مشكلة سخونة مزمنة لا أجد لها حلا ـ أرجو الإفادة

[aamke]

بسم الله الرحمن الرحيم ، بعد التحية لأعضاء المنتدى الكرام الذين يفيدونا بخبراتهم الثمينة ـأما بعد ..
عندي سيارة دوجان موديل 1995 و اشتريتها في شتاء 2007 و عند دخول الصيف بدأ ظهور المشكلة .
أثناء قيادتها داخل البلد لاحظت ارتفاع درجة الحرارة و خاصة أثناء السفر ، و الغريب أثناء السفر كلما زدت سرعة السيارة تزيد ارتفاع حرارتها و بالطبع المياة تنقص و أزيدها ، و ياويلي لو زدت السرعة عن 90 كم/ساعة ترتفع الحرارة حتى تصل إلى درجة 110 درجة و قابلة للزيادة ، و سلكت الرادياتير عدة مراة و يكون نظيف و غيرت المياة بالكامل من الرادياتير عدة مرات و الميكانيكي سد فتحة في جزأ يشبه حرف T ، و باختصار عملت كل حاجة و نفس المشكلة مازالت موجودة لدرجة أني أكرة قيادة السيارة في الصيف خصوصاً السفر بها رغم حاجتي الملحة لها ، أرجو الإفادة أفادكم الله ، و لكم منا جزيل الشكر .

[mr_astra]

حاول تظبط تاكيهات
واظبط كهرباء العربية من الاسبراتير

[ahmed_gamal777]

المروحة الى ركبة بتعاتها والا متغير
والترموستات بتعتها كام على كام

[أحمد محمود عبد الرازق]

المشاركة الأصلية كتبت بواسطة aamke بسم الله الرحمن الرحيم ، بعد التحية لأعضاء المنتدى الكرام الذين يفيدونا بخبراتهم الثمينة ـأما بعد .. عندي سيارة دوجان موديل 1995 و اشتريتها في شتاء 2007 و عند دخول الصيف بدأ ظهور المشكلة . أثناء قيادتها داخل البلد لاحظت ارتفاع درجة الحرارة و خاصة أثناء السفر ، و الغريب أثناء السفر كلما زدت سرعة السيارة تزيد ارتفاع حرارتها و بالطبع المياة تنقص و أزيدها ، و ياويلي لو زدت السرعة عن 90 كم/ساعة ترتفع الحرارة حتى تصل إلى درجة 110 درجة و قابلة للزيادة ، و سلكت الرادياتير عدة مراة و يكون نظيف و غيرت المياة بالكامل من الرادياتير عدة مرات و الميكانيكي سد فتحة في جزأ يشبه حرف T ، و باختصار عملت كل حاجة و نفس المشكلة مازالت موجودة لدرجة أني أكرة قيادة السيارة في الصيف خصوصاً السفر بها رغم حاجتي الملحة لها ، أرجو الإفادة أفادكم الله ، و لكم منا جزيل الشكر .

1- طب و طرمبة الميه إيه ظروفها شغاله كويس و سيرها مشدود؟
2- إكشف على ثيرموستات موتور مروحه الريدياتير و تأكد إنه بيشتغل عند 90 أو غيره خالص و هات واحد جديد يشغل الروحه عند 80 درجه و تأكد من سلامة ريش مروحة الريداتير و الموتور بتاعها .
3- تأكد من إن غطاء الريداتير مغلق بأحكام أو غيره و هات واحد جديد
4- تأكد من إن مستوى الزيت تمام مش ناقص
5- تأكد من إن كهربة العربيه مظبوطه (توقيت الشراره) و التاكيهات كمان
6- لو عملت كل ده و مجابش نتيجه غير الريداتير و هات واحد جديد ( نحاس)

[samehlila]

بسم الله الرحمن الرحيم
علاجك عندي
اتأكد ان المروحه بتجيب الهوا ناحية الموتور وليس العكس لان المروحه الموجوده عندك اكيد سلكها معكوس بتسحب الهوا لبرة و لما العربية بتجري الهوا بييجي عكس بعضه بيخلي العربية تسخن انما و هيه واقفه الهوا بيبرد الرادياتير و ده هتعرفه لما تجيب ورقه تحطها امام الاكصدام و المروحه دايرة لو الورقه اتسحبت ناحية العربية يبقي الدنيا تمام و لو الورقه طارت بعيد عن العربية يبقي الاسلاك معكموسه و هوه ده السبب و غالبا هتلاقيها كده
و اي خدمة
م - سامح ليله