احداث رياضية لاعوام 2008 2009 2010 2011

[د0تامر محمد]

أولا آسف لتأخر التعليق لان الجهاز ضرب ويدوب لسه جاى من الصيانة
ثانيا أنا لااتحدث من منطلق ألوان ولا انفى انى اهلاوى وأفتخر وبقالى اكتر من عشرين سنة بشجع الاهلى ولم تفتنى مباراة حتى وان كانت ودية
ثالثا انا لم انتقد المنتخب من منطلق الوان ولكن أعيب على لاعبين تركوا الكرة والابداع الى اشياء أخرى بعيدة عن الرياضة وانا مصدوم ككل المصريين وعندى خيبة امل كبيرة لان هذه كانت أسهل فرصة للوصول الى كأس العالم ووقوعنا فى مجموعة متواضعة 00هذا بخلاف شرحى لتواضع مستوى الزمالك هذا العام وانعدام المنافسة لان الاهلى نام فى غيبوبة انبى وبتروجيت ولعلمه انها فرق بلا جماهير ويعلم تمام العلم بانها ستتراجع فى النهاية لذلك تدهورت الاحوال ومع تدهور الاسماعيلى الا فى اللحظات الاخيرة فقد الدورى المنافسة الحقيقية بين القطبين وهى التى تصنع التألق والابداع وتربى روح المنافسة وسقوط الاهلى فى البطولات هذا العام كان نتيجة لهذا ومؤشر لتراجع مستوى المنتخب مع تقدم اعمار بعض اللاعبين واستهتار البعض وغرورهم وتفرغهم لما هو خارج كرة القدم وعندما اهاجم هانى سعيد الذى تراجع مستواه هذه حقيقة ومعه سيد معوض فقد فقد كل منهما مستواه العالى وعمرو ذكى كذلك ووائل جمعة شاخ00والحضرى منذ ترك الاهلى وهو انتهى كحارس متميز واصبح عادى الموضوع اذن ليس الوان باى حال ولا أدرى كيف يصل مفهوم مغلوط هكذا للبعض ويعلقون على الموضوع بهذه الطريقة
يا جماعة عنوان الموضوع نقاش كل واحد يقول وجهة نظره من أجل أن نصل الى حل لاننا على حافة الضياع00الم تسمعوا ماذا قالوا فى الفضائيات؟
كل الالوان تحدثت واتفقت فى كثير مما قلت
فانا لااتجنى على أحد
رابعا
هل يختلف اثنان على ان عبد الواحد السيد هو الحارس الاول فى مصر هذا العام؟
يأتى معه أحمد فوزى بتروجيت
المدافعون
هانى سعيد(الحرس) وفتح الله وعبد الظاهر السقا
واحمد السيد وشريف عبد الفضيل واحمد خيرى
الرائعان حازم امام وصبرى رحيل
اسامه محمد ووليد سليمان واحمد المحمدى وعادل مصطفى ووائل رياض ونادر العشرى واحمد حسن مكى وعيد عبد الملك واحمد عبد الغنى
ومحمد طلعت وغيرهم كثير من الموهبين
نحتاج الى التجديد المحسوب فى الصفوف ولاعبين عندهم حافز وطموحات كما كان للسابقين
طبيعة اللاعب المصرى يتألق لبلوغ المجد ثم عندما يصل لاتجده لاعبا ولكن متحدثا ومشاغبا وووووووو
الحرس القديم لم يعد يصلح منه الا القليل من اصحاب الخبرة والنخوة
نحن فى حاجة الى تجديد الدماء مع عنصر خبرة لايتعدى ابوتريكة وبركات وزيدان والسقا وفتحى وحسنى وعبدالواحد وصبحى
هذه مجرد وجهة نظر
وعلى راى الكابتن شوبير
مدحنا واستفضنا وتغاضينا وجاء وقت النقد والارشاد قبل ضياع آخر فرصة
شحاته الكبير رغم كل شىء معذور لضيق الوقت ولكن بالتأكيد عنده حل للتجديد المحسوب وقدرته الفنية تساعده على فعل ذلك فى وقت قصير
والى الامام يامصر
شكرا لكل الآراء وخاصة من اختلف لانه اثرى الموضوع وكلنا نتجه الى هدف واحد هو حلم الوصول الى مونديال 2010

