كيف تكسبين رضاء ربك بكسب مودة زوجك

[mar mar]

المشاركة الأصلية كتبت بواسطة Eng/salwa السلام عليكم ورحمة الله وبركاته اشكرك جدا يا دكتور وجزاك الله خير الجزاء و الله ربنا يعلم انا صادقة النصيحة والقول فى هذا الموضوع و اقصد به ارضاء الله سبحانه و تعالى و محاولة اصلاح البيوت بعد تجارب واقية و حياة زوجية طويلة و الحمد لله اكن فيها كل الاحترام و الحب لزوجى و أولادى و بيتى و دول اهم من نفسى فى الحياه والله يشد عل صدق كلامى و يحاسبنى و يا ريت زوجة حضرتك تكون صديقة لنا و تتواصل معى و لو فيه اى استشارة فى امور الحياه لها تسالنى على الخاص او العام كما يحلو لها و هذا يشرفنى وانا شخصيا بستشيركم فى امور كثيرة ( وما خاب من استشار ) نكمل كلامنا بقه دلوقتى يا مرمر فكرينى آخر حاجة قبل ما ارد على عمو خالد كانت اييييييييييييييه ياربى آآآآآآآآآآآآه موضوع طلب الزواج من عمو ( والد عمرو - طارق ) و كانت آخر حاجة قلت له سوف اكثف البحث حاضر على العروسة التى تستحقق و طبعا ده بقاله حوالى 3 سنوات و لا زلت ابحث له حتى الآن هاهاهاهاهاهاهاها انا اقصد ايه بالقصة دى يا مرمر ( لو شاطرة و ذكية قولى ) طبعا عارفة انك هتردى و تقولى (قولىىىىىىىىىىىىىىىىىىىىى ىىىى انت بقهههههههههههههه ) هقولك يا ستى و دى اسرار ما تطلعش الا للغلييييييين و ربنا يثيبنا يا رب و يجعله فى ميزان حسناتنا جميعا المقصود انك مش كل حاجة تاخديها بمحمل الجد حتى لو كانت جد اعمليها انتى هزار و انتى الكسبانه بلاش نكد عمال على بطال و حساب الملكين يوميا لزوجك او خطيبك ارمى له حبل الحريه بس بذكائك خليكى عارفة اوله فين و آخره فين يعنى مثلا عودى نفسك من اول يوم فى الزواج عل اللسان الحلو فى دخوله و خروجه و الدعوات الحلوة اللى ان شاء الله تكون مستجابه و صدقينى انتى فى الآخر الكسبانه كفايه انه بعد العشرة الطويلة يقولك انك قدم الخير عليه و لم يرى يوم ضاق فيه الرزق عليه ببفضل دعواتك و صلواتك اول ما يدخل من برة استقبليه انت و اولادك بابتسامة لو كنتى رجعتى قبله من عملك وصدقينى لو عملتى انت الاول كده مرة اثنين عشرة هو كمان هيقلد حسن استقبالك له و لو داخله من شغلك و هو حضر قبلك لو شايفه القرف كله فى الطريق بلاش اول ما تشوفيه تكون اول حاجة يراها منك هو نفخة قرف هو ده الغباء بعينه كدة انتى بتدقى مسامير حادة بينك و بينه صدقينى يا مرمر زى ما بتزرعى خير هتحصدى خير باذن الله و خليكى صبورة و لكل منا عيوبه انا شخصيا لو زوجى انتقدنى فى قول او فعل اعترف فورا حتى لو انا شايفة انى صح اقوله عندك حق ممكن اكون ماخدتش بالى و اعتذرى و لا تجادلى كثيرا ( الرسول صلى الله عليه و سلم يقول انا زعيم اهل بيت فى الجنه لمن ترك المراء اى الجدال ) يعنى ترك الجدال حتى لو كنتى على حق تفوزى بقصر فى الجنه تخيلى يا مرمر ان ليلة القدر حجبت عنا معرفتها بسبب اثنين تجادلا فى المسجد (الملخص تانى كان ايه الذكاء فى المعاملة --- البشاشة فى الرؤية -- عدم الجدال --- بلاش النكد بسبب و بدون خليه فى اضيق الحدود يا ستى لو هتموتى خلاص و اليوم اللى مافيهوش نكد ابقى غنى بكرة النكد بكرة ---اللسان الحلو و الدعوات الجميلة ) فيه حاجة كمان مهمة جدا و هى عدم النديه فى المعاملة و تعالى الاكتاف يعنى بلاش كثير و انتى بتتكلمى مع زوجك تقولى انا و انا وانا عملت وعملت (دعونا نعمل فى صمت ) و لو مزنوقة قوى فى كلمتين عاوزه تذكريه بوقفتك بجانبه يبقى بهزار مش بذل و تقعدى تذليه كل شويه كل شويه دى بتبقى قاسيه جدا على الرجل و بيعتبرها جارحة لكرامته وكمان يا مرمر عندما تتكلمى عنه امام احد تكلمى باحترام يعنى مش تقولى فلان قال و فلان عاد لأ قولى ( الباشمهندس _او الدكتور -- أو الاستاذ ) احترام زوجك امام الناس مهم جدا جدا و يرفع معنوياته جدا و صدقينى ستجدى احترام متبادل بعد كده و سيتكلم عنكى بكل احترام فى غيبتك عندما كنا خارج مصر كان زوجى يحكى لى عن ازواج اثناء الكلام عن زوجاتهم بصيغة هو بينتقدها و بيقول يذكروا اسم زوجتهم فى سياق الكلا م و احيانا يقولوا البت تخيلى واحد يقول عن مراته (البت ) حاجة طبعا سوقيه جدا للحديث بقيه يا مرمر علشان صلاة المغرب

