موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[محمد حسن عبد الرحمن]

شكرا ليك يا باشا على الموضوع الرائع ده بس عندى طلب عايز اعرف ارخص سيارة 128 تبقى موديل كام والحالة التقريبية ليها ايه يعنى لو مثلا معايا 10000 جنية يجيبوا 128 او 127 موديل كام والحالة التقريبية ليها وشكرا لهذا الموضوع الرائع.

[sayed2077]

المشاركة الأصلية كتبت بواسطة محمد حسن عبد الرحمن شكرا ليك يا باشا على الموضوع الرائع ده بس عندى طلب عايز اعرف ارخص سيارة 128 تبقى موديل كام والحالة التقريبية ليها ايه يعنى لو مثلا معايا 10000 جنية يجيبوا 128 او 127 موديل كام والحالة التقريبية ليها وشكرا لهذا الموضوع الرائع.

اولا ربنا يكرمك وطبعا الشكر لله عز وجل

بالنسبه لسعر 10000

فممكن يجيبوا سيارة 128
موديل سبعينات

مثال
74
75
76
77

ولكن فى اعتقادى ان السيارة ستحتاج بعض المصاريف

ولكن طبعا كل شىء فى الدنيا قسمه ونصيب

بمعنى ممكن يقع فى حظك مثالا سيارة 128

موديل سبعينات ولكن حالتها جيده
والعكس صحيح

واللى اقصده ان حضرتك لازم تكون صبور علشان فيه عربيات 128 موديل سبعينات حالتها كويسه وبالمبلغ ده ولكن قليلة شوية
فلازم الصبر والتأنى فى الاختيار حتى تحصل على شىء جيد بسعر مناسب
بس طبعا مش هيبقى الصبر فقط لازم يبقى صبر وبحث عن السيارة فى نفس الوقت علشان ربنا يككلل جهودك بالنجاح
وتلاقى السيارة المناسبه باذن الله

وانا للاسف لا افقه شىء فى الفيات 127
للاسف وليس لى فيها خبرة

وربنا يوفق حضرتك
ان شاء الله

اخوك فى الله سيد

[farouk89]

المشاركة الأصلية كتبت بواسطة sayed2077 يبقى كده حضرتك لازم تروح لكهربائى يشوفلك الموضوع ايه وفى الاغلب ان شاء الله هيكون موضوع ان السلكه بتاعت الصباع فيها حاجه بس لان السلكه ديه يا استاذ فاروق اسرع سلكه فى ضفيرة العربيه كلها معرضه للتلف لانها بتبقى لازقه فى الماتور عدل وحرارة الماتور طبعا بتققلل عمرها الافتراضى اسرع من اى سلوك اخرى فى الشفيرة الكهربيه وربنا يسهلك الامور ان شاء الله

لسه راجع من عند الكهربائي وغيرت الترموستات 80-90 وبقت شغاله زي الفل بس مجاش جنب الصباع ثبت السلكه مش اكتر تفتكر 80-90 افضل ولا 68-80 تقريبا

[sayed2077]

المشاركة الأصلية كتبت بواسطة farouk89 لسه راجع من عند الكهربائي وغيرت الترموستات 80-90 وبقت شغاله زي الفل بس مجاش جنب الصباع ثبت السلكه مش اكتر تفتكر 80-90 افضل ولا 68-80 تقريبا

الحكاية كلها يا استاذ فاروق ان الثرموثتات اللى حضرتك كنت مركبة ده ثرموثتات الستاء ولكن الطبيعى فى ال 128 هو 80/90 الى حضرتك ركبته لان لو كان معاك مؤشر يبينلك الحرارة فى العربيه كونت هتلاقى ان المؤشر القديم بيبرد عند درجة حرارة منخفضه وطبعا الجو والحرارة اللى احنا فيها دلوقت لو حضرتك جيت تدور العربيه هتلاقى المؤشر عند الدرجه ديه طبيعى من غير حتى ما العربيه تسخن فعلشان كدا المروحه بتشتغل على طول ولكن مع الثرموثتات الجديد المروحه مش بتشتغل غير لما يكون المؤشر فى النصف تماما وده طبعا الافضل لفترة الصيف لان العربيه بتاخد وقت عقبال ما تسخن و لما بتسخن المروحه تشتغل فترة بسيطه وبعد كدا تفصل والحمد لله ان المشكله اتحلت

[تيتو المصرى]

عايز عربيه 128 فى حدود 9000 جنيه ممكن حد يدلنى على حاجه

وعايز اعرف ايه اكتر حاجه لازم افحصها عند شراء 128