ده اول موضوع ليا ممكن تساعدوني؟؟

المشاركة الأصلية كتبت بواسطة enas ana طول عمري هتجنن واسوق عربيه وبعشق العربيات جدا لكن للاسف لسه جديده في السواقه ياما طفشت ناس وعصبتهم ونرفزتهم وانا بتعلم السواقه بتعلم على كبر بقى مع اني معملتش حاجه تنرفز يعني بيقولي انقلي للتاني قولتله حاضر وسيبت الدريكسيون وبصيت تحت رجلي ادور على الدبرياج ده فين قعد يزعق ويقول انقلي وانتي باصه قدامك وماسكه الطاره هي طاره ولا دريكسيون اهو انت بكلامك ده بتلخبطني ويقولي بصي وراكي في المرايه قبل ماتروحي يمين ولا شمال فانا انفعلت وقولتله يعني انا هبص في المرايه ولا هنقل ولا همسك الدريكسيون؟ كل ده في وقت واحد؟ هقطع نفسي يعني ؟افتكرت مرسي الزناتي وهو بيقول الاتنين؟اذاكر وانجح؟ وعبد المعطي الناظر اللي ميقدرش يعطي عطائين في نفس الوقت ياااه كانت ايام ومن ساعتها مشوفتهوش في مكتب تعليم السواقه تاني تفتكروا ليه؟ ماعلينا نصيبه بقى اكل عيشه واتقطع مش انا السبب طبعا ياااه المهم متغيروش الموضوع انا عارفه اني رغايه دلوقتي انا بدات اتعلم من جديد والحمدلله في امل بتعلم على عربيه سوزوكي على فكره انا معرفش موديلها ايه بس هي منتشره جدا كمواصلات يعني هتقولولي ايه علاقة ده بالموضوع هقولكم ايوه صح عندكم حق دلوقتي انا عاوزة اشتري عربيه حلوة متكونش مستعمله لاني مش ضامنه اشتريها بمشكله واصرف عليها وكمان انا عاوزة اكون انا ال واحده اركبها لضمان انها كويسة وكل حاجه فيها كويسة ومظبوطه دلوقتي انا بحب جدا الهاتشباك زي الشيفروليه سبارك 2013 والفيات بونتو 2013 والرينو كليو 2013 علشان يعني تعرفوا شكل الاستايل اللي بحبه ونفسي اشتري زيه كده بس اسمع انهم غاليين جدااااااا وفي الحقيقه معرفش هم بكام يعني انا عاوزاها تكون في حدود 65 الف وتكون شكلها قريب من الحاجات دي ممكن بقى تساعدوني لاني مش عارفه ايه الاحسن فيهم ؟ وبجد شكرا ليكم

http://www.youtube.com/watch?v=cgsHWQIcwkY

http://www.youtube.com/watch?v=rkotRPT7uxk

[adham.com]

حاولي تشوفي العربية دي
لو كسر زيرو إستعمال خفيف و عاملة عدد كيلوهات قليل
هتلاقيها في رينج السعر إللي انتي عايزاه

و يا سلام لو أتوماتيك عشان ماتشغليش بالك بالفتيس خااااااالص
جاري راجل كبير في السن بتاع 60 سنة أواكثر معاه العربية دي و ماشاء الله شغالة معاه كويس
و أتوماتيك كمان

هيونداي جيتز

[روبرت مجدي]

هو لما موديل العربية بيقدم بترخص ولا بتغلى؟

من الطبيعى لما موديل العربية بيقدم بترخص لكن الطلب عليها و لما بينزل منها موديل حديث

بتعلي من سعرها و كمان كفائتها ف السوق بتثبت وجودها

لا شكر على واجب .......

Vanditta

[mahmoudelmasry2016]

المشاركة الأصلية كتبت بواسطة enas ana بجد الف شكر والله وعندك حق على فكره انا فعلا لازم اصبر شويه واحوش مبلغ اكبر واجيب حاجه زيرو كويسه وخلاص طيب تنصحني اتعلم على ايه على مااجيب العربية؟؟

بصى مكاتب تعليم قيادة السيارات تقريبا بيبقى غالبا فيه فيات 128 هيعلموكى عليها وكدا ولو ليكى حد قريبك فاهم معاه سيارة خليه يعلمك عليها بدال ما تتعلمى برا ,,,,,, السواقة مش صعبة يعنى وربنا يوفقك