[white_blanco]

برافو عليك افحمتني

برغم ان حضرتك اهلاوي بس اسلوبك جميل والله ويعجبني

وان شاء الله ربنا يسهل للمنتخب بس للاسف مش هينفع يغير جامد اوي كدا لاننا نهايه موسم

وتقبل مروري د تامر

[dr.darsh]

معلش يا دكتور تامر حضرتك والله من أعز الناس لقلبي في المنتدى
أنا بس حبيت أرد على كلامك علشان ما يبقاش في حاجة على لساني ومش قادر أقولها
وأرجو انك ماتزعلش مني
في النهاية الاختلاف في الرأي لا يفسد للود قضية

المشاركة الأصلية كتبت بواسطة د0تامر محمد عصام الحضرى ابو خمسة سيون00الذى خرج فى برنامج شوبير فى قناة الحياة معلقا على خبر ايقافه من قبل الفيفا بانه سوف يلعب غصبن عن التخين فى مصر!! ماتنساش يا دكتور ان هو ده عصام الحضري وهي دي أخلاقه مش من النهارده ولا من امبارح لأ دي أخلاقه من ساعة ما جه من بلدهم وانضم للأهلي والكلام ده بشهادة جوزيه نفسه اللي سحب منه الشارة وقال عنه انه شخص لا يمكن الاعتماد عليه. أنا بتساءل ليه ما سمعناش كل هذا النقد من جانب الأهلوية الا بعد ما سابهم وخلع وتسبب ذلك في هزة قوية للفريق جعلته يظهر بشكل مخجل في كأس العالم للأندية وبشكل باهت في بطولتي الكأس والدوري وختاما ظهر بشكل يدعوا للشفقة في بطولتي افريقيا ؟؟؟؟؟ في الوقت اللي جماهير كل الفرق في الدوري كانت بتشتكي من الحضري وسلوكه المستفز كانت جماهير الأهلي بترفعه على الأعناق لدرجة اننا اعتدنا منه على فقرة الغازية اللي كان بيعملها بعد كل بطولة يحرزها الأهلي لما كان بيتحزم وياخد البطيخة ويطلع فوق العارضة ويهز تحت أنغام النشيد الوطني لجمهورية الأهلي (ارقص يا حضري) دلوقتي بقى الحضري وحش.....كده فجأة؟؟؟!!!! الحارس الدولى الهارب تطاول على كل المصريين وتم لحس كلامه كالعادة بحجة انه محدود الثقافة! تطاول على عدلى القيعى الرجل المهذب الذى لم يخطىء بحقه وكان شوبير فى قمة الخجل وهو يقول ياعصام انا كابتنك مش عايز أقولك والله يا دكتور اني وقعت على الأرض من الضحك وأنا شايفك بتوصف عدلي القيعي بالرجل المهذب كان ناقص كمان تقول شوبير المحترم....ماعرفش ساعتها كان ممكن يحصلي ايه والليبرو المحترم هانى سعيد الذى ذهب الى الزمالك على يد الشرطة بعد واقعة البلطجة مع عبد المنصف وتم دفن الواقعة وكلنا رأينا مستوى هانى سعيد مع الزمالك والانحدار الشديد والتهاوى الكلام ده مالوش أي أساس من الصحة والزمالك برئ تماما من هذا الموضوع واذا كان حد عنده ما يثبت عكس ذلك يتفضل يقدم بلاغ للنيابة وهي تحقق واذا كان هاني سعيد عايز يلعب في الأهلي كان مضى له من الأول الا بقى اذا كان (المحترم والمهذب) عدلي القيعي كان عنده تخطيط تاني وطمعان انه يخطف اللاعب بعد ما انضم للزمالك زي ما عمل قبل كده مع اسلام الشاطر وقتها كان أمين صندوق اتحاد الكورة وسرق عقد اللاعب وفحصه علشان يلاقي الثغرة اللي يسرق بيها اللاعب من الزمالك......