متوسط اسعار المستعمل هذا الاسبوع

[د0تامر محمد]

المشاركة الأصلية كتبت بواسطة mando el brins دكتور تامر عايز اعرف بروتون ويرا موديل 2000 و2004 عاملين كام 1300cc كامله و هي عربية كويسة ولا افكر في حاجة تانية

سيارة جيدة وهى فى الاساس لانسر وهى فى حدود 35-45 حسب الموديل والحالة

[د0تامر محمد]

المشاركة الأصلية كتبت بواسطة lido82 السلام عليكم ورحمة الله وبركاتة اولا حمدا لله على سلامة حضرتك واسأل الله العظيم رب العرش العظيم ان يشفيك وثانيا هنتاقل على حضرتك فى سؤال سعر النيو اكسنت موديل 2011 مانيوال وعاملة 25000 كم بحالة ممتازة يساوى كام ؟ جزاك الله خيرا

تساوى 75000 وقد تزيد قليلا تبعا لتميز الحالة

[د0تامر محمد]

المشاركة الأصلية كتبت بواسطة hamed2020 مع تمناياتي بالشفاء العاجل اولا الموضوع مميز جدااااااا ثانيا انا هتقل عليك شويه وفب اكتر من حاجه زي ما انا كاتب في التوقيع انا عايز wv NEW BETELLZ او Wv POLO او WV Golf بس انا مش عارف جولف كام عموما انا شكلي هتقل اوي انا عايز اسعارهم هم الثلاثه موديلات تبذأ من 2001 الي 2006 انا طالب جامعي بروح من وسط البلد للشيخ زايد يوميا و بالكتير مشوارين او 3 في الاسبوع بالليل و مع بردو 3 افراد بالكتير و اكيد هسافر مطروح او الساحل بيها مع الثلاثه دول كل سنه رجاء الترتيب مع الاسباب الميكانيكيه و العفشه وقطع الغيار و الاعتماديه و لو في حاجه انا مكتبتهاش في الاسباب اذكرهالي مع العلم انا اقصييييييييييييييي سرعه ليا 110 120 اخر حاجه بعد الاسعار الي ان شاء الله هتكتبهاا لو السنه الجايه بقا حبيت اجيب نفس الكلام ده هيقل من كام لكام مثالا و العداد علشان اضمن ان العربيه هتعد معايه فتره كبيره يكون اخررررررررررررررره كام مع العلم هتعد مش اقل من 7 سنوات و هل النقطه دي بتختلف من موديل سنه للتانيه و شكراااااااااااااااااااااا ااااااااااااا

شخصيا أفضل الجولف
مو2001=65
مو2002=70
مو-20042003=75-80
مو2005=85
مو2006=90

البولو
2001=40
2002=45
2003=50
2004=55
2005=60
2006=65
البيتل
مو2001=75
مو2002=80
مو2003=85
مو2004=90
مو2005=95
مو2006=105
السيارات بتنزل فى حدود 5آلاف قد يزيد الرقم وقد يقل حسب ظروف السوق وقد يثبت السعر
بالنسبة للترتيب جولف بيتل بولو
والأرخص فى قطع الغيار البولو

[د0تامر محمد]

المشاركة الأصلية كتبت بواسطة EgyZizo تويوتا كورولا 1994 دواخل فابريكة ، راشة بره الصالون متبهدل شوية فيه خبطة صغيرة فى الشنطة مردودة على البارد الموتور معمول له طقم شمبر ،و حالته كويسة التكييف عاوز يتشحن حسب كلام المالك برجاء التقييم.

تساوى 40000

[ahmedshouk]

السلام عليكم ورحمة الله وبركاته بعد التحيه اود من سيادتكم تسعير هذه السياره وجزاكم الله خيرا
النترا 2007 اتوماتيك خاليجى عامله 66000 كيلوا عداد شرعى بها اربع وحدات رفع وانزار تكييف بكر وكاسيت سونى لايوجد او مافيهاش abs الرخصه فيها سنه و 3 شهور
العربيه رشه اكصدامين مع العلم ان الاكصدام الامامى فيه شرخ عرضى بطول النمر يعنى عاوز معجون ورش الخلفى عاوز يترش لان البويه مقشره الباب الخلفى يمين كان فيه حكه وجبها على البارد ورشها بسبرى يعنى معرفش هيحتاج يترش والا لاء فى نقرتين فى باب السواق عملهم بمعالج حجم الواحده يعادل حجم النص جنيه الفضه او اقل حاجه بسيطه غير كده العربيه فبريكه
يعنى العربيه فبريكه 3 بيبان وسقف وشنطه واربع رفارف حالة الكوتش 60 %
الصالون جلد فرش الفبريكه بس كرسى السواق مقشر بمساحة دائره قطرها 10 سم
بطريه جديده والموتور بحاله جيده و التكييف يعمل بكفأه بالنسبه لطقم السيرفيس لو العربيه محتاجه طقم سيرفيس هيأثر على السعر فى قد ايه

العربيه( مافيهاش) ايرباج والا اى بى اس والا جنوط والا فوانيس شبوره يعنى (اتوماتيك فاضيه) زياده انزار و4 وحدات رفع ,وحمد الله على السلامه