكية وبتتأخر فى الدوارة لو سبتها للاكثر من يومين .. وحلها انك تركب طرمبة بنزين كهرباء لانسر يابانى هدور ف اي وقت وفى عز التلج 6 - علبة الفيوزات لا توجد جديدة ولكنها موجودة استيراد فى حالة احتياجها .. علماَ ان بها دائرة فى الداخل ولها ترانستورات ic قد تتلف اخيرا لو احتجت اي شيئ بخصوص الريجاتا راسلنى وستجدنى بمشيئة الله بأسرع وقت .. . ايضاَ ستجد الكثير عن الريجاتا فى المنتدى هنا .

تقرير رائع ومفيد جدا جزاك الله عليه كل خير

[khallood]

المشاركة الأصلية كتبت بواسطة ehabxp10 السلام عليكم ورحمة الله وبركاته انا قرات الرد بتاعك اولا العربية حلوة ولو المكنه خفيفة شوية مش مشكله تمشى بس النصيحه تغير زيت كل 800 او 850 كيلو او تزود العربية زيت لو نقصت وتكمل للالف وتغير الزيت اما موضوع السخونية ده المفروض والطبيعى ان السيارة متعديش ال 90 خالص فى ظرف من الظروف طالما الرداتير ودورة المياه والمروحة شغالة تمام اتاكدد ياخى من الترموستات بتاع المروحة الاتوماتيك انه اول مالحرارة تيجى ى85 تشتغل المروحة وتاكد من الرداتير كويس وشوف هو نحاس ولا المونيوم طيب تعالى بقا نشوف موضوع الرعبية لما تسخن متدورش ده خلى بالك شوية كده وهتتعذب لان العربية مش هتدور خالص لما تتسخن الا لما تبرد تانى وهتلف على كل الناس ومحدش هيعرف العيب العيب الا بعد عذاب شوف يا اخى اولا هتفك المارش وهتعمله جلب وشاربون عند الكهربائى واستنضف كهربائى يا باشا تانى حاجة قبل ماتاخد العربية وتمشى تعمل تقوية للمارش عن طريق كتاوت هو الكهربائى هيفهم اول ما تقله كده اتمنى انك تطبق كل ده انا بقالى سنتين يا باشا عندى ريجاتا قابلت عيوب الدنيا وحليتها وبحب الريجاتا اوى وكمان سيادتك انا رقمى 0101975924 لو احتاجتنى فى اى سوال ممكن افيدك على قد خبرتى المتوسطة فى الريجاتا اخوك ايهاب

السلام عليكم ... انا عضو جديد ومن محبى السايت ده بصراحة ممتاز ... انا اشتريت ريجاتا 85 اساسيات البودى ممتازة ودلوقتى باعمل عمرة كاملة للماتوربس فى مشكلة مواجهانى وهيا التابلوة بتاع العربية ... التابلوه الأصلى للعربية غالى قوى ومستخسر ادفع فيه الفلوس .. فى ناس قالولى ان تابلوه الانوس ممكن يركب على الريجاتا .. هل فى معلومات بخصوص الموضوع ده ؟!