ممكن حد يرد عليا ضروررري

[mohammed ahmed]

انا امبارح كانت ماشي بالعربيه ف امان وكنت ف شارع معرفوش ف اسيوط وقدام المزلاقان مستني لما القطر يعدي علشان نعدي لقيت عسكري مرور وقالي انت كدا هتعدي ف المخالف اتضلحي ان الشارع دا اتجاه واحد وانا واقف ف المخالف المهم زميله قاله مترجعش حد خد ارقام العربيات ع طول وانا لقيته رجع بص ف لوحه العربيه وكتب حاجة انا بقا عاوز اعرف هو العسكري دا ممكن يديني مخالفه سير ف عكس الاتجاه ولا دي من صلاحيات الظابط بس ولو ف مخالفه تبقي ايه ف الموقف دا.....ياريت يا جماعه حد يفهمني ويقولي انا دلوقتي اعمل ايه بعد اعزنكم ضروري

[باسم لانسر]

هو عملك مخالفة وفى الغالب فعلاً هى مخالفة سير عكس الاتجاه
عموماً متقلقش مش ب 3 الاف جنيه ولاحاجة زى ما الناس متوقعة ولما بتروح تجيب شهادة مخالفات بتخش تخفضها وفى اجراءات كتير متقلقش

متشغلش بالك وكمل مشى بعربيتك عادى لحد ماتيجى تبيعها ابقى اعمل لها شهادة مخالفات وخفض المخالفات وادفعها

مش عاوز تتصدم برقم كبير من المخالفات روح كل كام شهر ادفع المخالفات الى عليك

ومتكبرش الموضوع متقلقش يعنى ان شاء الله بسيطة

[mohammed ahmed]

المشاركة الأصلية كتبت بواسطة باسم لانسر هو عملك مخالفة وفى الغالب فعلاً هى مخالفة سير عكس الاتجاه عموماً متقلقش مش ب 3 الاف جنيه ولاحاجة زى ما الناس متوقعة ولما بتروح تجيب شهادة مخالفات بتخش تخفضها وفى اجراءات كتير متقلقش متشغلش بالك وكمل مشى بعربيتك عادى لحد ماتيجى تبيعها ابقى اعمل لها شهادة مخالفات وخفض المخالفات وادفعها مش عاوز تتصدم برقم كبير من المخالفات روح كل كام شهر ادفع المخالفات الى عليك ومتكبرش الموضوع متقلقش يعنى ان شاء الله بسيطة

طيب هو مش المفروض كان سحب الرخص مني ..هو كمان من اختصاص عسكري المرور ان يخرر مخالفات هو مكنش معاه دفاتر ولا اي حاجة دا كشكول صغير..ولو انا عاوز اسال عليها بعد كام يوم اسال وشكرا خالص لزوق حضرتك

[wael elhussiny]

المشاركة الأصلية كتبت بواسطة mohammed ahmed طيب هو مش المفروض كان سحب الرخص مني ..هو كمان من اختصاص عسكري المرور ان يخرر مخالفات هو مكنش معاه دفاتر ولا اي حاجة دا كشكول صغير..ولو انا عاوز اسال عليها بعد كام يوم اسال وشكرا خالص لزوق حضرتك

السلام عليكم
استاذ محمد
ادارة المرور علي يقين ان تحرير المخالفات عن طريق العساكر بيكون عشوائي وكتير جدا بيغلطوا...متقلقش وان شاء الله تتخفض او تتشال خالص..
امال بالنسبة لموضوع الكشكول ده في شك انه يكون دفتر خالفات او يكون كشكول بيخوف بيه الناس ومش من صلحياتة تحرير مخالفات(الله اعلم) وممكن تسأل عن المخالفة بعد اسبوعين من تحريرها وان شاء الله مش هتلاقي مخالفات
تقبل مروري

[mohammed ahmed]

المشاركة الأصلية كتبت بواسطة wael elhussiny السلام عليكم استاذ محمد ادارة المرور علي يقين ان تحرير المخالفات عن طريق العساكر بيكون عشوائي وكتير جدا بيغلطوا...متقلقش وان شاء الله تتخفض او تتشال خالص.. امال بالنسبة لموضوع الكشكول ده في شك انه يكون دفتر خالفات او يكون كشكول بيخوف بيه الناس ومش من صلحياتة تحرير مخالفات(الله اعلم) وممكن تسأل عن المخالفة بعد اسبوعين من تحريرها وان شاء الله مش هتلاقي مخالفات تقبل مروري

شكرا خالص لرد حضرتك