|
#16
20-01-2011, 06:42 PM
|
|||
|
|||
رد: رجاء لكل ملاك نيسان صني الدخول
مبدئيا انا لا امتلك صني .. ولكن زميلي بالشغل عنده صني 2008 العربيه دي انا اللي استلمتها معاه من سنتين و سوقتها كتير و ركبت معاه اكتر وهي عامله لحد دلوقتي 93000 كم و لسه معمول لها صيانه ال 90 الف الاحد اللي فات من الاخر سوقتها و ركبتها اكتر من عربيه والدي اللي معاه دلوقتي بقالها 4 سنين مبدئيا الرأي اللي يقول ان الصني فاشله فاشله فاشله واضح جدا جدا جدا انه متحامل جدا على العربيه مش عارف ليه .. دي لو كانت سيراتو مكنش حيقول عنها فاشله 3 مرات كده  ثانيا قطع الغيار هو بيدفع في الصيانه تقريبا ادي واقل مني كمان (هيونداي ماتريكس ) الفانوس اتكسر و اتغير بتايواني ب 200 جندي .. وشغال بقاله سنه او اكتر زي الفل العربيه موتورها 1600 توين كام وبالتالي سحبه كويس جدا واقل ضغطه على البنزين بتستجيب ... ولو كبست اجمد تشد اجمد و طبيعي تستهلك بنزين اكتر الفتيس اوتوماتيك تقليدي لكنه متجاوب الفرامل بتستجيب لابسط ضغطه ... مش محتاج تدوس جامد عليها خامات التابلوه كويسه .. يمكن الموكيت هو اللي بحسه زي بطاطين العساكر و جمدوها بماده كيماويه ... لكنه كمجمل كويس و مقبول التقفيل المصري في افضل حالاته .. يعني مقابلتش العيوب اللي دايما بنشوفها في التقفيل المصري ... لكن ممكن مثلا يكون الموكيت مش متثبت كويس .. العزل مش اوي لكن مش لدرجه اني اقول عليه سيئ الشنطه حجمها كويس جدا لكن على حساب الصالون يعني علشان حد يركب ورا لازم نقدم الكراسي لقدام شويه علشان يقدر يقعد كويس ... العفشه كويسه لكن العفشه الخلفيه تورشين بيم مع كنبه ضيقه شويه .. فالجلوس ورا مش محبذ للكبار للمشاوير الطويله و السفر ... لكن الرحلات متوسطه المدى و المشاوير محتمله فمفيش عربيه فيها كل حاجه و كلها مميزات .. دي حتى السي كلاس ضيقه من ورا !! كمجمل عربيه تمنها فيها وكفايه انها عربيه موديل بقاله سنين ولسه بيجاري موديلات احدث منه انا بس ليا طلب يا ريت تكون ارائنا منطقيه و مبنيه على تجربه او دليل ... مش علشان الصني اساسها ياباني يبقى لازما و لابد تطلع عربيه ممتازه .. و ان اي عربيه كوري تبقى شكل و منظر خادع انا زميلي كان الاول عايز يجيب ماتريكس زيي و انا اللي اقنعته بالصني ... لأن في 2008 كان سعر الماتريكس زاد وبقى الفرق بينها و بين الصني يدوب 2000 جنيه بس .. فقلت له زود الالفين جنيه وهات الصني غير ان هو اولاده لسه صغيرين وبيسافر كتير لاهله بورسعيد ... فكان خيار مناسب ليه جدا ... زي ما الماتريكس تعتبر مناسبه ليا اكتر عن الصني يعني انا لو حختار تاني لنفسي حختار الماتريكس الكوري برضو ولو حختار ليه تاني .. حختار الصني برضو مش قصدي اني اقول ان الماتريكس زي الصني .. او ان الياباني زي الكوري ... انا بس عايز اقول اننا بنتكلم عن عربيه ياباني موديل قديم شويه .. حتى لو كان في منه زيرو الصني بسعرها كويسه جدا ... لكن عن تجربه ... الالنترا سواقتها انعم و اريح و قعدتها افضل خصوصا لركاب القسم الخلفي ... يمكن لو كانو بنفس التمن كنت افضل الالنترا عنها ... لأنهم نفس الفئه .. لكن فرق السعر يلغي اساس المفاضله الواقع ان بتمن الصني كامله المواصفات تزود على تمنها و تجيب النترا بمواصفات اقل !!! وده شيء طبعا يغيظ اي حد بيحب الياباني انه يلاقي عربيه كوري اغلا منها لكن مننساش برضو انها عربيه انتهى انتاجها بره من 5 سنين ... فمصلحه انك تلاقي عربيه كويسه بالمواصفات دي و السعر ده  حتى لو كان موديل اقدم شويه .. لكنه لسه بينتمي للاجيال الحاليه بشكل ما وده تقييم مطلق للعربيه بدون تحيز لجنسيتها