مستنياكي هروح افطر اجي هشرب ميا بس علشان الحق اكمل معاكي لاني لسه هطبخ علشان افطر لاني في الشغل من الصبح بس مش تتاخري عليا يا ماما سلوي ها
انا هروح بسرعه اصلي واشرب واجي

[Eng/salwa]

ندخل بقه على نقطه اخرى مهمه جدا فى حياتك الزوجيه يا مرمر الا و هى
(احترام اهل زوجك ) ونتكلم بفه بصراحه شديدة خصوصا الام لاننا بصراحة
السيدات و البنات عقلهم صغير
يعنى لو احسنتى معاملة حماتك كده انتى ضمنتى السعاده الزوجيه من اوسع ابوابها و جنبتى نفسك المشاكل
ابو العريس اكيد مهم جدا و لا يقل اهميه عن حماتك و طبعا لكل قاعده شواذ ممكن يطلع لك حماكى بالف حماتك و تطلع الست غلبانه و فى حالها وزى العيل و كل الله يهمها سعادة ابنها و بس و الراجل يطلع هو اساس البلاوى كلها و ربنا يسترها بقه معاكى من تدخلاته اللى بتكون عادة مش فى محلها خالص

لان لو كانت المشكله فى الطبيه الشخصية لحماتك ده سهل جدا التغلب عليه بكسبك لها و مصاحبتها و ايشارب شيك على بارفان رقيق فى عيد الام خلاص كده مافيش اسهل من كسب ودها و الامهات الهبل العاطفيين زى حالاتى ما اسهل الضحك عليهم و هتكونى نور عينيها بكلمه حلوة و ابتسامه عذبه تملكى قلبها و لو عندها بنت هتكونى اغلى منها و لو ماعنديهاش هتكونى انتى بنتها اللى لم تلدها

انا حماتى كان عندها بنت و 3 رجال يعنى لها 3 زوجات للابناء
الحمد لله الحمد لله كانت اكثر واحدة تحبها و تجلس عندها هو انا و الحمد لله
و معلش ده هيكلفك قلة حريه شويه فى الاول لانها هتطول زيارتها عندك
بس مش مهم الدعوات اللى هتاخديها بسعة الرزق و الستر و الصحة
ستشعرى بهم بعدين بركة الدعاء من حماتك دى سوف تشعرى بيها جدا جدا
لان رضاء حماتك عنك هيكون مفتاح سعادتك
لما كان زوجى يزعلنى كنت احكى فقط لحماتى و كنت تشوفى بقه اللى بيحصل كانت يا بنتى بتغسلة و تنشره و تكويه

