|
الصينى العام الصين هى احدث صانعى السيارات فى العالم حيث بدأت فعلياً فى عام 1998 الا ان تعداد الصين والنمو الاقتصادى السريع جعل من الصين واحدة من اكبر الاسواق العالمية مما جعل الشركات العالمية تتهافت على تصنيع سياراتها فى الصين بينما تسعى الصين لغزو العالم بمنتجاتها المحلية اهم الشركات : هايما - ليفان - فاو - جاك - شانا بينى - شيرى و اسبيرانزا - جيلى - ايديا Zotye - FOTON - CHERY - Brilliance - Great Wall - Geely - FAW - Lifan - BYD - SPERANZA |
|
أدوات الموضوع |
#1
|
|||
|
|||
محتار و نفسى افهم
بجد يا جماعه نفسى افهم ليه كل ما واحد يتكلم عن الصينى يقول عربيه رخيصه و فيها كل الأمكانيات و الأوبشنس !!
هى ايه الأمكانيات و الأوبشنس الرهاب دول اللى يخلينى اشترى عربيه مش عارف اصلها و فصلها و كمان صينى ..... نفسى افهم العقليات اللى تحب تشترى صينى دى بتفكر ازاى ؟ و ليه مايشتريش عربيه معروفه و بها برده الأمكانيات المعقوله و بنفس السعر !!!! انا مش فاتح الموضوع ده للمناقشات الحاده و الزعل من بعض انا بس عايز اعرف التفكير المصرى بيودينا لحد فين !!
__________________
اى موضوع او اى تعليق ينم عن رأيي انا الشخصى و لكم جزيل الشكر ,,, |
#2
|
||||
|
||||
رد: محتار و نفسى افهم
هو نفس التفكير اللى بيخلى واحد يشترى عربية كورى سعرها وسعر قطع غيارها بقى زى اليابانى (مش ده بيحصل)
بنفس التفكير ونفس المنطق لما الاقى عربية زى الشيرى a1 بالتصميم ايطالى وكماليات (ايرباج و aBS) وتابلوه الوان و 1300 بسعر 52 الف جنية اكيد هتبقى مغرية جدا ونفس الكلام هينطبق على frv بتاعة البافرية كماليات فئات اعلى ومواتير اكبر فى عربيات بسعر اقل وكلام بينى وبنك (على الاصل دور) مبقاش حد يعمل بيها دلوقتى بقت (على الاوبشن دور) (على الشكل دور) اى حاجة شكلية بقت اهم من الاصل دلوقتى ومش فى العربيات بس يا صاحبى |
#3
|
||||
|
||||
رد: محتار و نفسى افهم
يا جماعة عارفين ايه اللى خلى السيارات الصينى والكورى تتباع هاقولكم على سبب بعيد عن اذهانكم ولكن مع التفكير هتلاقوه هو السبب الرئيسى.؟
البيع بالتقسيط زمان فى اول الثمانيات ماكنتش تلاقى فى الشارع غير السيارات الماركات المعروفه مرسيدس-بى ام -بيجو-ونصر فيات بحكم وجود شركة النصر للسيارات ومن اليابانى الداتسون (النيسان) والتويوتا والهوندا على استحياء . وبعد كده ظهرت السيارة السرطان اللى اسمها الهيونداى فى اول التسعينات. وموديلات حديثة منها بعد ما كانت البونى الموديل الوحيد اللى موجود فى هذه الحقبة التاريخية. وبدأت البنوك فى تفعيل نظام مصرفى جديد يدعى التجزئة المصرفيه (القروض الشخصية وقروض السيارات وخلافه). فبدأت الناس تتجه الى التقسيط لهذه السيارات من فئة الاكسيل ومن بعدها الأكسنت ودخلت التويوتا واليابانى فى الليلة. وكان لما تسأل واحد تقوله ايه العربية الورق دى يقصد الهيونداى طبعا( وهى كذلك فعلا) يقولك دى ناعمة وطرية وكلها حنية وبعدين دى زيرو يعنى هادفع اللى معايا والباقى هقسطه للبنك ليه؟ عشان ممعهوش كاش يجيب البيجو والبى ام والمرسشيدس. والتاكسيات اشتغلت فى القسط. حتى وصلنا الى هذه المرحلة ان سيارة صينى التابلوه بتاعها بيسيح من حرارة الشمس ويحصله انبعاج بتتباع ب115000 جنيه والله لو انت معاك الفلوس دى كاش وقادر تدفعها والله ماهتشتريها حتى لو كلمتك وقالتلك اشترينى صح ولا انا غلطان؟ وكمان سيارة مفيهاش اى حاجه كويسة يتهافت عليها الناس ووكيلها يبيع ويشترى فى الناس عشان موجوده فى السوق بكثرة طب ما تسأل نفسك انت اللى كترتها بعبقريتك التسويقية؟ لا والله القسط هو اللى عمل عمايله. سؤال؟ ....لو القسط ده نظام تم الغاؤه هل ستباع السيارات الكورية والصينية كاش يعنى انا ممكن ادفع فى الألنترا 120000 واسيب بى ام موديل 2002 ال318 او باسات او 307 الأجابة أبقى انا معتــــــــــــــــــــــ ــــــوه واسف على الأطالة |
#4
|
||||
|
||||
رد: محتار و نفسى افهم
أولا ،، شكر أ / شريف المصري لأنه اخيرا عمل موضوع
و احنا مفتقدينه من زمان ثانيا ، أنا معترض تماما علي الأخوة اللي بيحطوا الكوري في كفة مع الصيني الكوري خلاص عدي من زمان ،، و مش محتاج شهادة من حد في العالم قبل مصر عموما منسيبشي الموضوع الاصلي أنا هاقولك يا أ / شريف ،، بس كلمة واحدة واحد قالهالي واحد عنده بريليانس و عجباه جدا المهم بقوله بس دي هيبقي شكلها ايه بعد عشر سنين الراجل بصلي نظرة غريبة ،،، و قالي عشر سنين ايه !!!!! بالنسبة ليا شخصيا العربية باكدج أداء + جودة ( معناها بالنسبة ليا سنتين بدون اي مشاكل اطلاقا - خمسة بدون مشاكل كبيرة ) + تكاليف صيانة + اعادة بيع + كماليات ........... مقابل سعر مناسب للمنافسين ( طبقا لظروف السوق و باستبعاد المستعمل تماما ( لست ثريا جدا كي اشتري سيارة مستعملة ) ) دول اهميتهم بالترتيب ،، و بالنسبة للسيارات الصينية الأداء و الكماليات ...................... دول هاعرفهم بتيست درايف و من الكاتلوج جودة ......................... .................. محدهش يعرف ،مخاطرة هياخدها اللي يشتريها لوحده تكاليف صيانة ، إعادة بيع ......................... ........ دول اللي هيحددهم السوق خلال الكام سنة اللي جاية من الاخر لو حد قالي ان العربية الصينية الفلانية هتقعد معاك خمس سنين بدون مشاكل مؤثرة و مش نتيجة سوء استخدام و انا شفت بنفسي في السوق ان بقه ليها صيانة و ليها سوق اعادة بيع فأهلآ و مرحبا بالصيني بجمال شكله و بكمالياته و بسعره المنافس و تووووظ في التاريخ و في الاسم و في الحضارة و الأصل و الفصل و النسب * نقطة اخيره ، الصيني قد يتفوق علي الكوري و الياباني في المعادلة السابقه لبند الأداء ،، ليه ،، الكوري و الياباني مدرسة آسيوية فقط ،، الصيني مش تلميذ لاي حد ،، فممكن جدا انه يكون منافس للسيارات الاوربية بشياكتها و طعمها و ادائها المميز التعديل الأخير تم بواسطة Ahmed Anwer ; 13-11-2008 الساعة 02:55 AM |
#5
|
||||
|
||||
رد: محتار و نفسى افهم
لاء طبعا مش معاك يا ايمن يعنى هو مفيش حد بيشترى صينى كاش لاء فيه طبعاً
ويعنى مفيش تقسيط غير للعربيات الصينى لاء فيه طبعا ناس بتقسط يابانى والمانى وكورى وكل حاجة معاك ان التقسيط ليه دور فعلا بس مش هو السبب الاساسى فى انتشار العربيات الصينى فى مصر |
|
|