هو فى بنت تسوق فيات 131 ؟!!

[RaNoOoNa]

المشاركة الأصلية كتبت بواسطة محمدصلاح القاضى مش عارف ليه من كلامك حاسس انك بتاعنى من ركوب العربيه وكأن السواقه دلوقتى بقت بالنسبه ليكى عذاب وعلى رأى "مكى" (مرار طافح ) وانا بحب ال 131 و 132 وعندى واحده على فكره طبعا العربيات دى لو مش حالتها كويسه بتبقى بلاء وربنا بيعاقبك بيها ولكن اوضح لك اللى بيتعلم على عربيه مش مظبوطه بيفضل طول عمره بيسوق غلط لانه ببساطه اتعلم على الغلط اتعلم انه وهو بيدور لازم يكارك بنزين اكتر من مره ولازم يحمل على المرش عشان تدور ولازم يريح العربيه فى الغيارات ولازم الغيار التالت مثلا لازم يجى غصب عنه كل الحاجات دى بتبقى اترسخت فى ذهن اللى بيسوق ويفضل يطبقها طول عمره حتى لو ركب عربيه جديده لانه بقى تعود ولكن لازم تجربى تسوقى 131 على ابوه يعنى عربيه مظبوطه عشان تقدرى تحكمى على المشاكل اللى عندك

هى سواقة 131 فعلا مرار طافح
و فعلا العربية مش مظبوطة و عشان العربية اللى اتعلمت عليها كانت مظبوطة مع انها كانت 131 برده و موديل اقدم من اللى عندى بس كنت عارفة اسوقها و لما طلعت الرخصة امتحنت على 128 و كنت بسوقها عادى اما دى بقى فعلا عربية غبية بجد و منرفزانى اوووى بقى

[محمدصلاح القاضى]

يبقى كدااا
يا نظبطها وتبقى تمام يا اما بنغيرها بواحده كويسه

[M.TONSY]

ههههههههههههه دى حلها انك تعملى زى الافلام العربى تطلعى بيها المقطم وتحدفيها من هناك
وبعد كدة تخلى بابا يجبلك ماروتى او برايد او جوليت اهو اى عربية ناعمة وبناتى تريحك
انما دى هتعقدك من السواقة ومن ركوب العربيات اصلا

[RaNoOoNa]

المشاركة الأصلية كتبت بواسطة M.TONSY ههههههههههههه دى حلها انك تعملى زى الافلام العربى تطلعى بيها المقطم وتحدفيها من هناك وبعد كدة تخلى بابا يجبلك ماروتى او برايد او جوليت اهو اى عربية ناعمة وبناتى تريحك انما دى هتعقدك من السواقة ومن ركوب العربيات اصلا

هى فعلا عقدتنى من السواقة و ادتنى انطباع انى مبعرفش اسوووق اصلا
مع ان بابا بيسوقها عادى كدا و بيقولى دى زى الفل

[screamseko]

ههههههههههههههههههههههههه ه
والله بشوف بنات بتسوق نيفا !! ولادا !!! الله يعينهم :D
مالها ال 127 زي الفل :D
ربنا معاكي