تحت رعاية الأهلاوي عصام عبد المنعم لو حضرتك عايز تقلب في التاريخ وماله فاكر عمرو سماكة اللي المهذب خطفه وخباه في الساحل الشمالي علشان يخفيه عن عيون مسئولي الزمالك والترسانة؟؟ حسنى عبد ربه عاشق الاسماعيلى المزيف والشو المعروف مع الاهلى وفشله بالاحتراف فى دورى قوى لم يعد يصلح للمنتخب على فكرة يا دكتور وباجماع الكل حسني كان أرجل لعيب في الملعب وأحد أفضل نجوم المبارة على الاطلاق!!!!!! اما ابو تريكه فكلنا نعلم ان مستواه انخفض بشدة بعد الاصابة الاخيرة وان كان ما يزال البسمة الوحيدة واللمسة الساحرة مع المنتخب وهو صاحب آخر هدفين هي فين البسمة دي يا دكتور ولا هو علشان أبو تريكة يبقى لازم ندور على أي حاجة حلوة نكتبها عنه وخلاص وكأن انتقاده من الكبائر والعياذ بالله وبعدين المنتخب من بعد كأس الأمم ما لعبش غير ماتشين رسميين أحرز فيهم هدفين واحد لعمرو زكي والتاني لأبوتريكة و بعدين من امتى احنا بنقيم لاعب كورة على كام ترقيصة وكام جون أهم حاجة يا دكتور العطاء في الملعب وعطاء أبوتريكة الآن يساوي صفر.....اللهم الا كام كورة يمثل فيهم عشان ياخد فاول ولا ضربة جزاء عمرو ذكى والشو الاعلامى وبطولة مطلقة فى التصريحات الاعلامية والوجهة المقبلة فى الاحتراف وصعوبة اللعب بمصر وف الآخر ح ترسى على الزمالك! لان مستواه بعد الغرور الذى أطاح به من ويجان يبدو جليا لكل عين مبصره على فكرة عمرو زكي كان بيلعب وهو مصاب والراجل تحامل على نفسه ولعب وما كانشي أوحش من غيره باستثناء حسني عبد ربه ولان حسن شحاته ورفاقة لعبوا على الحرس القديم واكتفوا بنفس الوجوه منذ 2006 دون دخول عناصر شابة جديدة عندها الدافع والحافز لنصع مجد وتاريخ وليس من تشبعوا ووصلوا الى قمة يعقبها الانحدار!! المنتخبات الابطال تحتاج دائما الى التجديد فى العناصر والفكر والتكتيك طب ليه يا ترى ما بنسمعش الكلام ده من الأهلوية على فرقتهم وليه الأهلي ما استغناش عن وائل وأحمد حسن وأبوتريكة وبركات وجيلبرتو زي ما استغنى عن شادي والنحاس؟؟؟؟؟؟؟؟؟؟؟؟؟؟؟؟؟ وفى العام الاخير تهاوى الزمالك الى القاع وجذب الاهلى والاسماعيلى حتى دي كمان سببها الزمالك....لا حول ولا قوة الا بالله طب نقول ايه على اللي عمله الأهلي مع الاسماعيلي لما جرده من فرقته بالكامل وعد حضرتك معايا خالد بيبو...محمد عبدالله...بركات...النحاس. ..سيد معوض...أحمد حسن...اسلام الشاطر كل ده والاسماعيلي برضه ماوقعش وفضل ينافس الأهلي لآخر الموسم وخسر الدوري بالحكام كان نفسي والله يا دكتور نتناقش في سقوط المنتخب والأسباب الموضوعية للهزيمة لكن طبعا كان لازم أرد الأول على كل الكلام ده وتاني بكرر ماتزعلش مني يا دكتور

