كيف تكسبين رضاء ربك بكسب مودة زوجك

[mar mar]

جواز الصالونات في وجهه نظر اللي في جيلي
مصيبه وكارثه
انا اعرف واحده جواز صلونات هي الصبح تصبحوا بعلقه وشتيمه وقله ادب وهوالبليل يمسي عليها بالشوز وشتيمه علشانيثبت لاهلوا اللي معاه في البيت انه بيعرف يشكومها

اعرف واحده
كل يوم تنكد علي جوزها لحد ما تخنق منها لمجرد انها مبتحسش ولا نفس مودوا وشخصيتوا هو رومانسي وبيفكر برومنسيه وهي عقلانيه ومش عاجبها الحال

وفي واحده ودي بقي اللي والله صعبانه عليا
اهلها فرحنين بيه اوي وابوه شيخ في الجامع وهو ازهري بس خدي عندك كل ما بنبقي في مكان واحد بتكسف من نظرتوا ليا ونظرتوا لبنات اللي معانا في المكان ولما تغيب عنوا يفضل يعاكس في كل بنت شويا لا محترم وجودها ولا هباب

مش معني كده ان كل جواز الصالونات فاشل او وحش بس جواز الصالونات ده اكتر حاجه بيخافمنها الشباب دلوقتي كانك قولتيلوا انا هحرقك بالنار
ومقولتش ان جواز المعرفه السابقه بيخلوا من المشاكل بس انا سمعت اب وام بيجوزوا بنتهم لزميلها في الكليه قالوا كلمه واحده هي عارف عيوبوا وعارفه مميزاتوا تشييييييييييييييييل
طلع وحش هي اللي عايزاه طلع حلو الحمد لله
ومش معني كده اني بقول للبنات يلا روحوا صحبوا
بس بقول ان خدي وقتك متحكميش بقلبك كان جواز صالنات جواز معرفه جواز اي حاجه تانيه
اسمه جواز
يعني مسؤليه ولو انتي مش قدها يبقي ماتخرجيش من بيت ابوكي
وفي كلا الحالات الجواز ده عامل فعلا زي البطيخه وبختك يا ابو بخيت بس نحاول نخمن ايه اللي ممكن يحصل علشان نعرف هل هنقدرنستحمل ولا نجرب بطيخه تانيه

ويارب تفهمي انا اقصد ايه يا ماما سلوي

[Eng/salwa]

