حلقة نقاش حول الاستفتاء القادم عن التعديلات الدستورية

[pointer]

المشاركة الأصلية كتبت بواسطة mido-spicy جميل طبعا اننا نعمل دستور جديد خالص يواكب محتويات العصر اللى احنا عايشينه بس طبعا اكيد انتوا عارفين اننا علشان نعمل دستور جديد لازم يتم مناقشته فى مجلس الشعب وبعد كده يتصدق عليه من المحكمه الدستوريه العليا طيب هو فين مجلس الشعب ؟؟؟ لسه مافيش مجلس شعب ... طيب يبقى احنا محتاجين مجلس الشعب للنقاش والتصويت طيب على اى اساس هننتخب اعضاء مجلس الشعب ؟؟ على الدستور القديم اللى احنا مش عايزينه ولا نستنى الدستور الجديد اللى قعد 4 سنوات يتعمل فيه زى ما حصل بعد ثوره 19 ؟؟ هتقولولى لا يا عم احنا عايزين المجلس العسكرى ... هقولكم انى اعتقد اننا كده هنفضل نلف حوالين نفسنا لان كل شويه المجلس ينعقد يطلع تشريعات وبعد كده الشعب يرفضها والمجلس ينعقد تانى لعمل تشريعات تانيه ... وهكذا طيب هتقولولى احنا مش محتاجين 4 سنين للدستور الجديد ... احنا عايزين دستور يمشى امور البلاد فى المرحله الانتقاليه لوضع اسس انتخاب مجلس الشعب ورئيس الجمهوريه ... هقولكم الدستور عندما يتم وضعه لازم يناقش احوال مصر لفتره سابقه ولكن مش بصوره بعيده وكمان احوال مصر الحاليه والمستقبليه ولاما بقى كل 10 او 20 سنه هنحتاج تغيير الدستور انا رأى الشخصى اننا نصوت على التعديلات الدستوريه لتسيير البلاد خلال المرحله دى وعمل انتخابات مجلس الشعب والرئاسة وبعد كده لما يتم انتخاب الاتنين هما اللى هيعملولنا كل مطالبنا بتاعة الثوره خد بالك ان الرئيس ومجلس الشعب القادمين بالذات هيكون عليهم عبءكبير فى تحسين اوضاع البلد اللى دمرها نظام دام 30 سنه بكل اياديه المخربه وهو اللى هينفذ مطالبنا اللى بجد .. لان فى راىى برضه ان اللى بيعملة الجيش ما هو الا مسكن للبلد والشعب وعلشان ماتفهمش كلامى غلط ان المسكن دا مش بطريقه خبيثه وانما بطريقه ترضى الشعب وفى صالح البلد ولكن بشكل مؤقت تقبلوا تحياتى

لو فيه نيه نعمل حاجه هنعملها
ممكن يتعمل الدستور بلجنه من المجلس الاعلي للقضاء كله و بكدا نبقي وسعنا الدائره شويه و ناخد اراء ناس قانونيين
طيب ويحلف ادام مين
يتعمل عليه استفتاء و الشعب يقول كلمته لان الاستفتاء ده ديموقراطيه مباشره زي ما يكون ورق الاصلي بتاع السياره و مسجل و البرلمان وده مجلس نيابي يعني عربيه بتوكيل غالبا بيبقي رسمي و فيه برضو توكيلات مزوره عادي
يبقي من الاخر الاستفتاء ده هو اعلي مرتبه من الديموفراطيه اعلي كمان من الثورات و الكلام ده كله لان الثائرين هيبقوا ضد الشرعيه - الاستفتاء كاجراء ديموقراطي مباشر - و الثوار هيبقوا خاريجين علي الشرعيه
هي دي خطوره الوقت الراهن لا اما تتعمل صح لا اما نلبس في شرعيه استفتاء مباشر

[pointer]

