|
#36
22-09-2013, 10:45 PM
|
||||
|
||||
رد: إستشارة من خبراء الميكانيكا فى سبرانزا 516
كدا الرؤية وضحت - ياريت تكشف عليها بالكومبيوتر
وكدا في مشكلة في البوابة والله اعلي واعلم
__________________
............  الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
|
|
#37
23-09-2013, 04:50 PM
|
|||
|
|||
|
رد: إستشارة من خبراء الميكانيكا فى سبرانزا 516
ذهبت اليوم إلى مركز متخصص فى الإسبرانزا (لن أذكر إسمه منعا للحرج أو الدعاية)
تم عمل إسكانر على العربية وأخبرنى المهندس بالأتى: 1- هذه السيارة تحتاج إلى بوجيهات بوش 3 شمعه. 2- الكمبيوتر لم يكتشف أى عيب فى البوابة، أو الحساسات ماعدا: (حساس الكامه، حساس الفرامل، الكاتينه) ولما سألنى عن الكاتينه متى تم تغييرها قلت له من 12000 كيلو فقالى خلاص نفك ونضبط الكاتينه، فقلتله يعنى إيه نضبط كاتينه قالى هنفكها ونعيد ضبطها، فأخبرته بأن المشكله ظهرت مع تغيير البوجيهات دون شكوى سابقه وليس له علاقة بالكاتينه فقالى إنها ممكن تكون نطت سنه!!!!!!!!!! الحقيقه مش فاهم ومش مقتنع بالكلام ده يعنى إيه كاتينه كانت طبيعيه ونطت سنه، أول مرة أسمع الكلام ده أنا اللى أعرفة إن الكاتينه لا قدر الله إذا نطت سنه معناها إنها باظت وربنا يستر علينا جميعا. المهم بالنسبة للأسعار: فك وتركيب الكاتينه سواء جديدة أو ضبط 150 جنيه سعر طقم الكاتينه (30000 كيلو) 750 جنيه سعر طقم الكاتينه (50000 كيلو) 875 جنيه فلما قلتله أنا سألت عليها الأسبوع الماضى ماركة جيتس ولقيتها 600 جنيه، قالى ما إحنا بنزود 100 جنيه على سعرها علشان بنديلك ضمان!!!!!!!!!! فما رأى الأخوة الأفاضل وهل فى حد يعرف ورش محترمة شغلها نضيف وسعرها مهاود ولا الأسعار دى معقولة؟؟؟؟؟؟ كمان لما سألت المهندس عن البوبينه وقياسها، الريلاى بتاع الكنترول، ووووو قالى سيبك من الحاجات دى لأنها كلها كهربا ومفيهاش نص نص إما إنها شغاله تمام أو بايظة؟؟؟ كمان نسيت أقولكم إن سعر حساس الفرامل 61 جنيه ومصنعية التغيير 20 جنيه وكشف الكمبيوتر 30 جنيه دعواتكم يا إخوانى
|
|
#38
23-09-2013, 05:13 PM
|
|||
|
|||
|
رد: إستشارة من خبراء الميكانيكا فى سبرانزا 516
طب المهندس بيقول نعيد ضبط الكاتينة ليه بقا يغيرها طالما عاملة12الف بس خلى بالك احتمال كبير تكون طرمبة البنزين ضعيفة ولما بتكون ضعيفة بطول فالدوارة الصبح وبتخنق العربية
__________________
|
|
#39
23-09-2013, 07:21 PM
|
||||
|
||||
رد: إستشارة من خبراء الميكانيكا فى سبرانزا 516
اى حد قوله سلام عليكم ناولنى الافوميتر بتاعك دقيقة فك سلوك الموبينة ال 3 و افصل قطاش البطارية عشان ممكن سلوك الموبينا يلمسو فى بعض بعد ما تفكهم فتبقى مشكلة ملهاش لزوم اظبط الافو على 200 فى وضع المقاومة و خد القراية بين السالب و الموجب اظبط الافو على 20 ك 20 كيلو اوم و قيس بين السالب و خرج الموبينا
لو الكاتينا مش مظبوطة هتسمع سيمفونية شواكيش ملهاش حل و ممكن باك فيرات كمان حساس الفرامل و حساس الكامة بيتنضفو هما و حساس الهواء و حساس الاكجسين و حساس الكرانك بص الكائن اللى حضرتك اتعاملت معاه استغلك لو حد من الاعضاء ليه رأي اخر يا ريت يتفضل الريلاى : بيتكون من جزئين جزء كهربى عبارة عن ملف و جزء ميكانيكى عبارة عن ريش نحاس ليهم رؤس فرايت لما بيمر مجال فى الملف بينجذبو نايته و يقفلو الدايرة المشكلة بتحصل لما الرؤس دية تتأكسد او يدخلها تراب حساس الكامة بيكون موفمينت ماجنتيك فيلد سينسور لما بيكون فى حركة لفترات طويلة على السيور بيحصل عميلة تأكل لسنون السير التأكل ده مع الاتربة و بواقى الزيوت ممكن يلزق على هيد الحساس فيعطل عمله او يضعفه نفس الكلام بخصوص حساس الكرانك لكن بيعطل بسبب الميه او الزيوت حساس الفرامل زيه زى حساس الميه بيقيس الفلويد ليفيل لما المصفة بتاعة زيت الفرامل بتتملى شوائب و تبداء الشوائب تمر بتترسب عليه - حساس الميه بيصدى حساس الهواء في منه نوعين حساس مبنى على الثين فيلم ثيرمو رسيستور و ده بيعتمد على شرائح شريطية من المقاومات الحرارية بتكون ليه مقاومة عند درجة حرارة معينة لما الهواء يمر بسرعة درجة الحرارة بتقل عشان الحساس ده يشتغل بيكون معاه حساس مدمج او مرافق اسمه حساس الحرارة و ده بيقيس حساس الحرارة بتاعة الهواء اللى داخل على حساس الهواء عشان يقدر يميز الفرق بين التأثر بحرارة الهواء القادم و التأثر بمعدل تدفقه النوع التانى بيكون كابستور ريفابلتى كونسبت و ده بيعتمد على ابسط قوانين مكثفات الهواء تزيد السعة بزيادة المساحة و تقل بزيادة المسافة و تزيد بزيادة كفائة الوسط الموصل بين قطبى المكثف اللى هو هنا الهواء فبنلاقيه عامل زى الريشه على قد ما يبعده تدفق الهواء قيمة تقل و فى نفس الوقت المكثف التانى من مادة ثابته فزيادة الهواء ترفع كفائة الوسط و بالتالى تزيد سعة و هنا يقدر يميز التغير القيمة كل دول بيتنضفو من الاكسدة و الاتربة و الاوساخ و كده كده الموبينا لازم تتقاس قبل ما تتغير
__________________
|
|
#40
23-09-2013, 10:43 PM
|
|||
|
|||
|
رد: إستشارة من خبراء الميكانيكا فى سبرانزا 516
شكرا لكم جميعا
وإنتوا كده أكدتوا إن شكى فى محله فى كلام المهندس بتاع المركز كلام مش راكب على بعضه وفيه كثير من اللامنطقية ربنا يجازيهم بنواياهم وأعمالهم وللأسف هو مركز مشهور هنا فى المنتدى وغيرة من المنتديات لكن فى الأخر إحنا بشر مش ملايكة إن شاء الله هشوف طرمبة البنزين عند الكهربائى وكمان قياس البوبينه وجارى البحث عن حل المشكله
|
 |
|
|
