اتنصب عليا بسبب قناة اوتوموتو

يا معلم انتا عليك وعلي شركة النيل سات ووزارة الاعلام وتقدم بلاغات وتطلع علي النائب العام وتقول كل اللي حصل وان شاء الله حقق هيجيلك وانتا قاعد مربع في البيت

وابعد عن الاقسام مش هيجيبولك شلن من اللي صرفته

ومتزعلش مني انتا اللي غلطان في الاول والاخر

وحاول تسجل لحظة ورود رقم الموبيل ده علي الشاشه وتسجلها علي الفلاشه وتطلع تعمل محضر وتثبت الكلام ده

وربنا معاك

انتو عارفين انا ببعت رسائل واتصلت 200 مرة 50 رسالة وكل ده ياريت بيظهر على الشاشة وحمادة هلال مغلطش لما قال هاتو الفلوس الي عليكم دي قناة وطيه وناصابة وعلى راي محمد حماقي انا جيلك ونويها بظبط واديني عل باب بخبط وهتعملي اي اتفو عليكو يا اوتو موتو

[albalshy]

ايه الكلام ده يا عمنا انت ؟؟؟؟؟؟؟؟؟؟؟؟
كلامك باين زى الشمس و واضح وضوح النهار و مش محتاج لتفسير . مانت بتقول اسمك ورقم تلفونك ظهروا على شاشة القناه فى الشريط اللى تحت . فواحد من حبايبنا الحلوين لقط رقمك و اسمك و اشتغل عليك عشان تشحنله رصيد ولما لقاك راجل طيب و أمير و ابن حلال استمر معاك فى اللعبه عشان تشحنله تانى . ماشاء الله ايه ده عالم محترفين فى النصب .
معلش ربنا يعوض عليك بس انت اللى غلطان و ارتكبت خطأ فادح . لانك لما بتتصل بالقناه بيرد عليك فى خاصية النداء الالى فمش معقول اللى هايتصل عليك من القناه هايقولك ابعت فلوس تانى عشان يرسى عليك المزاد لان كده كده الناس بتتصل و الفلوس داخله القناه من الهوا و اللى بيتصل كتير هو اللى هايكسب العربيه .
معلش هو لما اتصل بيك و قالك انك كسبت الفرحه شلت تفكيرك و بقيت على استعداد تعمل اى حاجه و تضحى باى حاجه عشان المكسب و ساعتها العقل بيبقى مغيب تماما و عاجز عن التفكير .
و عشان تبقى عارف اللى بيدخل المزاد ده لازم يكون مضحى بيجى اكتر من 500 جنيه كروت شحن عشان الاتصالات و الرسايل لان ده كله شغل مراهنات و القناه ما بتدفعش حاجه من جيبها كله من فلوس الناس اللى بتتصل و بتكمل بالفلوس دى تمن العربيه و مكسبها فى الاعلانات و الدعايه و فلوس كمان .
كلمه أخيره :- انا فكرت كتير قبل كده أول ما فتحوا المزاد و لقيت انى لازم أتصل كتير و ابعت رسايل كتير يعنى لازم اشحن ب و انا و حظى و لو خسرت يبقى راحت عليا الفلوس الللى شحنت بيها بس انا فكرت كتير ان ربنا سبحانه و تعالى ما بيباركشى فى الفلوس اللى احنا ما تعبناش فيها و من الاخر المراهنات شرعا حرااااااااااااااااااااااا ااااااااااااااااااااااااا اااااام
يا حبيبى دانت لو راهنت واحد صاحبك و قولتله لو حصل كذا و كذا و منى 100 جنيه ل 10 جنيه منك الكلام ده فى حد ذاته حرااااااااااااااااااااااا م فى حرااااااااااااااام .
يعنى من الاخر المزاد ده حرام و اللى بيكسب ده سواء كانت عربيه او اجهزه دى تعتبر فلوس حرام لانه ما تعبش فيها و ربنا ما بيباركش الا فى الرزق الحلال و المكسب الحلال . انما اللى بيجى من الهوا ده بيروح ساعتها . عشان كده انا باتابع بس شاشة القناه و باشوف اللى بيحصل فى الاخر و مين اللى كسب و رسى عليه المزاد بكام و الفرق بين سعر العربيه الحقيقى و المبلغ اللى رسى عليه .
ده كله من غير ما اتعب نفسى و امسك حتى تليفونى و اتصل أو حتى أفكر انى اتصل .

[ابوالباشا]

ربنا يعوض عليك

[AbOnOrA]

قناة فاشلة وبدل ما تقدم خدمة محترمة ومفيدة الناس محتاجاها شغاله فى الهيافة والمسابقات

بص يا باشا طبعاَ انت غلطان والمهم انك تتعلم من خطائك وطبعاَ مشكور للتنبية علشان محدش تانى يغلط نفس الغلطة

بالنسبة لموقفك دلوقتى لازم تعمل محضر وتحط فيه الرقم اللى اتصل عليك منه ولو كان بعتلك اى رسائل على الموبيل احتفظ بيها وسجل التواريخ وكل التفاصيل علشان تثبتها فى المحضر
فائدة المحضر ده انه هيديك اذن نيابة تطالب بيه فودافون او شركة الاتصالات اللى تبعها الخط انها تديك بيانات الشخص صاحب الرقم ويتم استدعاه للرد على التهم الموجهه ليه وانت بقى وشطارتك بعد كده

وربنا يعوض عليك