هااااااااام وعاااااااجل

[mr_astra]

الفكرة مش فى البياع
الاصل فى الموضوع المستورد
واحب اطمنك
ما فيش قطعة غيار اوريجينال فى مصر
ممكن يابانى ممكن المانى ممكن ايطالى انما اوريجينال مش ممكن
عارف
انا بشوف بعينى قطع الغيار من نوع معين وبتتختم باكتر من بلد تصنيع
مكن التغليف والحفر ما فيش اكتر منة
والجماعة الصينيين بصراحة يشكرو جامد اوى فى الحتة دى وشغالين معاك فى اى حاجة ايطالى ماشى يابانى ما فيش مانع هندى ومالة
والحكومة عندنا هنا حسنة النية وبتصدق على طول
المستورد يقولهم وحياه الاخوة دى يابانى هما يقولو ولية الحلفان احنا مصدقينك وحياة بوبوس ما تحلف
وتلاقى ستكرز جميل اوى معمول على مكن طباعة اسم المستورد " بساط الريح" وبلد المنشا ايطاليا
حاجة كدة معمولة فى بير السلم وبيع يا عم
عشان كدة قطع الغيار الاستيراد هى اضمن حاجة لو تاجر معروف ولةسمعتة
كام مرة تشترى طلمبة بنزين او كتاوت شحن ويطلع مش شغال
كام مرة تشترى ماستر فرامل او تيل فراااااااااااااااامل ويبوظو على اخر الشارع
انت تموت مش مهم ................ المهم التاجر يكسب وربنا هو الستار والحكومة سلتا اديها من عناء حاجات كتير وسيبانا نحل مشاكلنا مع بعض لاننا اسرة مع بعضينا

[mOuStaFa_ERTU]

فعلا بقت حاجه تقرف مفيش حد بقه عندة ضمير
حسبى الله ونعم الوكيل

[M.TONSY]

قطع الغيار الاصلى موجودة فى التوكيل او عند الموزعين المعتمدين من الوكيل غير كدة كله مضروب