المشاركة الأصلية كتبت بواسطة mar mar انا عندي تعليق في شباب من بتوع الايام دي يدخل البيت ويخطب لمجر التسليه لمجرد انه يخرج ويدخل مع بنت وخلاص ماهو انا اساسا بتكلم عن زواج مش دخول و خروج و النوعية بتكون واضحة للاب و الام من الاول ليه اوافق على واحد ظروفه مش للزواج و جاى يلعب و يتسلى فالتجارب دي تبينه اذا كان لعبي ولا داخل علي جد انا مش بطلب انها تبقي قاسيه اوي عليه ولكن تعرف طباعوا وشخصيتوا وسلبياتوا وايجابياتوا قبل ما الفاس تقع في الراس وتعيش حياتها تعيسه علشان هي اخدته عمياني حضرتك قوليتي ان زمان كان العرسان كتير اوي وده صحيح بس دلوقتي علشان هما قليلين والقليل منهم اللي محترم ويعرف دينوا يبقي لازم تفحص وتمحص علشان تختار صح انا اتكلمت فى اول موضوعى خالص عن اهم نقطة و هى حسن الاختيار لبناء اسرة سوية ...........ده فتح محل و لا مشروع صغير يتطلب دراسة جدوى متأنية و هى معادلة حسابية أو هندسية لو محسوبة من الاول انها لا حل لها No Solution يبقى ليه تتعبى نفسك و تخوضى تجربة واضحة من الاول انها فاشلة و تتحسب عليكى خطوبة و اتفركشت ودى حاجة تانية مش حلوة الموصيبه يا ماما سلوى ان اي راجل بيدخل يخطب فاكر انها هتكون خاتم في ايدوا ويحركها زي ما هو عايزاعتقد موضوع خاتم واسورة ده بطل من زماااااااااااان ده كان يمكن على ايامنا يعني اللي عايزها تتنقب يا الا مش هيخطبها (من رائي الشخصي النقاب لله يعني لو عملتوا مش علشان اتجوز علشان انا عايزه ارضي ربنا واتقرب ليه )النقاب ده معتقد شخصى و لا يكون بهذا الشكل رغم اقتناعى به 100% و فعلا تقرب و طاعة لله واللي عايز يلحق يشبك علشان يلحق معاد الطياره ( من وجهه نظري انت جاي تشتري جاكيت ولا فازه هتحطها في البيت دي انسانه وليها مشاعر ومن حقها انك تديها حقها مقولتش انك تسيب شغلك وتقعد جنبها بس علي الاقل شهر الاجازه تقضيه معاها هي هتعرفك ولا انت هتعرفها ازاي )على فكرة سبحان الله اعرف زيجات و خطوبة كثيرة تمت فى فترة اجازة وجيزة والله كانت من انجح الزيجات لانه عادة بيكون جاد و مش عاوز لف و دوران و بعدين يا مرمر ياحبيبتى انا بنظرة واحدة و جلسة واحدة مع اى شخص اقدر بحمد الله افهم طباعه كلها من مناقشاته -الفاظة - عملة - تعليمه - نظراته - طريقة لبسه - اشارات يده - استماعه للآخرين ابقى بس قولى لى احضر جلسة واحدة مع العريس و انا اعمل لك Report كامل عن شخصيتة كلها بدون ما تتعبى نفسك و تخوضى تجربة فاشلة هههههههههههه:w6w200504111 3562663 واللي عايز يقرا فتحه وبرضوا يسافر والبنت علشان قدرت ظروفوا هي واهلها وفقوا بس ادي وش الضيف ربطها جانبوا لا بيتصل الا كل اسبوعين مره ولا بيسال دخلت النت علشا تكلموا بقي يكلم اصحابوا وهي لا (من وجهه نظري انه كان عايز يربط بنت جانبه لحد مايرجع يشوف هيعمل فيها ايه علي اساس انها عربيه ملاكي مثلا ) و انا اعرض نفسى للمهانه دى ليه من اولها يا بنتى العقد شريعة المتعاقدين فيه قواعد يتفق عليها مع اولى الامر و فى حساب العمليه مش سايبة و بنات العائلات مش رخيصة اللي بقي كل شويا يقولها انا هقفل تليفوني ومش هتعرفيلي سكه لو عملتي الحاجه الفلانيه ( من جهه نظري نعم يعني يعني انا ابقي شرياك وانت سهل عليك تبيع ولو انت عايز تنصحني مالقتش طريقه احسن ما تحسسني انك مش طايقني واني راميه جتتي عليك او اني بايره مثلا ) يا حبيبتى اللى قبلينا قالوا ( التقل صنعة ) انت اساسا لا تتصلى به ابدا طلما انت بتراعى ربنا فى تصرفاتك و لا تتخبطى فى الاخطاء من القول و العمل وواثقة من نفسك و تصرفاتك لا تتصلى و تحرجى نفسك (اصون كرامتى ) وقيسي عندك بقي يا ماما سلوي انا ما قولتش ان الاختبارات دي هي المعيار وانها هي اللي هتحكم تسيبيه اول لا ولكن انا قولت هي طريقه لتعرف عليه ومعرفه ايه اللي هتعرفي تبلاعيه من السلبيات وايه اللي هتطرمخي عليه وايه اللي ممكن تعرفي تعدليه وايه اللي الازم تستحمليه وامرك الي الله في بنات تقولك كلمه حضرتك قولتيها في الاول اقعد في بيت ابويا ولا جوازه نكد طول العمربصراحة جلوس البنت بكرامتها فى بيت والدها افضل بكتييييييييييييييير من التنازلات مع اختيار خاطئ من الاول انا بتكلم عن اختيار لرجل يستحق انما لو من الاول زى ما قلت الاختيار غير موفق و خاطئ يبقى ايوووووووون عدم الزواج افضل بكتيييييييييييير ودول بقي اللي مش عارفين يبلعوا ولا يطرمخوا ولا ستحملوا هتقوليلي ممكن تسالي عليه في مكان سكنه هقولك سالت واطقست وعرفت انه متدين ومابيفوتش صلاه في الجامع وتمام التمام وكلوا حلو(من لم تنههة صلاته و قيامه عن السيئات فليتبؤ مقعده من النار ) يعنى الدين المعامله وده برضه هيبان من اول جلسة اتفاقات و بحضور والدته سيظهر احترامه لها من عدمه او انه ابن امه زى ما انتى عاوزة تشيرى لهذا و لكن لو مؤدب فكلنا ابناء لامنا وده له حل ايضا لا تيأسى ده من السؤال ادخلي بيته بقي ممكن تلاقيه بيشتم في امه او بيعملها وحش او حطتها في بيت المسنين او مالوش اي شخصيه خالص واللي ماما تقل عليه حتي لو كان مايرضيش ربنا هو اللي يمشي يعني اشكال ما يعلم بيها الا ربنا لان صوبعك مش زي بعضها والكويسين في وسط الوحشين قليلين من الاتنين البنات والصبيان