و بالمناسبة افتكرت نقطة مهمة جدا اوى تحكى مشاكل بيتك لاهلك عادة الموضوع هيكبر و الزعل هيزيد حاولى تحلى مشاكلك بلباقة و لا تغضبى و تخرجى من بيتك زى زوجات هبلة كثير
عمرى ما غضبت و خرجت من بيتى على مدار 21 سنة عمرى
حبال الزعل بتزيد و يكبر الموضوع الى ما لا يحمد عقباه و كلما زاد عدد مرات الغضب و الخروج يزيد البعد و الاختلاف
ده كمان فيه ستات تلاقيها خدت ذهبها و ملابسها و كله يا فرحتك يا فالحة
ده انتى كده بتخسرى حياتك و سعادتك اللى لا يعوضوا بمال و ذهب الدنيا كلها

و للحديث بقيه

[mar mar]

المشاركة الأصلية كتبت بواسطة Eng/salwa ندخل بقه على نقطه اخرى مهمه جدا فى حياتك الزوجيه يا مرمر الا و هى (احترام اهل زوجك ) ونتكلم بفه بصراحه شديدة خصوصا الام لاننا بصراحة السيدات و البنات عقلهم صغير يعنى لو احسنتى معاملة حماتك كده انتى ضمنتى السعاده الزوجيه من اوسع ابوابها و جنبتى نفسك المشاكل ابو العريس اكيد مهم جدا و لا يقل اهميه عن حماتك و طبعا لكل قاعده شواذ ممكن يطلع لك حماكى بالف حماتك و تطلع الست غلبانه و فى حالها وزى العيل و كل الله يهمها سعادة ابنها و بس و الراجل يطلع هو اساس البلاوى كلها و ربنا يسترها بقه معاكى من تدخلاته اللى بتكون عادة مش فى محلها خالص لان لو كانت المشكله فى الطبيه الشخصية لحماتك ده سهل جدا التغلب عليه بكسبك لها و مصاحبتها و ايشارب شيك على بارفان رقيق فى عيد الام خلاص كده مافيش اسهل من كسب ودها و الامهات الهبل العاطفيين زى حالاتى ما اسهل الضحك عليهم و هتكونى نور عينيها بكلمه حلوة و ابتسامه عذبه تملكى قلبها و لو عندها بنت هتكونى اغلى منها و لو ماعنديهاش هتكونى انتى بنتها اللى لم تلدها انا حماتى كان عندها بنت و 3 رجال يعنى لها 3 زوجات للابناء الحمد لله الحمد لله كانت اكثر واحدة تحبها و تجلس عندها هو انا و الحمد لله و معلش ده هيكلفك قلة حريه شويه فى الاول لانها هتطول زيارتها عندك بس مش مهم الدعوات اللى هتاخديها بسعة الرزق و الستر و الصحة ستشعرى بهم بعدين بركة الدعاء من حماتك دى سوف تشعرى بيها جدا جدا لان رضاء حماتك عنك هيكون مفتاح سعادتك لما كان زوجى يزعلنى كنت احكى فقط لحماتى و كنت تشوفى بقه اللى بيحصل كانت يا بنتى بتغسلة و تنشره و تكويه و بالمناسبة افتكرت نقطة مهمة جدا اوى تحكى مشاكل بيتك لاهلك عادة الموضوع هيكبر و الزعل هيزيد حاولى تحلى مشاكلك بلباقة و لا تغضبى و تخرجى من بيتك زى زوجات هبلة كثير عمرى ما غضبت و خرجت من بيتى على مدار 21 سنة عمرى حبال الزعل بتزيد و يكبر الموضوع الى ما لا يحمد عقباه و كلما زاد عدد مرات الغضب و الخروج يزيد البعد و الاختلاف ده كمان فيه ستات تلاقيها خدت ذهبها و ملابسها و كله يا فرحتك يا فالحة ده انتى كده بتخسرى حياتك و سعادتك اللى لا يعوضوا بمال و ذهب الدنيا كلها و للحديث بقيه

