مناقشه منع سواقه االسيدات

[mar mar]

المشاركة الأصلية كتبت بواسطة nawwara الخاتمة : -الصناعات المنزلية التي أثبتت جدواها الاقتصادية : نفسى اعرف ايه الصناعات دى ؟!!!طب لو واحدة مالهاش فيها تعمل ايه تاكل نفسها؟!!! -مع الاستفادة من فرص العمل المتاحة عبر شبكات الإنترنت : ماتحاولش تفهمنى ان جميع النساء هايشتغلو من خلال النت , لان ده منطقيا مستحيل , طب ومين اللى هايدرس لبناتنا ومين اللى هايطبب مرضانا ومين ومين ...إلخ .. -فلا تحتاج للكسب خارج نطاق الأسرة : معنى كلام حضرتك ان كل نساء المسلمين عندهم اسرة وعندهم رجل بيصرف عليهم؟!!!! , يعنى مافيش مثلا واحدة لم تتزوج بعد او مطلقة او ارملة او ماعندهاش راجل يصرف عليها او دخل زوجها لا يكفى , هاتقولى تروح تتجوز -التى لم تتزوج بعد او مطلقة او ارملة-, طب ولحد ما هى تتجوز سيادتك تعمل ايه ؟... -لا بد أيضًا ـ ضمن ظروف الحياة الواقعية ـ من التوسع في وسائل النقل العام من الحافلات الكبيرة ونحوها؛ بحيث تصبح أكثر جدوى وراحة وأمانًا بالنسبة للمرأة المحتاجة للخروج، كالمعلمة والطالبة ونحوهما : الكلام ده ممكن يحصل فى السعودية انما مصر!!! , يلا خلينا نتفائل انهم هايعملوا مواصلات منفصلة , يمكن نصحى تانى يوم نلاقى المواصلات اتقسمت نصين , وساعتها بقى هايقول الرجال ده اجحاف بحق الرجل فى المواصلات , الرجالة مزنوقين فى المواصلة والستات قاعدين براحتهم , ماهى المواصلات بقى بالنص والستات فى الشارع اقل من الرجال هههههههه , على فكرة الكلام ده انا باهزر بيه بس فعلا حصل حقيقى نوعا ما فى سنة من سنوات عمرى فى المواصلات .. اخى كاتب المقال , البلدان اللى بتتكلم عليها دى زى اليابان وسنغافورة واوروبا دى دول منظمة وعلى رأسها اليابان , اتمنى فى يوم ما ان بلادنا العربية تكون زيهم .. -إن مما ينبغي أن تدركه المرأة والنساء عمومًا ... الى اخر الفقرة : انا معاك فى دى , المجتمع فعلا بدأ يعطى المرأة أدوار ليست لها فى الأصل , واحيانا فعلا المجتمع المعاصر يتقبل اتكال الرجل على زوجته في هذه المهمات , ودى حاجة غلط فعلا وانا نفسى ارفضها , بس ارجع واقول ان احيانا الظروف بتجبر الواحد انه يعمل حاجات ليست من اختصاصه ... مما سبق يتضح ان الاخ كاتب المقال , اغلب كلامه غير دقيق , مش عايزة اقول خاطئ , واستدلالاته جلها ان لم يكن كلها ليست فى محلها الصحيح .. كده كلامى انتهى اعتقد انى رغيت بما يكفى , ياريت لو حد له تعليق او فى حاجة غلط فى كلامى يقوللى أاااااااااااااااااااااااا اااااااى ايدى وقفت من الكتابة ودماغى ضربت

: soccer_372:

والله واللهتسلم ايدك بجد تسلم ايدك ربن يخليكي لشعب اشربي بقي لمون علشان تهدي نفسك
والله هو يحرق الدم فعلا

[mar mar]

المشاركة الأصلية كتبت بواسطة احمد على 1999 يا استاذة nawwara انا أؤيدك بشدة فى كل حرف جزاكى الله خيرا على المجهود الخرافى انا حاسس ان الراجل اللى كتب الموضوع لو كان قدامك كنتى ضربتيه هو فعلا ببساطة زى ما حضرتك وضحتى هو مقلش اعملوا الكلام ده فى مصر ربنا يستر

المشاركة الأصلية كتبت بواسطة Eng/salwa جزاكى الله كل خير يا نوارة على تحليلك الممتاز للمقال تحليل منطقى ووافى و دقيق و ممتاز بس تعبتى جدا جعله الله فى ميزان حسناتك قلتى كل اللى ممكن انا اقوله و اتفق معكى فى كل كلمه

واحشتيني اوي يا ماما سلوي ايه اخبارك نورتي الموضوع
فعلا استاذه نواره قالت كلام تمام ومخلتش الواحد نفسه يقل اي حاجه