باختصار انتى شوية شوية بالخبرة فى معاملة الناس و مساعدة ذوى الخبرة تقدرى تحسنى الاختيار و ده هيوفر عليكى 90% من المجهود بعد كده:Lov e:عيد سعيد

[HaMaDa-ToUBaR]

مبدائا كدة بشكر حضرتك ع الموضوع الجميل دة ...

انا بقالى فترة شايف العنوان بس حسيت انة حريمى ملياش انة ادخلة .. بس سبحان الله جالى فضول دلوقتى ادخلى وفليتة سطر سطر .. والاراء كتير ومرمر ناوية تعلن الحرب ع اى حد يفكر يلعب بديلة

بس بعد اذنكم احب اوضح كام نقطة بس كدة من خلاصة تجارب بما انى ولد وحداااااانى فى عيلتى كلها والباقى كلة بنات ..

انا شايف ان اول حاجة ممكن تخرب البيت هو تدخل الاهل سواء اهل الزوج او اهل الزوجة .. والمشكلة دى فعلا بتقابل ناس كتير .. دة حتى فى مسألة الولادة بيختلفو تولد عند دكتور مين !!

وبحصل عند ومشاكل بسبب حاجة تافهة زى كدة ..

تانى مشكلة سواء فى الشاب او البنت وهبداء بالشاب علشان محدش يقول انى متحيز ... ان بعد الجواز والخلفة بقى نادر الى يفضل محافظ ع نفس مستوى الى كان علية ايام الخطوبة والفترة الاولى من الجواز نتيجة الشغل والضغط ...
فى رأى ان دة غلط جدا مينفعش حاجة ابدا تاخد حق مراتك عليك انك تخرجها وتدلعها وتسمعها احلى كلام .

بالنسبة للبنات فى كتير بردة بعد الخلفة مش بيهتموا بنفسهم ولا بيهتمو منظرهم ودة من غير قصد طبعا ومش اهمال ....

لاء نتيجة ان شغل البيت والاطفال واخد كل وقتهم بس بردة مينفعش ينسو حق اجوازهم عليهم وان الراجل من حقة دايما يشوف مراتة فى اجمل مظهر ويسمع منها احلى كلام ..