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#17
26-01-2011, 03:24 PM
|
|||
|
|||
|
رد: رجاء لكل ملاك نيسان صني الدخول
أنا م / محمد عبد الرحمن الحمد لله أمتلك سيارة نيسان صني إي إكس موديل 2009 عامل حتى الآن 25000 كم أحب أقول أن الرد الطبيعي جدا على الموضوع ده أنه لا يمكن بأي حال من الأحوال مقارنة سيارة صيني مثل بي واي دي تقفيل مصري بسيارة ياباني جميع مكوناتها ياباني بالفعل تقفيل شركة نيسان في مصر
|
|
#18
28-02-2011, 09:15 PM
|
|||
|
|||
|
رد: رجاء لكل ملاك نيسان صني الدخول
الموضوع ده في رد عن موضوع الثبات
http://www.masrmotors.com/vb/showthread.php?t=47766
__________________
  اخوكم سعيد عطيه
|
|
#20
22-03-2011, 01:36 AM
|
||||
|
||||
|
رد: رجاء لكل ملاك نيسان صني الدخول
هههههههههههههههه الواد أحمد كورسير ده مستفـز........انا مكنتش ناوى أرد على الموضوع لان المقارنة غلط اصلا .....لكن قلت عيب ياواد تبخل بالمعلومة على حبايبك
ياراجل ياطيب ده انا أصلا لما الاقى واحد راكب عربية صينى وبيحاول يلاعبنى .....مبرضاش أصلا انى أعمل عقلى بعقله معقول حد يقارن النيسان بال byd الصينى ده كلام ؟؟؟؟ صاحبنا ده غاوى منظرة بس لكن قوة وثبات واتساع يبقى تقارن الصنى بالكورولا والاوكتافيا ده انا معتقدش ان حد عمل فى النيسان زى م انا عملت اسأل صاحبنا بتاع ال byd قل له مشيت بيها فى الجبل قل له مشيت بيها على سرعة 215 قل له مشيت بيها 300 كيلو مدق خطر .....سواقين التريللات نفسهم مش أى حد بيقبل يمشيه قل له اخدت بيها ملفات خطرة على سرعة عالية فوق ال 150 بدون تغيير الحارة ومع ذلك م انقلبتش قل له عندك موتور 118 حصان بالمناسبة هو أقوى موتور فى السوق (بعد السيراتو لانها موتورها 123 حصان ) وده معناه انه مهما زاد الحمل جواها سرعتها بتوصل 160 قل له كنت بتشيل جواها بضاعة تصل الى 800 كيلو ومع ذلك سرعتها كانت تصل الى 150 كيلو فى الساعة اخيرا استهلاك الصنى للبنزين للمرة المليون ال 10 لتر بيعملو 125 كيلو على الطريق السريع وبأسلوب تانى 250 كيلو فى الصفيحة رغم كل هذا الموتور الشرس وأما داخل المدن فـ ال 10 لتر بنزين بيعملوا 100 كيلو مع العلم ان نيسان لاتعمل اللا ببنزين 92 فقط مع ثبات كل شىء يعنى فلتر هواء كويس وفلتر بنزين كويس وشكمان كويس لان الكلام ده بياكل بنزين وكاوتش مظبوط ثم أنا مبعرفش اسوق أقل من 160 أبدا ولو العربية الصينى العبيطة دى عملت بيها كده كانت اتفككت من زماااااااااااااان انت عارف انى كنت فاهم ان فرامل المانيوال abs لحد مجيت اغيرها فوجئت انها تيل عادى بس ماشاء الله عملت 40 الف كيلو وكانت بتكلبش العربية فى الارض على سرعة لحد 180 عيب النيسان ان التسارع بتاعها اقل من غيرها ولو ال byd دى مع واحد زى حالاتى كنت رميتها بعد أقل من شهرين المقارنة دى غلط أصلا
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 22-03-2011 الساعة 01:49 AM
|
 |
|
|