المشاركة الأصلية كتبت بواسطة SHERIF MARLBORO هو كلامك مقنع تماما لكن نظريا و دينيا و قانونيا لكن فعليا!!!لا اظن ذلك انا كنت هحكيلكوم فى موضوع عن حادثه عملتها فى العيد و هقولها هناعلى كوبرى محرم بيك "اسكندرية" واحده محترمه لبست فى الجزيرة و فى ضهرها 5 عربيات ميكروباص تيوتوتا كروز مازدا قديمة تاكسى و ماتريكس و سرعت العربيات كلها كانت فى حدود 60 كم فى الساعة حاجه كده طبعا التلفيات كانت بجد رهيبة بالمنظر كده كل عربية بالميت 10 الا جنيه و التيوتا اللى كونا فيه ممكن توصل ل 20 و أكتر الله و أعمل!! تفتكرى فيه راجل بيلبس فى الجزيرة بسرعة المتوسطه دى؟!؟!و كان ايه بقى السبب الله و أعلم و اللى ينرفز الواحد انى الست دى راكبه ايه!!تتخيلوا؟!؟! فورد فيستا!! يعنى مش لادا و بيضه ملصيت طبعا ملخص الكلام انا بقلق من الستات فى السواقة اوى اوى و لو حصل تحقيق محترم اراهنك الست دى لازم تتسجن او تدفع للناس المتضررة و اول حاجه لما نزلت رفعت المحمول !!!!و أمها واللى اللى معاها ايه اللى حصل يا نفين!!بصريخ!!!

المشاركة الأصلية كتبت بواسطة SHERIF MARLBORO بعد التجارب العديدة مع الستات على الطريق اللتى لا حصر لها مش هزعل لو اتمنعوا من السواقة بصراحة!!

ماشي علشان بس في واحده ست لسه خبطاك بس

[mar mar]

المشاركة الأصلية كتبت بواسطة nawwara انا معاك يا استاذ شريف ومقدرة موقفك , لكن ده مش معناه ان مافيش راجل ممكن يعمل حادثة زى دى , بالعكس ممكن تبقى حادثة اغبى كمانانا نفسى سعات باشوف ستات بيعملو حاجات غريبة تفور الدم, بس للامانة بردو باشوف رجالة بيعملو نفس الشئ , وده اللى خلانى اعتنق فكرة ان الموضوع قائم على المهارة قبل ما نبص مين اللى هايسوء رجل كان او امرأة .. اللى عايزة اقوله ان الامر ده نسبى وبيعتمد على عدة عوامل فى الشخص سواء رجل او امرأة انا حاسة فعلا بالرجالة وضيقهم من الستات اللى بتسوء فى الشوارع , بس عايزة اقولهم يا جماعة الحاجة هى اللى اضطرتنا لكده , ومعلش استحملونا بقى , وفى نفس الوقت بتضايق لما القاى راجل يقول (آآآآه ماهى واحدة ست) لما يلاقيها عملت حاجة غلط , كأن الستات بقو هما سبب كل خطيئة فى القيادة والرجالة منزهين , لا , فى كده وفى كده من كلا الجانبين .. قد تكون نسبة الاخطاء فى النساء اعلى من الرجال وده راجع لخبرة الرجال الاكتر فى مجال القيادة , يعنى لو واحدة ست بتسوق بقالها 20 سنة وراجل نفس الكلام اعتقد انهم هايبقو شبه متساويين فى المهارة والخبرة .. من ناحية القانون ممكن تكون الست واخدة امتيازات عن الرجل شوية , انما من ناحية الدين ليه مش مقنع ؟ هو الدين حرم او كره شئ فى الموضوع ده ؟ , ونظريا ليه مش مقنع ؟ وتحياتى لك

المشاركة الأصلية كتبت بواسطة SHERIF MARLBORO الكلام اللى بألأحمر ده هو المفيد نسبة الخطأ عند الستات اكبر بكتير و حالات متكررة و يومية و بصراحة الموضوع موضوع اروح و فلوس يعنى مفهوش استحمال بخصوص الدين انا مقولتش انى الموضوع حرام اقصد انه مسموح بأى منطق منهم الدين و القانون لكن على ارض الواقع العكس!!

المشاركة الأصلية كتبت بواسطة corsair الله يسامحك يا مرمر ده انا داخل الموضوع من عنوانه وقولت مرمر ربنا هداها وهتبطل سواقه وهتقنع الستات في مصر بأنهم يبطلوا سواقه يطلع في الاخر الموضوع كدا

عيب عليك يا كورسير ده انا مرمر

[M.TONSY]

انتم بس فهمتم الموضوع غلط احنا عايزين نريحكم ونحافظ على عربياتنا منكم