سكودا فليشيا 2000 وش اوكتافيا فاضيه

[elandlos]

السلام عليكم جميعا ورحمة الله وبركاته
بعد كثير من العناء والبحث والمفاضله فى سوق المستعمل
كنت بدور على عربيه خفيفه تنفع للبنات اولادى وكمان تكون جامده لو حبينا نسافر سفريه على الماشى فتم ترشيح الفليشيا
وفعلا وجدت فليشيا وش اوكتافيا مو 2000 عاملة 90000 كم فاضيه فابريكه جوه وفرش واخدها من عند السمكرى والدوكو وش نضافه لون فضى لأنها كانت بتاعة واحده ست وملطشاها شويه فى الابواب حك وخلافه موتور بحاله كويسه انجكشن
بسعر 33000
ايه رأيكم هل اتغلبت ولا
دمتم فى رعاية الله ورحمته

[elandlos]

ايه الحكايه
82 مشاهدة ولارد واحد
هل اهل الخبره ماتو كلهم فى حرب اكتوبر
ولا المشرف سافر غزه
ومنها لأفغانستان
ههههههههههههههههههههههه
على اى حال انا عرفت اللى عايزه من شباب نايل موتورز
وخيرها فى غيرها

[linatrix]

اعتقد السعر كده كويس مش واحش عشان انا شوفت واحده 99 فاضيه برضو فبريكه كان عايز 33
مبروك عليك العربيه و ربنا يكفيك شرها

[elandlos]

المشاركة الأصلية كتبت بواسطة linatrix اعتقد السعر كده كويس مش واحش عشان انا شوفت واحده 99 فاضيه برضو فبريكه كان عايز 33 مبروك عليك العربيه و ربنا يكفيك شرها

تمام ربنا يبارك فيك وعلى بركة الله
ربنا يجبر بخاطرك اخرجت مشرف القسم من احراج محقق

[toto_ys]

هتشوف العجب منها بس ليا سؤال حضرتك كنت تكمل الفين جنيه وكنت تجيب هيونداى اكسنت تكيف وسنتر وانذار انا كان معايا فليشيا وخلتنى كرهت نفسى من حكايه السخونيه دى وبعتها وطبعا خسرت فيها جامد ودلوقتى جبت اكسنت عربيه زى الفل سحب وشكل جميل ومافيش حاجة اسمها سخونيه خالص
على فكرة السعر عالى جداااااااا انا بعت عربيتى الفليشيا هى كانت 96 فبريكه جوه وبره وسنتر وتكيف ومريات كهرباه ب27500 من فترة قريبه