|
#1
23-05-2011, 03:56 PM
|
||||
|
||||
الحوادث اللى حصلتلك بسبب قياده السيدات
الموضوع ده ياجماعه عايز كل راجل من رجال مصر موتورز يحكى عن حادثه حصلتلوا بسبب سواقه الستات
( بس يكون مأمن نفسه الأول ليكون الحكومه مرقباه ههههه ) ابتدى بنفسى : من سنه وشهرين بالظبط لأنى فاكر الموقف ده جدا كنت راجع من الأكاديميه بتاعتى من طريق صلاح سالم وبعد منزلت من جنب كوبرى المطار لقيت بنت راكبه النترا موديل 2010 فضى وباين على العربيه لسه جديده وانا كنت واخد عربيه والدى فيات 132 المهم ببص فى المرايه بعد ماعديتها لقيتها ماشيه بسرعه عاليه وبتعمل غرز لأ وبتتكلم فى الموبايل كمان وبعدين عدت منى وحدفت على واحد ناحيه الشمال وعربيته تويوتا الشكل القديم الراجل خاف ولاقيناه لبس فى رصيف صلاح سالم اللى فى الجزيره الوسطى طبعا الهانم كملت جرى ولا كأن فيه حاجه حسيت بغيظ شديد جدا جدا منها روحت قارص على العربيه وقولت والله لجيب حق الراجل الغلبان ده وياريتنى معملت كده جريت وراها وقبل كوبرى الفردوس لحقتها وكسرت عليها شمال عشان اوقفها راحت خبطالى الرفرف الشمال الخلفى وهى الأكصدام والفانوس ناحيه اليمين راحوا فداهيه طبعا اخيرا الهانم نزلت ولسه بتتكلم وتفتح بوقها روحت داخل فيها بالزعيق والصوت العالى والناس اتلمت وكان نفسى نطلع على القسم بس الناس اللى واقفه قالولى ميصحش ودى بنت والكلام ده والموضوع خلص وانتهى على كده بس بعد ماركبت ومشينا حسيت براحه شديده جدا جدا بس للأسف اتدبست فى تصليح ال132 بس مش اشكال كله يهون عشان خاطر اديها درس زى ده تفتكره طول عمرها وانا كان ليا رأى فى سواقه الستات والبنات وعلاقاهم بالحوداث فى موضوع قبل كده وكان رأيى : كل حادثه تلاقى وراها واحده ست بس مبتكنش السبب المباشر فيها عشان هما دايما يقولوا الرجال هم اكتر ناس تتسبب فى الحوادث لكن الحقيقه غير كده خالص خد عندك الكام حاله دى : 1- واحد مراته معكننه عليه قبل مايروح شغله بسبب مصروف البيت مهو لازم ينزل زعلان ويلبس فى سور الدائرى . 2- واحد مراته بتزن عليه عشان يوصل حماته لمشوار مايخصهوش هو فحاجه مهو لازم العربيه تقع من فوق كوبرى قصر النيل . 3- واحد مراته تبقى راكبه معاه وتقوله متبصش لحد غيرى ياحبيبى مهو لازم يقلب العربيه بيها عشان يخلص من الغلطه السودا اللى عملها . 4- ست كل شويه تكلم جوزها فى التليفون تطمن عليه وهو سايق كذا مره مهو اكيد الراجل هيرشق فى عمود نور وهو بيكلمها . 5- واحد مراته كل شويه تقوله جابلى عربيه وتزن عليه زى كل ستات مصر يقوم رامى العربيه من اعلى كوبرى 15 مايو ويروح يقولها هى دى اخر السواقه ياحبيبتى .
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|
|
#2
23-05-2011, 04:06 PM
|
|||
|
|||
رد: الحوادث اللى حصلتلك بسبب قياده السيدات
انا بقي يازعيم لسه مخبوووط طااازه
دا انا حتي لسه مرخصتش ولا ركبت نمر للعربيه منها لله بقي اللي خبطتني ودي تاني مره علي فكره اللي تخبطني واحده ست ويارتها خبطتني واحنا ماشيين دي خبطتني وانا واقف في امان الله راكن موازي للرصيف ومظبط العربيه وفيه مكان قدامي ياخد عربيه بس ميعرفش يركن الا واحد يكون معلم سواقه ... تيجي الانسه المحترمه وهي ماشيه بالعربيه بالعافيه اصلا وعايزه تركن " ياستي استني هركنهالك ياستي مش هتعرفي تركني " فضلت تتفذلك لحد ماخبطت الاكصدام .... وتنزل من عربيتها وتقوللي بكل انواع الاستهبااال والاستعباااط "ايه ده دا انا خبطت عربيتك انا اسفه اوي بجد " هقول ايه بس ولا اعمل ايه .... ادي الستات واللي بناخده منهم
|
|
#3
23-05-2011, 05:08 PM
|
||||
|
||||
|
رد: الحوادث اللى حصلتلك بسبب قياده السيدات
فعلا بيبقى فيه بعد ماتخبطك نوع من انواع البرود والأستهبال ولا كأنها عملت حاجه
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|
|
#4
23-05-2011, 06:05 PM
|
||||
|
||||
|
رد: الحوادث اللى حصلتلك بسبب قياده السيدات
حكايتي انا بقي - اللي عارف شوارع اسكندرية كويس يعرف ان فيه شارع اسمة البكباشي العيسوي الشارع دا طالع ونازل زي التعبان مرة كنت ماشي في الشارع دا وكان فية هيونداي اكسل قدامي طبعا اللي سايق ؟؟؟؟؟؟؟ وطالعين مطلع هوا عالي حبتين بس مش دي المشكلة - بما ان المطلع عالي مفيش عربيات نقل بتطلع المطلع دا وخصوصا لو محملة وهي دي الطامة الكبري - واحد تقريبا اتفتون وطلع المطلع بعربية نص نقل وكان قدام الاخت بتاعة الاكسل طبعا عربيتو مكملتش لفوق - هي طبعا حصلها فزع انة حينزل عليها واحنا في نص الطلعاية كده قوم اية - افوجاء بيها عاطية مارشدير وبعذم عربيتها بشنتطها في وشي انا كان معايا بيتلز باكصدام حديد محترم كل اللي عملتة اني شلت رجلي من علي الفرامل عشان الخبطة تخف شوية لكن للاسف اكصدامي باظ وهي شنطتها اتعجنت وفي الاخر الراجل بتاع النص نقل حمل علي العربية شوية وكمل ومانزلش عليها ولا حاجة ومانبنا من سواقة الستات الا اكصدام جديد ب 250ج
__________________
فى كل شارع فى بلادى صوت الحريه بينادى     Ashraf Kerima
|
|
#5
23-05-2011, 06:09 PM
|
||||
|
||||
رد: الحوادث اللى حصلتلك بسبب قياده السيدات
انا عارفه جدا جدا لأنى نزلت اسكندريه مره واحده بس قعدت حوالى اسبوعين فى الشارع ده وهو فى مطالع ومنازل كتير جدا من اول الناصيه اللى بعد النساجون الشرقيون لحد الأخر
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|
 |
|
|