عارفه يا ماما سلوي يمكن انا نص الكلام ده اعرفوا بس عارفه لما بتحكيلي عن بتخليني اخد بالي من حاجات انا مش كنت وخده بالي منها

[Eng/salwa]

السلام عليكم و رحمة الله و بركاته
اكلمك عن ايييييييه دلوقتى يا مرمر يا ريت تسألى بعد كده و تفتحى لى مواضيع
علشان انا مش حافظة انا فاهمه بس و بتكلم من الذاكرة عشوائى كده
ايه رأيك نتكلم عن الغيرة الزوجية و عواقبها و علاجها
لو زوجك بيغير عليكى افرحى طبعا و لا تظهرى له الضيق من هذا
الا اذا زاد اوى عن الحد الفتى نظره بطريقة زوجيه و دائما اشعريه انه اهم شخص فى حياتك وفعلا دى تكون الحقيقة و انه لا يملا عينك و لا قلبك راجل غيره
اما بالنسبة لغيرتك انتى انتى عليه خليكى ذكيه و شوفى ما لفت نظرة فى اى ست و خذى محاسنها يعنى لو معجب ب (منى الشاذلى المذيعة ) خذى لباقتها و بساطة لبسها و حلاوة لسانها و جمال طلعتها ببشاشة
ولو بيحب اغانى (نجاة الصغيرة ) سجلى له cd بكل اغانى نجاة هديه للسيارة و مش عيب لو تحفظى اغانيها و تشاركى زوجك اعجابه بها
لو حكى لك عن اى واحدة ست انها كويسة فى اى حاجة بلاش ارهاب و هجوم و نكد الزوجات و قولى عندك حق دى فلانه فعلا انسانه كويسة و محترمة لانك لو اظهرتى غيرتك سيتعلق بها اكثر ودى مصيبة

هحكى لك تجربة شخصية و بامانه يا مرمر بس على فكرة مافيش انسان كامل و انا كلى عيوب

لحظة وهكمل

[Eng/salwa]

السلام عليكم ورحمة الله و بركاته
يا ريت يا مرمر تنضم لنا فى القعده دى كل من ( د/هبه - فاطومة المصرية -نوارة ) و طبعا اهلا و وسهلا باخوانى و اولادى اعضاء مصر موتورز المحترمين
هكمل موضوع الغيرة الزوجيه
انا قلت لك هحكى لك تجربة شخصية بامانه عمو الباشا الكبير عنده 56 عام
و اللى يشوفه يا حبيبتى يقول بالكاد 35 عام و شياكة ايه ووسامة ايه
و الحمد لله على مدار 21 سنه لا يشترى كرافته وحده المهم عمو عنده سكرتيرة بنوته و حياتك يا حبيبتى بدهاء الزوجة اللى بتحافظ على زوجها و حياتها اتطقست و لفيت و عرفت ظروفها كلها ايه و اصبحت انا السكرتيرة المساعده اشفاقا عليها من حمل العمل و التصوير و المكالمات و الاتصالات
و تحضير المحاضرات و خلافة و الطباعة من النت لعمو بدون ما يحس ان ده تدخل رخم منى بالعكس ده بقى ما يعرفش يشتغل و لا يقتنع بعملها بدون لمساتى و رتوشى و هداياى لها و خلافة و صاحبتها فى التليفون و مافيش مانع اطب بحجة طباعة شغل من النت كل ده فى الخباثة و بدون اظهار رقابه او غلاسة
بل على العكس ده اصبحت كل حاجة لازم ياخذ رايى فيها اولا و هو من نفسة يحكى لى تقرير يومى عن الشغل كيف كان و اخطائها و اقوله انا كيف نصلحها
تخيلى لو كنت من الاول حس منى بعدم رغبتى بها او غيرتى منها
بل على العكس ده انا يا حبيبتى اصبحت آخذ مرتب منه كمان على شغلى معاها
بس الاسرار دى اوى تطلعيها بره يا مرمر دى نصائح ليكى

يبقى ممكن اعمل بقة امتحان على كل ما سبق من دروس
و اسأل ممكن هه
(اذكرى العناوين المذكورة كلها فى الموضوع باختصار؟