سؤال فى كهرباء السيارة و نصائح قبل السفر

[bmkbmk]

المشاركة الأصلية كتبت بواسطة sam ram الاول حمدالله على سلامه العربيه بس موضوع برنامج العربيه ده سوفت وير .. وموجود عندهم .. ولا موجود في العربيه و الكمبيوتر بيقراه ... .. و لا دواير كهربا بتتظبط على الكمبيوتر ... مش عايز اقولك اعمل اسطوانه من السوفت وير ... يمكن تفتكرني بهزر .. بس هي فعلا نقطه اثارت فضولي و عايز افهمها صح

الله يسلمك يا باشا و لا أراكم الله مكروها فى عزيز لديكم

بالنسبة للعربية بتاعتى يا باشا بها أربع وحدات كمبيوتر و هو طبعا زى ما حضرتك عارف مش كمبيوتر بالمعنى المفهوم و انما هو بوردة و عليها شوية أيسيهات و رومات بتتحكم فى وظائف العربية المختلفة من نظام حقن و انظمة الكهرباء و انظمة التعرف الذكى على مفتاح السيارة و كمبيوتر الرحلات ,,,, وووو و جميع وظائف السيارة
و طبعا كل ما العربية بيكون فيها اوبشنز اكتر و امكانيات اكتر بتكون مهام الكمبيوتر اكتر يعنى كمبيترات المرسيدسات و البى إمات الجديدة مثلا بتتحكم فى كل سنتى فى العربية من اول نسبة الهوا فى الكوتش و انظمة اثبات و الحساسات الى الاتصال بالقمر الصناعى و تصحيح الاخطاء آليا من المصنع (وهم الوهم يعنى )

للأسف العربيات دى لو غيرت فيها اى حاجة متعلقة بالكهرباء أو أى حاجة اكترونية لازم تعمل اعادة برمجة للكمبيوتر علشان يتعرف على الجزء الجديد و يظبط باقى معدلات الاسخدام عليه

كمبيوتر العربية طبعا فيه سوفت وير معين و مظبوط عليه و هما عندهم سوفت وير تانى بياخد قراءات كمبيوتر السيارة و أى اخطاء مسجلة عليه و السوفت وير اللى بيقرا من كمبيوتر العربية ده متوفر جدا و ممكن تلاقيه ببلاش على النت و طبعا فيه منه بفلوس اللى بيقدر يقرأ و يكتب ... يعنى اللى بيقدر يدى تعليمات جديدة لكمبيوتر العربية

فى حالة ما بتكون العربية عطلانة بيعمل فحص على كمبيوتر العربية و يقرا الاخطاء المسجلة عليه ثم يقوم بإصلاح تلك الاخطاء اتوماتيكياعند الامر بذلك (ده طبعا السوفت وير اللى بفلوس) لو لم يتم تصليح الاخطاء إذن فالعيب هو هارد وير من الكمبيوتر نفسه او الجزء الى ناتج عنه العطب.

و طبعا صاحب المحل مش ممكن اطلاقا يديك نسخة من السوفت وير ده لأنه بيكسبه دهب و تساله الكمبيوتر بكام و السوفت وير بكام يقولك بعشمرميت مليون دينار علشان ماتفكرش تجيبه

فى الواقع السوفتوير متوفر و بيشتغل على اى لاب توب بس تجيب الوصلة اللى بتكون بين اللاب توب و كمبيوتر السيارة و هى بتكون شبه الوصلة السيريال ,,,, عادى يعنى ممكن تتجاب

المشكلة بقى انك لازم يكون عندك خبرة كافية عن القراءات اللى بتجيلك من العربية و معدلات الاستخدام المختلفة من البنزين و الهوا و كفاءة الكهرباء و الحاجات دى علشان تعرف تلعب براحتك بدل ما تبوظ حاجة
بس هو عموما فيه التشييك على الاخطاء و معالجتها اتوماتيك أو التوصية بتغيير أى جزء من اجزاء السيارة و ده طبعا مابيحتاجش خبرة كبيرة


و اتمنى يا باشا اكون افدتك و ألف شكر على اهتمامك و سؤالك

[AbOnOrA]

الف سلامة والحمد لله انها جت على إعادة ضبط الكمبيوتر وبس

بس بصراحة انا لو مكانك يا كيمو لازم اعرف على الاقل ايه الاعطال اللى كانت موجودة وعملها ريست هل هى اعطال بخصوص الدينامو برضو ولا ايه

لان اكواد الاعطال ديه ممكن تكون مؤشر او وسيلة لفهم حاجات تانية

[bmkbmk]

المشاركة الأصلية كتبت بواسطة AboNoRa الف سلامة والحمد لله انها جت على إعادة ضبط الكمبيوتر وبس بس بصراحة انا لو مكانك يا كيمو لازم اعرف على الاقل ايه الاعطال اللى كانت موجودة وعملها ريست هل هى اعطال بخصوص الدينامو برضو ولا ايه لان اكواد الاعطال ديه ممكن تكون مؤشر او وسيلة لفهم حاجات تانية

الله يسلمك يا باشا ... الحمد لله انها جت على كدة

الأعطال يا باشا كانت كما يلى

بالنسبة لعطل الكهرباء كان battery charging too low

و كان فيه عطل خاص بكود المفتاح

و عطل بخصوص قراءات خاطئة بس بصراحة ماعرفتش اكواد الاعطال بالظبط

و ده نتيجة لأنى غيرت الدينامو و قبله بكام شهر البطارية و ماعملتش برمجة للعربية

انا عموما جبت برنامج من اللىبيقرأو الاعطال فاضل اجيب الوصلة بس و افحصها بنفسى تانى و ربنا يستر

و الف الف شكر على اهتمامك يا باشا

[AbOnOrA]

شكراً يا كيمو

بصراحة العربيات الحديثة يفضل ان الواحد يكون عندة على الاقل جهاز قرائة ال OBD يعنى سوفت وير ووصلة بحيث يقراء بس اكواد الاعطال ويشوف قرايات السنسورز الاساسية
وهو اصلاً نظام ومعاير ال OBD اتعملت علشان يستخدمها المستخدم العادى (صاحب العربية)

وشووف الموضوع ده يمكن يفيدك

اسعار افضل اجهزة السكان (حصرى جدا)

[bmkbmk]

شكرا ليك انت يا باشا
و هو الجهاز اللى كان الراجل بيستخدمه موجود فعلا من ضمن الاجهزة دى اللى اسمه Tech II
بس هو بصراحة يا باشا تمنه غالى على ان الواحد يجيبه للاستخدام الشخصى (اكتر من 2000 استرلينى)
هو الواحد يجيب الوصلة دى و دينى جبت البرنامج و ربنا يسهل