[HaMaDa-ToUBaR]

بالنسبة للشباب الى لسة مفيش اى حاجة خالص ولا خطوبة ولا غيرو

فى بجد عقد كبيرة بين الطرفين ... بمعنى ان البنات الكلام الى بيقولو مفيش ولد محترم ونادر وطبعا ليهم حق من كمية المعاكسات الى بتحصل ... دة غير قصص الحب الفاشلة سواء كانت تجربة او شافتها من واحدة صاحبتها

الاولاد نفس الحكاية مفيش بنت محترمة او نادر تلاقى بنت محترمة .. ( انا مش اقصد بالكلام دة اهانة لحد انا بتكلم ع الواقع الى بيحصل ودامى ... اوعى حد يفهم غلط .. معايا يا بشمهندسة )

طبعا حضرتك عارفة وبتشوفى ان نسبة كبيرة جدا جدا جدا من البنات انهاردة لبسهم ملوش علاقة ولا بالادب ولا بالاخلاق .. وطبعا لازم هيلفت النظر ولازم هيسمعوا كلام مش هيعجبهم .. انا كان فى كتير يتضايقو لو مسمعوش تعليق

انا ليا اخت اصغر منى ب 3 سنين لما بتجيب هدوم او لما بتعمل حاجة بتسألنى رائى ..
انا بقولها البسى الى نفسك فية بس يكون لبس محترم ميلفتش النظر .. اخرجى مع صحباتك واضحكو بس بصوت واطى وانبسطو بس خلى بالك دايما ان تصرفاتكم متكونش غلط

[HaMaDa-ToUBaR]

فى ودامنا مشكلة تانية .. الاولاد مفكرين انهم كدة كدة عايشين حياتهم عادى والموضوع دة مش فارق معاهم ويوم ما هيتجوزا بقى مش عارف هيجيبلك بنوتة لسة صغيرة يربيها ع ايدة والكلام الغريب دة وللاسف البنات ساعدوهم ع الغلط اكتر هتقوليلى ازاى ؟؟

اقولكم البنات انهاردة او البيوت عموما مبقاش عندهم مشكلة ان الولد كان بيكلم بنات كتير وكدة دة حتى البنت ممكن لو عرفت ان الولد خام تخاف منة .. وتحب الواد الى مقطع السمكة وديلها ال يعنى هيبقى فاهم وهيفهمنى بسرعة وهيعيشنى قمة الرومانس .. ما هو استاذ ورئيس قسم بقى


بالنسبة للبنات مفكرة ان الى هى بتعملو دة هو الى بيجوزها متعرفش ان ممكن يكون فى حد من الناس منهم انا لما بشوف بنت بتعمل كدة بحتقرها وللاسف فى ولاد كتير انهاردة بقى ياخدو البنت الى من النوع دة بغرض المنظرة وانة الى متجوزها كل الى يشوفها هيموت عليها

للاسف اعرف واحد عمل كدة .. اخد بنت البلد كلها بتحكى وبتتحاكى عنها وعن جمالها ودلعها ولبسها والناس بقت تقول (يا بخت الى هياخدها هتدلعة دلع )

اسبوع واحد وانفصلو مقدروش يكمل معاها وهى كمان مقدرتش تكمل معاة

هى عاوزة تخرج ع طول ومفيش مشكلة انها تسهر مع اصحابها وطريقة لبسها والنوع دة بالذات لا يقبل اى حد يتحكم فى حياتة .. دة ابوها من 30 سنة معرفش يقولها كلمة هتيجى انت بين يوم وليلة وعاوز تقولها متتأخريش ومتلبسيش ..؟؟

فى نسبة كبيرة جدا جدا ومحدش ينكر دة من الطرفين سواء بنات او ولاد هدفهم مادى بس

انا اعرف اتنين معايا فى الجامعة المفروض انهم بيحبو بنتين وبعدين اكتشفت انهم هيرتبطو بيهم لان البنتين دول حالتهم المادية فوق الممتاذة ... بينى وبينكم انا مبقتش قادر استوعب الى بسمعة وبعدين ببص حواليا لقيت مفيش رد فعل او كأن انا الى بقيت غريب ..