انا شايف ان الواحد يقول لا لغايه دلوقتي ولسه ليوم 19
ليه لماذا لما لو قراءنا المواد ارقام 93 و 88 و 76 كلهم بيقولوا المحكمه الدستوريه
و المجلي الاعلي للقوات المسلحه بيقول لا مش الدستوريه دي محكمه النقض و ده علي لسان الاهرام اليوم
طيب فاضل اسبوع هنصوت في الاستفتاء علي ايه و ايه هو الصح دستوريه ولا نقض الي جانب الملاحظات السابقه و ليه في الفاظ مائعه او غير دقيقه
ربنا يهدينا للخير يارب

انا موافق عليه كاجراء مؤقت علشان نعدي بالبلد من المحنه ديه وبعدين نبقي نعدله بالكامل

[مهند سالم]

فعلا أنا لست موافقا على تشكيل دستور جديد الآن، وإنما أقترح تفعيل أكبر للتعديلات، بمعنى أن نسلك المسلك الوسط بين الطرفين، تشكيل دستور جديد سوف يكلفنا وقتا؛ لأن هناك مواد جدلية ستستهلك الكثير من الوقت، كمثال: هل الدولة ستصبح برلمانية أو رئاسية؟
وفي الجانب الآخرالتعديلات الدستورية غير كافية؛ لأنها لم تتعرض للصلاحيات المطلقة لرئيس الجمهورية؟
إذن الحل من وجهة نظري أن يتم تعديل المواد الدستورية الخاصة بتقليص صلاحيات الرئيس؛ لأن هذه المواد في الغالب لا يختلف عليها اثنان.
وبذلك نكون قد اتخذنا موقفا وسطا من الخلاف:
عدلنا كل المواد الفاسدة التي لا يختلف عليها اثنان، وهذه المواد بالذات لا تأخذ وقتا في التعديل؛ لأنها لا جدال فيها.
ثم وفرنا في الوقت والجهد، ولم ندخل أنفسنا في المواد الجدلية الخلافية.
أما من جهة أن مجلس الشعب القادم سيكون إما إخوان وإما فلول النظام، فأنا أقترح تأجيل الانتخابات قليلا، لتكون في شهر 11 أو 12 لإعطاء فرصة جيدة للجميع.
وأقترح أيضًا أن يكون انتخاب رئيس الجمهورية هو آخر الانتخابات، بمعنى أن يتم أولا انتخاب مجلسي الشعب والشورى، ثم انتخاب اللجنة التأسيسية لوضع الدستور، ثم في النهاية انتخاب رئيس الجمهورية. وبذلك نكون ضمنا إلى حد كبير عدم التدخل السلبي لرئيس الجمهورية في سير الإصلاحات.

[pointer]

المشاركة الأصلية كتبت بواسطة corsair انا موافق عليه كاجراء مؤقت علشان نعدي بالبلد من المحنه ديه وبعدين نبقي نعدله بالكامل

خلاص يعملوا اللي يعملوه و بلاش استفتاء و نعدل برحتنا
والمشكله بتاعه دلوقتي و بعدين انا شايف انها تتعدل دلوقتي احسن ما نفضل نعمل مشاكل لحد ما يتعدل او ثوره تاني و احنا لسه بندفع فاتوره الثوره اللي فاتت ولسه فاتوره اصلاح النظام السابق و بعدين نمشي سنه و نقول نعمل وحده تلنيه
معلش و الله بس ادينا بنفكر مع بعض و هنشوف باذن الله قدره القوات المسلحه في تخطي المحن كلها ولفسه فيه اسبوع بس التغيير ده صعب الناس هتصوت علي حاجه من غير دراسه ليه خصوصا انه استفتاء فبيقولوا لا وخلاص بدل ما يدبسوا في استفتاء
وياريت اللي عاوز استقرار يفكر تاني لان قبل الثوره كان فيه استقرار والدوله كانت بتتخرب بدليل الثروات اللي بيتحقق فيها امام النيابات دلوقتي و كلام المستشار جودت الملط

http://www.youtube.com/watch?v=RPyxweIrIPs

http://www.youtube.com/watch?v=ZyA_IF7FrXY