[د0تامر محمد]

واضح انك شايف الموضوع من زاوية تانية خالص
انا تعليقى ان انخفاض مستوى الزمالك ادى الى انخفاض الاهلى والاسماعيلى عماد المنتخب وسقوط الزمالك للمتعصبين الذين فرحوا أدى الى كارثة المنتخب وخروج الاهلى من البطولات الافريقيه لانهم تعودوا على اللعب بدون منافسة وفقدوا الحماسة والخوف من المنافس
ومين قال ان الاهلوية عاجبهم فرقتهم ولافرق مصر حتى اللى تدهورت ولم يعد كما ذكرت مسبقا غير بتروجيت وانبى والحرس هى التى تلعب كرة قدم حقيقية ولولا عدم وجود شعبية لها لاطاحت بالكبار

اما عن نجوم 2008 فلا يوجد واحد منهم ارتفع مستواه بالعكس الجميع تراجع بشدة والكلام ده من شهور طويلة لانهم شبعوا بطولات
هانى سعيد طول عمره هارب من اول ما ساب الاهلى وراح ايطاليا وفى الزمالك هو ثغرة واضحة وشحاته معذور لانه مش لاقى مدافعين وبيقول يمكن الوردة(اللى كانت) يبقى فيها ريحة

اما عصام فلم يكن بهذه الاخلاق المتدنية من قبل ولم يخرج منه تصريح قبيح من قبل
وعدلى القيعى راجل محترم وبيدور على مصلحة ناديه ولم يسمع عنه انه خرج بلفظ غير لائق فى حياته

وبعدين انا لم اتكلم على انديه انا اقول رأيى فى لاعبين فقدوا الحماس فى المنتخب مش ف انديتهم

ارجو ان نتعلم ثقافة الاختلاف ولا نحاول التهكم فقد نكون مخطئين فى فهمنا

شكرا لك يادكتور واسامحك على حدتك التى تخرج من محب لناديه والذى لم اقصده الا بعكس ما فهمت
كفانا الله التعصب ويا ليتنا نتعصب لاخوتنا فى فلسطين والعراق والعروبة الضائعة كما نتعصب فى الكرة!!!!

[dr.darsh]

المشاركة الأصلية كتبت بواسطة د0تامر محمد ارجو ان نتعلم ثقافة الاختلاف ولا نحاول التهكم فقد نكون مخطئين فى فهمنا شكرا لك يادكتور واسامحك على حدتك التى تخرج من محب لناديه والذى لم اقصده الا بعكس ما فهمت كفانا الله التعصب ويا ليتنا نتعصب لاخوتنا فى فلسطين والعراق والعروبة الضائعة كما نتعصب فى الكرة!!!!

يا دكتور تامر أعتقد اني أمتلك ولو شئ من ثقافة الحوار والاختلاف في الرأي
وان كنت في حاجة لأني أتعلم برضه مفيش مشكلة أبدا

لكن أنا عايز أوصل لحضرتك اني في مشاركتي لم أسئ لشخصك في أي شئ لأنك بجد والله من غير مجاملة شخص أعتز بيه جدا
فقط عرضت وجهة نظري كما عرضت حضرتك وجهة نظرك بالظبط

واسلوب التهكم ليس أسلوبي اطلاقا واتحدى ان يكون أي كلمة من كلامي بتحمل هذا المعنى

أما موضوع التعصب ده فحضرتك شريك أساسي فيه واعتقد انك متعصب للأهلي أكتر من تعصبي للزمالك بكتير
وكمان كلام حضرتك وذمك في كل ماهو أبيض ومدحك لكل ما هو أحمر هو اللي دفع النقاش في الموضوع لهذا المسار

اتمنى ان تكون وجهة نظري وضحت .... وما يكنش في من ناحيتك أي ضيق