استفسارين عن ال516

[BASSEM BESO]

صباح الخير بعد اذنكوا كنت عايز اسأل على حاجات كده بتحصل معايا فى الأسبرانزا زمش عارف ده طبيعى ولا لأ وهما :

1- صوت الموتور عالى جدا جدا وبيوصل لى و انا جوه العربيه .
2- تزييق فى العفشه كل يوم الصبح رغم انى شحمت العفشه بأسبراى شحم عند احمد مهران فياترى حد عنده حل

[ashraf sobhy]

بالنسبة لصوت الموتور العالى ده بيكون سبب من اثنين
السبب الأول جوان الشكمان فيه تنفيث وده بيكون ناتج من خبطة فى ذيل الشكمان بتسمع على طول فى الجوان
السبب الثانى يكون من علبة فلتر الهواء ما تكونش محكومة كويس على الفلتر وبالتالى تحس ان صوت الموتور على

اما بالنسبة لتزييق العفشة فياريت حضرتك توضح اكتر هل بتظهر وانت ماشى ولا انت بتختبرها وهى واقفة الصبح لأن ممكن وانت واقف وفرامل اليد مشدودة وحبيت تهز العربية هتسمع صوت تزييق والصوت ده بيكون طبيعى علشان فرامل اليد مشدودة

[BASSEM BESO]

المشاركة الأصلية كتبت بواسطة ashraf sobhy بالنسبة لصوت الموتور العالى ده بيكون سبب من اثنين السبب الأول جوان الشكمان فيه تنفيث وده بيكون ناتج من خبطة فى ذيل الشكمان بتسمع على طول فى الجوان السبب الثانى يكون من علبة فلتر الهواء ما تكونش محكومة كويس على الفلتر وبالتالى تحس ان صوت الموتور على اما بالنسبة لتزييق العفشة فياريت حضرتك توضح اكتر هل بتظهر وانت ماشى ولا انت بتختبرها وهى واقفة الصبح لأن ممكن وانت واقف وفرامل اليد مشدودة وحبيت تهز العربية هتسمع صوت تزييق والصوت ده بيكون طبيعى علشان فرامل اليد مشدودة

شكرا جدا على ردك يااستاذ اشرف الشكمان سليم وكشفت عليه وعلى الجوانات فى التوكيل وبره التوكيل وكله تمام وكمان غيرت فلتر الهواء لكن الصوت هو هو عالى والتوكيل قال كل الأسبرانزا كده لكن انا مش عارف
بالنسبه لتزييق العفشه ده بيكون اول ماامشى الصبح وبيختفى اما اجرى شويه واشد بالعربيه