ال a 516 سياره مثيره للجدل ....... مستني تعليقاتكوا

[pro mada]

المشاركة الأصلية كتبت بواسطة a7lahamada انا قمت بتجربة ال A516 لمدة يوم كامل في الاسكندرية وانا لاحظت الاتي انا هتكلم عن كل حاجة 1.السيارة من الداخل واسعة جدااا وتركب فيها اكنك راكب عربية عالية جددااااا بصراحة بس تصميم العدادات مش قد كدة التابلوة ممتاز والكاسيت والتكيف 2.العربية لحد 120 كانت ثابتة ثبات معقول 3.العفشة بتعتها نشفة جداااا ودة علشان الجنوط كبير والعجل عريض بس بخلاف دة عفشة العربية بتتفكك بسرعة من الاخر وحشة 4.الموتورالسحب بتاعوا يعني نقر نقول مقبول نسبيا بس السحب بتاع الفيرنا اقوي منها بكتر وانا اخترت الفيرنا علشان في نفس مستوي السعر 5.موضوع ان الموتور بتاعها نمساوي دي تقلق هيعيش ولا اخروا 4 5 سنين وبسلامة 6.الشنطة بتاعت السيارة واسعة جدااا 7.قطع الغيار بتاعت السيارة دي غالية بالنسبة لتمنها بصراحة في النهاية العربية دي من ناحية الرفاهية والوسع ممتازة من حيث الشكل الداخلي فوق الممتاز من حيث الشكل الخارجي مقبول مع ان شكلها من الخلف وحش جدااا الميكانيكا بتعت السيارة ممكن تاخد من وجهة نظري 6 او 7 من 10 العفشة 5 من 10 قطع الغيار غالية علي العربية دي بصراحة في المجمل انا من وجهة نظري السيارة اديها 6 من 10

هي دي التعليقات اللي انا مستنيها من زمان
تجارب قياده فعليه للسياره فقط و هو ده المطلوب
تسلم ايدك يا باشا
و لسه مستني تجاربكوا مع العربيه دي

[efat_555]

عربية فاشله اوي اوي مش صيني يا جماعا عايز اية يعني هي كويس بتمشي جوة مصر هههههههههههه

انا يا باشا سوقت العربيه دي سنه و نصف
هي عربيه كويسه جدا وعمليه في السفر وكامكانيات كويسه جدا علي سعرها
بس في ملحوظه
متنفعش كشغل شباب
يعني مثلا فرق او تخميس او تمشي بسرعه علي ارض فيها ظلت بلد ارياف يعني
العربيه وزنها اه يشجع للعب بس بالوقت هتلاقيها مش مظبته
كموتور و سحب عاديه زيها زي باقي الاسبرانزا
النقل علي 4200
بس متنفعش مثلا بغرز علي سرعات عاليه
لو انت من هوات السرعات منصحكش بيها
لان وزنها خفيف بس مش اوي
هي تناسب فئه الي فوق ال 40 سنه
سواقه برزانه
مش شغل شباب
لو انت بتحب السرعات و ليك في الرحكات
انصحك بالتيجو او الام 11 انا جربتهم و الاتنين فوق الروعه
لو بتميل للسرعات يبقي هات ال ام 11
والفروق في الاسعار مش كبيره
في عيب في 516
لو زوت حاجات بالكهربه الدفيرة هتبوز و هتدخلك في مشاكل
فيها ميزة حلوة
انك شايف لحد الفوانيس
ودي مش موجود دلوقتي في اغلب العربيات
هتقول انا مثلا طويل
شوفت ناس كتير كده
الكراسي بتاعتها عاليه
فيها عيب و ميزه
الدركسيون بتاعها ناعم جدااااااااااااااااااااااا اا
ميزة بسهوله السواقه و بتحسها جدا
بس لو حصل اي حاجه وانت علي سرعات عاليه العربيه بتفلت
وده الي خلاني مجبهاش و جبت ال ام 11
لاني بدوس جامد و العكس تماما الام11
توجه العربيه بسهوله جدا و انت بتفرمل
اما 516 لو وجهت هتموت نفسك علي السرعات اعلي من 150
بالنسبه لقطع الغيار
انا ربنا وعدني و العربيه واقفه نصف نقل ماشي بسرعه دغدغ الكبوت
والاقصدام
طبعا اترش و اتعدل الكبوت و اتغير الاقصدام و غيرت فانوس و كل ده ب الف تمنيه
معتقدش كتير علي حاده بالمنظر ده
بالنسبه للبنزين ماشي فيها تسعين كويس جدا و مفيس تسقيف
بالنسبه لسعر الفوانيس
370 ج
اللانسر اساسا ب 500 ج
بالنسبه للموتور سالت عنه بعيسي قالولي دوش الماني
ومعتقدش مفيش احلي من الالماني
وكداء كويس جدا
وتسارعها حلو
من 0-100 في 16 ثانيه
الي حد ما كويسه
بالنسبه للعفشه عايزة محافظه
متجريش علي الظلت و التكسيرات بس
وواسعه جدا والشنطه مركب
بالنسبه للتكيف بجد تلاجه
وبجد محصلشت معايا خالص ان فيها عيوب
كلها عيوب استخدام
خبطات وكلها وهي واقفه
العيون كانت عليها الله ينور
لان جبتها اول ما نزلت
تلخيص للعربيه
مميزات :
سعر كويس
واسعه
مريحه
رفاهيه
جنود و مساعدين جامدين
متوسطه الوزن
بور ناعم جدا
سهله رؤيه ابعاد العربيه
وفوانيس مؤلمه جدا
فيها عدسه بشعه فعلا للمقابل
وبتجبلك ل 300 متر قدام
العيوب :
نعومه البور خطر جدا بالسرعات العاليه
مش ثابته علي السرعات العليه
مفهاش نظام تعليق ولا ebd
بالمنحنيات بالسرعات العاليه بتفلت منك
مفهاش دعامات جامده بالابواب والكبوت
يعني اختبار التصادم بتاعها مش متميز
تفرق كتير باختبار التصادم الام 11
وفيها عيب من وجه نظري ان مكنه رفع الازاز لازم اتك بالزرار مش اوتوماتك تكه واحده
لا افضل متك
ده عيب من وجه نظري

فشوف انت محتاج اي وقرر
وبالتوفيق يارب

وسوري
ليا راي عليا لي كاتب انها فاشله
سوري انت مجبرتهاش

[HAMADAQ2]

السلام عليكم
ارجو الافادة من العضو aboelesaad صاحب الام 11
عن الوكيل و سحب العربية و ثباتها في السرعات ولو العربية في عيب
و شكراااا