ايه الصعوبات اللى بتواجه كل سيدة وهى بتسوق

[د.هبه77]

السلام عليكم ورحمة الله وبركاته
موضوع ان يبقي في مشاكل في السواقة دة راجل او ست معرض لية وكل واحد حسب خبرته بقي ف العربيات وطبعا انا بعترف ان خبرتي في العربيات=0 بالضبط نفس درجة امتحان الرسم وانا في تانية ابتدائي!!
ومش انا لوحدي ناس كتير لازم نعترف لكن مبقاش حد يستحمل حد ولا يصبر نهائي مرة وللة الحمد كنت سايقة العربية في الاوتوستراد رايحة المعادي وقبل لفة u turnلقيت العربية وقفت مش هقولك بقي عالكلاكسات والكلام!!
طب انا مالي هو انا اللي خليتها تقف هنا!! وعسكري المرور هو اللي ف النهاية زقلي العربية علي جنب في الشارع مع انه شارع!!!! والحمد لله والله لولا ستر الله انا كنت رحت في خبر كان تخيلي عربية من اقصي الشمال لاقصي اليمين في شارع زي دة -ربنا هو الحافظ- المهم كلمت الميكانيكي وجالي ومعاه عدة صلحها والحمد لله
ف الاول والاخر ادعي ربنا يحفظهالك ويحفظك من شرها كل ما تركبيها والله هو الحافظ

[akerima]

المشاركة الأصلية كتبت بواسطة MIDO-SPICY استاذة رانيا احنا ماعندناش اى اعتراض على ان الستات تسوق عربيات يعنى الموضوع مش تار بايت ولا حاجه :craz yW14: ولكن ..! عايز اقولك على بعض الشواهد اللى لو شفتها بتحصل من بعيد كلنا بنعرف ان اللى سايق واحده ست 1- لو العربية ماشيه فى اقصى الشمال على سرعه 20 والطريق كله ماشى على سرعه 120 2- لو العربية مره واحده اخدت من اقصى اليمين الى اقصى الشمال او العكس دون اشاره او اى مقدمات بدون النظر فى مرايه او اعتبار ان حد ماشى ورا العربية دى 3- لو الطريق بدا يهًدى ومره واحده لاقيت فرامل قويه جدا ومره واحده والموضوع لا يستدعى 4- لو شويه عربيات ماشيه وكلهم عمالين يدوا كلاكسات لعربية ماشيه يبقى اللى سايق واحده ست استاذتى العزيزه ... اعتراض الرجال على قيادة الستات مش راجعه لان اللى سايق ست فى حد ذاته ولكن دا راجع لطبيعة الست نفسها لان الست بطبيعتها قلبها مش قوى ومش حازمه زى الراجل والسواقه باختصار = قلب جامد + حزم وعدم تردد لكن مش معنى كلامى ان كل الستات مابتعرفش تسوق وان كل الرجاله مايكل شوماخر ولكن الموضوع نسبه وتناسب حتى لو حد من الرجاله عمل حاجه من اللى انا قلتلك عليها دى بيبقى بلطجه مش عدم تمكن وفيه رجالة كتير فاهمه الحقيقه دى .. لذلك بعض الرجال المحترمين لما بيلاقوا واحده ست هى اللى سايقه مابيرضوش يتكلموا : 1286B2~161:

نسيت شوية حاجات
- لو مرايتين الجنب مقفولين؟؟؟؟؟؟؟؟؟؟؟

- لو لقيت عربية طالعة من شارع جانبي ومرة واحدة وقفت في نص الشارع سدتة يعني لا منها عدت ولا منها سابت الناس لما تعدي

- لو بدال الفرامل بيداس علية اكتر من بدال البنزين؟؟؟؟؟؟؟؟؟

- لو الاشارة فتحت وفضلت عربية واقفة وموقفه وراها امة لا اله الا الله وهي مفهاش اي مشكلة

اكيد اكيد اكيد واحده اللي سايقة

[مهند سالم]

المشاركة الأصلية كتبت بواسطة دهبه77 السلام عليكم ورحمة الله وبركاته موضوع ان يبقي في مشاكل في السواقة دة راجل او ست معرض لية وكل واحد حسب خبرته بقي ف العربيات وطبعا انا بعترف ان خبرتي في العربيات=0 بالضبط نفس درجة امتحان الرسم وانا في تانية ابتدائي!! ومش انا لوحدي ناس كتير لازم نعترف لكن مبقاش حد يستحمل حد ولا يصبر نهائي مرة وللة الحمد كنت سايقة العربية في الاوتوستراد رايحة المعادي وقبل لفة u turnلقيت العربية وقفت مش هقولك بقي عالكلاكسات والكلام!! طب انا مالي هو انا اللي خليتها تقف هنا!! وعسكري المرور هو اللي ف النهاية زقلي العربية علي جنب في الشارع مع انه شارع!!!! والحمد لله والله لولا ستر الله انا كنت رحت في خبر كان تخيلي عربية من اقصي الشمال لاقصي اليمين في شارع زي دة -ربنا هو الحافظ- المهم كلمت الميكانيكي وجالي ومعاه عدة صلحها والحمد لله ف الاول والاخر ادعي ربنا يحفظهالك ويحفظك من شرها كل ما تركبيها والله هو الحافظ

أنا رأيي الشخصي إن أكثر مشكلة بتقابل الستات في السواقة هي مشكلة الأعطال، فعلا المشكلة دي كارثة بالنسبة للستات، يعني باختصار الراجل ممكن يعافر، عنده استعداد يغير الكاوتش وإديه تتعفر ومفيش مانع لو الهدوم اتعفرت كمان، عنده استعداد يفتح الكبوت ويبص ويحاول ويحط إديه، لكن طبعا الست وهي خارجة متشيكة على الآخر وخايفة من نسمة الهوا لتبوظ قصة شعرها ، مستحيل توسخ إديها وتعرض أظافرها المقلمة بعناية لأي خدش بسيط.
وده بيضخم المشكلة وبيعرض الشخص للنصب، طبعا ما هو بيتصل للميكانيكي على أتفه الأشياء، فمفيش مانع لو الميكانيكي اشتغله.
لازم الستات يقرروا طالما عايزين يسوقوا إنهم يتنازلوا ويحطوا إديهم في العربية، حتى لو هتشيل معاها في العربية بالطوا زي بتاع المهندسين وجواندي، وفعلا مش بأهزر لازم كل ست تعمل حسابها إن في حاجات لازم تعملها بإيديها، لأن العربية ممكن تعطل منها في مكان ما فيهوش ورش، أو يكون يوم حد والناس قافلة، أو في طريق سفر.
وأعتقد لو المشكلة دي اتحلت الباقي بسيط إن شاء الله؛ لأن ببساطة الباقي مالوش حل لأنه متعلق بطبيعة الست الحذرة والقلوقة، من القلق يعني.

[Egy News]

و الله انا بعرف بنات بيشدوا معايا و بياخدوا غرز احسن مني كمان

[مهند سالم]

المشاركة الأصلية كتبت بواسطة Egy News و الله انا بعرض بنات بيشدوا معايا و بياخدوا غرز احسن مني كمان

طبعا، منطقي جدا: فلكل قاعدة شواذ، الشذوذ عن القاعدة يؤكدها.
لكن الحكم للأغلبية؛ ولذلك بتطلع كلمات زي:
ده سواقتها رجالي
أو سواقته حريمي
لأن كل فرع يرد إلى أصله، والحكم للغالب