ايه الصعوبات اللى بتواجه كل سيدة وهى بتسوق

[Bendary]

كل كلامكم صحيح
لكن لا ننسى مروءة الشعب المصرى
مفيش مرة شوفت واحده ست عربيتها عطلانه الا وتلاقى ناس بتحاول تساعد - على الاقل يزوقوها لجنب الطريق .
طبعا اتفق مع الرأى بأن السيدات اكثر حرصا من الرجال فى السواقه .

ونصحيتى لاى سيده او فتاه :
1- لا تخافى وجمدى قلبك شويه - السواقه محتاجه شويه مغامرة - طبعا فى حدود المعقول
2- لا تهينى نفسك بالدخول فى مناقشات او اى احتكاكات مع من حواليكى من الظرفاء او بعض المتهكمين لانك مش هتخلصى حتى لو معاكى الحق .

وربنا يحفظنا جميعا .
0
0

[د.هبه77]

المشاركة الأصلية كتبت بواسطة مهند سالم أنا رأيي الشخصي إن أكثر مشكلة بتقابل الستات في السواقة هي مشكلة الأعطال، فعلا المشكلة دي كارثة بالنسبة للستات، يعني باختصار الراجل ممكن يعافر، عنده استعداد يغير الكاوتش وإديه تتعفر ومفيش مانع لو الهدوم اتعفرت كمان، عنده استعداد يفتح الكبوت ويبص ويحاول ويحط إديه، لكن طبعا الست وهي خارجة متشيكة على الآخر وخايفة من نسمة الهوا لتبوظ قصة شعرها ، مستحيل توسخ إديها وتعرض أظافرها المقلمة بعناية لأي خدش بسيط. وده بيضخم المشكلة وبيعرض الشخص للنصب، طبعا ما هو بيتصل للميكانيكي على أتفه الأشياء، فمفيش مانع لو الميكانيكي اشتغله. لازم الستات يقرروا طالما عايزين يسوقوا إنهم يتنازلوا ويحطوا إديهم في العربية، حتى لو هتشيل معاها في العربية بالطوا زي بتاع المهندسين وجواندي، وفعلا مش بأهزر لازم كل ست تعمل حسابها إن في حاجات لازم تعملها بإيديها، لأن العربية ممكن تعطل منها في مكان ما فيهوش ورش، أو يكون يوم حد والناس قافلة، أو في طريق سفر. وأعتقد لو المشكلة دي اتحلت الباقي بسيط إن شاء الله؛ لأن ببساطة الباقي مالوش حل لأنه متعلق بطبيعة الست الحذرة والقلوقة، من القلق يعني.

شكرا للنصيحة لكن عموما لو علي تغيير العجل مش مشكلة - النقاب هيترب يعني ! مفيهاش حاجة - المشكلة كانت ان دورة المية في الرادياتير كان فيها مشكلة وبتسرب والعربية كانت موديل 80 يعني اعتقد لازم ميكانيكي وبعدين دة ميكانيكي العيلة _العيلة كلها فمبيشتغلش علينا ولا حاجه بالعكس, و زق العربية برضة اعتقد صعب حتي لو لابسة بالطو,وفي النهاية برضة هقول لولا العسكري والميكانيكي انا مكنتش هعرف اتصرف واخيرا هي اقدار!! والحمد لله ربنا رزقني بموديل احدث وان كان لا انسي افضال العربية دي علية -اكرر شكري للنصيحة

[مهند سالم]

المشاركة الأصلية كتبت بواسطة د.هبه77 شكرا للنصيحة لكن عموما لو علي تغيير العجل مش مشكلة - النقاب هيترب يعني ! مفيهاش حاجة - المشكلة كانت ان دورة المية في الرادياتير كان فيها مشكلة وبتسرب والعربية كانت موديل 80 يعني اعتقد لازم ميكانيكي وبعدين دة ميكانيكي العيلة _العيلة كلها فمبيشتغلش علينا ولا حاجه بالعكس, و زق العربية برضة اعتقد صعب حتي لو لابسة بالطو,وفي النهاية برضة هقول لولا العسكري والميكانيكي انا مكنتش هعرف اتصرف واخيرا هي اقدار!! والحمد لله ربنا رزقني بموديل احدث وان كان لا انسي افضال العربية دي علية -اكرر شكري للنصيحة

يا دكتورة حضرتك بتتكلمي عن حالة خاصة، وإحنا بنتكلم عن المشاكل بصفة عامة. طبعا ربنا يخليلكم الميكانيكي المحترم إلا بتتعاملوا معاه، بس مش كل الناس عندها ميكانيكي العيلة!!!!!!!!!!!!!!

[mf]

فعلا اكبر مشكله بتواجه اي ست بتسووق هي اعطال العربية

في مره كنت راجع من القاهره بالليل تقريبا بعد الساعه 12 صباحا علي طريق بلبيس الصحراوي ولقيت عربيه واقفه ومشغله الانتظار وطبعا دي حاجه مريبه جدا ان عربيه تقف علي الطريق دا بالليل وقفت ونزلت من عربيتي وايدي علي السلاح الميري ولما اللي في العربيه شافني نزل بسرعه وسمعت صوت واحده ست بتقول الحمد لله الحمد لله وكانت ناقص تبكي ..

ايه ياستي الحكايه ... قالت الكاوتش ضرب منها وهي مبتعرفش تغيره واتصلت علي اخوها في الزقازيق علشان ييجي يغير لها الكاوتش

طيب ياستي وايه اللي أخرك كدا وتمشي ليه علي الطريق ده واحنا في ايام مايعلم بيها الا ربنا ... قالت انا مهمدسه في هيئة الطاقه واتاخرت في الشغل

طيب دي شوفوا كان ممكن يحصلها ايه لو مكنش ربنا وفقني ووقفت بالصدفه

الست لو مبتعرفش بدائيات الميكانيكا للسيارات يبقي متركبش عربيه احسن

[Rania Elhoseny]

المشاركة الأصلية كتبت بواسطة mf86 فعلا اكبر مشكله بتواجه اي ست بتسووق هي اعطال العربية في مره كنت راجع من القاهره بالليل تقريبا بعد الساعه 12 صباحا علي طريق بلبيس الصحراوي ولقيت عربيه واقفه ومشغله الانتظار وطبعا دي حاجه مريبه جدا ان عربيه تقف علي الطريق دا بالليل وقفت ونزلت من عربيتي وايدي علي السلاح الميري ولما اللي في العربيه شافني نزل بسرعه وسمعت صوت واحده ست بتقول الحمد لله الحمد لله وكانت ناقص تبكي .. ايه ياستي الحكايه ... قالت الكاوتش ضرب منها وهي مبتعرفش تغيره واتصلت علي اخوها في الزقازيق علشان ييجي يغير لها الكاوتش طيب ياستي وايه اللي أخرك كدا وتمشي ليه علي الطريق ده واحنا في ايام مايعلم بيها الا ربنا ... قالت انا مهمدسه في هيئة الطاقه واتاخرت في الشغل طيب دي شوفوا كان ممكن يحصلها ايه لو مكنش ربنا وفقني ووقفت بالصدفه الست لو مبتعرفش بدائيات الميكانيكا للسيارات يبقي متركبش عربيه احسن

والله كلام مقنع وجزاك الله كل خير على رجولتك ومساعدتك للناس