جميع مواصفات و أسعار و معلومات مهمة عن السيارات الصينية

[محمد الحسن]

المشاركة الأصلية كتبت بواسطة محمد سرور -A516 ودى موتور1600 موتور يابانى ميتسوبيشى مين قال انها ميتسوبيشى يابانى تصحيحا لمعلوماتك (المنقولة عن مواقع اخرى قديمة)هى انتاج مشترك بين avl النمساوية وشيرى الصينية بمساعدة خبراء اوربيين بمجال صناعة المواتير

معلش يا استاذ سرور الموضوع منقول او غير منقول فهو جميع معلوملته صحيحة و هو موتور ميتسوبيشي من الاسفل البلوكة يعني و كل ما حولها و الانجكشن و اكسيسوارات الكهرباء صينيه هذا و بتجربتي الشخصية لتغير موتورين اسبرنزا بمواتير ميتسوبيشي 1600 و 1800 و ممكن تتأكد حضرتك من معلوماتك قبل النشر علشان مضورش حد

[ابوشروق]

أستاذ محمد ممكن معلومات اكثر عن ال f3bydمثل السعر حضرتك بتقول 75000 وفيه ناس بتقول 69000ايهما اصح وايه امكانيتها وتنصح بايه فيها عيوب مميزات طريقة معامله وهل تستحمل الخدمه الشاقه فى طيفة المعمار والسفر الدائم ولك الشكر

[mmmmgogommmm]

المشاركة الأصلية كتبت بواسطة ابوشروق أستاذ محمد ممكن معلومات اكثر عن ال f3bydمثل السعر حضرتك بتقول 75000 وفيه ناس بتقول 69000ايهما اصح وايه امكانيتها وتنصح بايه فيها عيوب مميزات طريقة معامله وهل تستحمل الخدمه الشاقه فى طيفة المعمار والسفر الدائم ولك الشكر

يا باشا الbyd ب67000 الكاملة والاوتوماتيك80000----بس هى عربية محترمة جدا جدا---وقطع غيارها متوفرة فى كل مكان ومش هتحتاج تشتريها من برة التوكيل لانها متوفرة فى التوكيل وباسعار تافهة وطبعا القطعة معاها ضمان

[mmmmgogommmm]

المشاركة الأصلية كتبت بواسطة محمد الحسن معلش يا استاذ سرور الموضوع منقول او غير منقول فهو جميع معلوملته صحيحة و هو موتور ميتسوبيشي من الاسفل البلوكة يعني و كل ما حولها و الانجكشن و اكسيسوارات الكهرباء صينيه هذا و بتجربتي الشخصية لتغير موتورين اسبرنزا بمواتير ميتسوبيشي 1600 و 1800 و ممكن تتأكد حضرتك من معلوماتك قبل النشر علشان مضورش حد

الموتور تصميم نمساوى من خلال avlوهى مصممة محركات فولكس فاجن الجديدة---وتقفيل الموتور فى الصين ولكن وبالصدفة او نظرا لاعتماد عفشة السيارة على عفشة الميتسوبيشى الانسر فان قواعد الموتور واحدة وبنفس المقاسات وبالامكان استبدال محرك ال1600 الاصلى بمحرك لانسر 1500/1600/1800/2000/2400cc ,وكذلك الجيربوكس----بالمناسبة موتور الاسبرينزا كبير فى الحجم وفى عدد الاحصنة 117 حصان بالنسبة لفئة ال1600 وتكنولوجياdochالمستخدمة فية

[س ص ع]

