(جهاز حماية المستهلك) تليفونات عنواين

[أيمن عبدالواحد أحمد]

معلومات قيمة جدا وحسيت أنى شايل سلاح لمحاربة الغشاشين
والطماعين .

[BASSEM BESO]

والله مية مية جمعتلنا كل حاجة كنا عايزنه فى حماية المستهلك شكرااا .

[phantiza]

ربنا يبعدنا عن كل الارقام دي
ومجهود رائع ومشكور

[magd131]

السلام عليكم اخي الكريم ابو نورا
اولا بشكرك علي مواضيعك المتميزه والمفيده وربنا يوفقك
انا عاوز اعرف افضل معرض سيارات في مصر من ناحيه المصداقيه في التعامل والالتزام في المواعيد ونظم التقسيط التي يتعامل بها
عارف يا ابو نورا ليا صديق اشتري سياره من معرض في الغردقه واتفق معاه علي سياره كيا سيراتو ودفع عربون علي ان التسليم بعد 10 ايام المهم راح يستلم السياره لقي سياره داتسون وصاحب المعرض مصر علي ان هي دى السياره المتفق عليها وصارت مشكله المهم صاحب المعرض قاله اصبر اسبوع كمان لحد ما تيجي دفعه جديد الكلام ده كان انهارده وادينا مستنيين علشان كده انا قلقان اروح اى معرض احط فيه تحويشة عمرى وفي الاخر يطلع كله نصب في نصب ولاني اشتريت سياره قبل كده من واحد قريبي عنده معرض و ضحك عليا واكلني الاونطه كانت لانسر مستعمله واكتشفت المقلب الكبير بعد ما اخد السياره
ممكن ترشحلي معرض في القاهره يكون سمعته طيبه

[moumenza]

السلام عليكم | تحياتى وشكرا على المجهود الرائع وكان عندى مشكلة وياريت حد يفيدنى فيها من حوالى شهر ونصف رحت اشترى طلمبة باور لعربية اسبرانزا 516 من محل فى الحرفيين اسمه كريم وكريم موزع معتمد وللعلم الراجل له محلين( واحد للجديد اسمه كريم وكريم)( والتانى اسمه الشيخ للمستعمل) وسألته عن سعر المستعملة وبعد الفصال ب500 جنيه والجديدة ب900 جنيه المهم ركب لى واحدة مستعملة ولكن طلعت ضعيفة جدا وما تنفعش فقلت اركب الجديدة واريح دماغى ودفعت ال900 جنيه وهو اللى ركبهالى وخد مصنعية 50 جنيه بالعافيةاللى حصل ان الطلمبة فصلت تمامابعد مرور شهر ونصف ورحت للميكانيكى قال ان الطرمبة بايظة ومفيش فيها اى ضغط ونصحنى اروح للى اشتريتها منه ولما رحت اعرض المشكلة على المحل اللى اشترتها منه قال لى الحاج صاحب المحل ما اعرفكش وانا ذنبى ايه وبعدين قال لى تعالى بكرة اكون شفت لك حل ولما رحت له تانى يوم عرض عليه واحدة مستعملة وقال لى انه هو بيبيعها مستعملة ب850 جنيه وعشان خاطرى حايبيعها لى ب500 جنيه ولما قلت له ماهوده سعرها وانا عارفه من المرة اللى فاتت وقلت له انت كده عايز تبيع لى واحدة تانية وتكسب فيها برده وخلاص وكد ه انت ما حلتليش مشكلتى ده انت بتزودها وبعدين انت ما ضمنتش الجديدة حاتضمن المستعملة فقالى ان ده اخر كلام عنده واللى انا عايزه اعمله نفسى حد يقول لى على طريقة اخد بيها حقى وعلشان الراجل ده ما يعملش مع حد تانى كده وهل جميعيات حماية المستهلك تقدر تعمل حاجة . ولو حد يعرف حد بيصلح طلمبات الباور ياريت يقول لى عليه واسف للأطالة