المشاركة الأصلية كتبت بواسطة محمد الحسن الكثير منا عندما يسمع ان السياره صينى لا يهتم بها او بأمكانياتها ويقلق من شرائها..لذلك احببت ان الفت النظر لان السيارات الصينى ليست كما يظن البعض..انما هى فى خطواتها لتجتاز العمالقه الكبار..تجتازهم للابد فالوحش الصيني قادم و سيثبت اقدامه سريعا فى السوق المصريفى موضوعى هذا سأطرح جميع انواع و موديلات الصينى فى السوق و مميزاتها حتى تكون عندنا خبره بهذه الانواع الجميله و الجديده و اخيرا يجب ان نحيى هذه الدوله العظيمه على تفوقها بجميع المجالات... اولا الجيلى اشهر السيارات الصينيه على الاطلاق و الاشهر فى الصين هى و الشيرى... 1-مابل :كامله مانيوال 1600 سي سي ردار خلفى ومقياس حراره فى المرايات 2 صباب دى ب64000 و دي انا ركبتها عن تجربه و ذهلتنى فى تجميعها و احب اقوللك انها طحنت اللانسر و السبكترا و كنت مذهول و انا راكبها لماجابت 210كم وهي مابتتهزش على الارض 2-ck1 :و c ترمز للصينchina و k ترمز لكوريا ورقم 1 لانها السياره الشعبيه الاولى فى الصين.. وهى شديده الشبه بالاوبل فكترا اللى عندك بس اكتر كتير فى الكماليات.. و دي سعرها 67000 3-فروتته:و هى سياره رائعه للشباب و خاصة البنات هاتش باك تتمتع بموتور دايهاتسو شاريد من فئتين 1100سي سي .1000 سي سي وهى كامله و جنوط ال1100 جديد ب 49000 و ال 1000سي سي ب 46000 و فى منها اللي مش هاتش باك زياده فى السعر حوالى 2000بس الموديل ال 1100 احسن فى الشكل و الامكانيات(انجكشن) دى ال 1100 سي سي 4-سباركى و هى عربيه قويه و رخيصه فى نفي الوقت 1400 سي سي كامله و جنوط السعر 53000 5-جيلى سبورت:و دى عربيه جامده جدا الا انها لم تلاقى نجاح فى مصر مش عارف ليه.. و دى اتوماتيك 1600 سي سي ,2 كامه ,كامله ,سي دي, مقاعد رياضيه السعر لاخر موديل 2005 هو 80000 ثانيا شيري 1-A11 و دى شبه السيات توليدو موديلات اواخر التسعينيات و هى عربيه محترمه جدا 1600و دى جديده ب65000... 2- A11 LONG ودي هي السابقه بس اطول من المنتصف 20 سم مما يعطيها طابع السيارات الفارهه و دى جديده ب70000 3-A15 و دى احلى فى الشكل من A11 ولكنها تشبهها الى حد كبير1600 CC وسعرها جديد68000 كامله و 62 تكييف و كاسيت بس 4-QQ:و دي اللي تشبه الى حد كبير الدايو الماتيز و دى نوعين..الاول 850 سي سي اتوماتيك ب49000(خذ بالك انها اتوماتيك)و النوع الثانى1100 سي سي ب47000 بس الموديل ده الجيلى فروتته 1100 احسن منه لان موتورها قوى عنه(يابانى) , و دى علامتها تشبه الBMWبس الدائره نصفين فقط نصف ازرق و الاخر ابيض مش 4 ارباع 1-فلاير:و دى عربيه صغيره الحجم الا انها بها امكانيات كثيره و هى 1100 سي سي و سعرها39000 2-F3:و دي شبه هوندا سيتى من الخلف بس احسن منها بكثيير و اوسع 1600 سي سي 2 كامه 111 حصان سعرها جديد 75000 كامله مانيوال رابعا الاسبرانزا كل ده غير الاسبرانزا اللى فى الاساس تتبع شيري بس ماحدش بياخذ باله(لاحظ العلامه بتاعة الماركه):و دى موديللين: 1-A516 ودى موتور1600 موتور يابانى ميتسوبيشى كامله جديده ب 64000 و دى اثبتت نفسها بشده فى السوق المصريه و تعتبر الاشهر فى موديلات الصينى على الاطلاق 2-A620 و دى بقى عربيه حكايه موتورها موتور ميتسوبيشى جالنت و كامله و اوتوماتيت و شاشات DVD خلفيه وده كله ب 108000 بس علما بأن اقل سياره مماثله فى فئتهاال تقل عن 200000 جنيه خامسا البريليانس كل هذه السيارات كوووم و العملاق البافاري كووم.. انها بريليانس جالينا.... التعليق من شركه بورش الالمانيه.. التصميم من شركه بافاريا العالميه(صاحبة تصميمات سيارات BMW) الموتور 2000سي سي المانى هذه السياره رادار امامى و خلفى DVD اتوماتيك و كراسى كهرباء و ستائر خلفيه و فوانيس تقارب الزينون في اضاءتها لذلك فأنها الاعلى سعرا فى الصينى لتصل الى 150000 سادسا اللوبو: و دي شركه تصنيع الطائرات الحربيه الصينيه لذلك فأنمنتجاتها عاليه الجوده و على الرغم من ان موتورها صينى الا انه افضل بكثير من الموتورات الكوري و الفرنسى و الايطالى 1-هافى لوبو:و هذا هو الظراز الملاكى الوحيد تقريبا اللذىانزلته الشركه بمصر وهى سياره عمليه1100 سي سي انجكشنو اخر موديلاتها 2006 و كان سعره 54000 و باقى طرازات اللوبو بمصر ميكروباصات كالمينى لوبو او سيارات نصف نقل يبقى ان هناك الكثير من السيارات الصينى التى جائت كتقليد لموديل مشهور او كشكل جديد و نذكر منها على سبيل المثال: 1-اكسبلوجان:التى جائت بموتور دايهاتسو و شديده الشبه يالسياره دايهاتسو تيريوس لدرجه ان الكثير لا يستطيع التمييز بينهما,وهى سياره ذات دفع رباعى جائت بموتورين: 1300 سي سي كامله مانيوال السعر60000 1600 سي سي كامله مانيوال السعر 67000 لابيدو:سياره صغيره بدون كماليات 800 سي سي السعر 35000 تكييف و كاسيت 1100 سي سي السعر40000 3-يوفو:و دى سياره فخمه و انيقه جدا...كامله 1600 سي سي السعر 80000 و فى منها بفتحة سقف1600 برضو السعر85000 4-ايديا:شبه الفلاير..بدون كماليات بس اوسع منها 1100 سي سي السعر:43000 فى منها 1000 سي سي السعر:40000 5-ليفان:1300 سي سي مانيوال جميع الكماليات السعر:60000 6-ساوث ايست:و دى عربيه جميله و شيك بموتور يابانى سعه 1600سي سي وبها جميع الكماليات و السعر:67000 اظن اننى هكذا اكون حصرت جميع السيارات الصينى فى السوق المصرى بأسعارهم و مواصفاتهم

يا ريت لو تنزل لهم صور