ادخال البيانات وكتابة الرسائل العلمية

[noura_taman]

السادة الأفاضل.. السلام عليكم ورحمة الله وبركاته

أود الاستفسار من اهل الخبرة عن كل ما يختص بالعمل كمدخلة بيانات وكاتبة للرسائل العلمية وعمل البريزينتيشن - كأسعار وأي معلومات أخرى ممكن تكون مهمة
حيث أنني خبرة 7 سنوات في مجال السكرتارية التنفيذية وادارة المكتب ولكن بسبب ظروف التحاق ابني الوحيد في المدرسة فقد قررت التنازل عن العمل وان اتفرغ لرعاية ابني ولكن ونظرا للظروف الاقتصادية فلابد من التفكير في العمل ولو عن طريق المنزل ولأن خبرتي في ادخال البيانات والسرعة في الطباعة والقدرة على الترجمة كبيرة من العربية للانجليزية والعكس والحمد لله ففكرت في فكرة اني اقيم مشروع زي ده وان شاء الله مش هايأثر على وجودي مع ابني ويكون ليه مردود كويس

فياريت أي حد عنده خبرة حول طريقة الاعلان او الاسعار وطريقة العمل نفسها يفيدني أفادكم الله....:08da300846c84943 ae1

[noura_taman]

هو الموضوع صعب للدرجة دي ولا المنتدى فاضي النهارة ولا ايه

[noura_taman]

ألوووووو ايه يا جماعة هو لازم يكون سؤالي عن العربيات عشان الاقي رد؟؟؟ في ايه بجد ما حدش عرف يفيدني بأي معلومة؟؟

[المواطن مصرى]

فيه كذا فكره ممكن اقول لحضرتك عليهم ..

ممكن حضرتك تبدأى اولا انك تشوفى مكتب كمبيوتر او نت كافيه فى المنطقه عندك تتفقى معاه انه يعمل عنده اعلان عن كتابه الرسائل و الورق و تصميم الاعلانات و كتابه مشروعات التخرج و الملخصات الدراسيه و الحاجات دى و هو يجيبلك الشغل مقابل نسبه هوه ياخدها (مثلا لو كتابه الورقه و طباعتها بجنيه واحد هوه ياخد النصف و انتى النصف و هكذا) و بكده هيكون عندك عينات شغل معموله لناس ..

الخطوه التاليه : ممكن حضرتك تشوفى مراكز الدروس الخصوصيه و مجموعات التقويه اللى فى منطقتك و تعرضى عليهم شغلك فى كتابه الملازم و المذكرات و الملخصات الدراسيه للاولاد و لو فتحتى شغل مع الناس دى يبقى خير و بركه و يا سلام لو تعرفى حد مدرس او مدرسه بيدى دروس خصوصيه حضرتك تكتبيله المذكرات و الملخصات اللى بيوزعها على الولاد ..

ممكن كمان حضرتك تشوفى المدارس الخاصه و الحضانات و تعرضى عليهم فكره كتابه مذكرات و ملخصات و حاجات من دى

ممكن حضرتك تشوفى مراكز الريجيم و التخسيس و العلاج الطبيعى و تعرضى عليهم شغلك لان الناس دى بتحتاج تكتب برامج تعذيه و تمارين و عروض كثيره كل اسبوع بتتغير

لو تعرفى فوتوشوب و صور و تصميم و كده ممكن حضرتك تشوفى مكتب دعايه و اعلان تعرضى عليه شغلك و هو يجيبلك شغل تصميم يفط و اعلانات مقابل نسبه تتفقى عليها معاه

ممكن كمان تشوفى ستوديو تصوير تتفقى معاه على مونتاج الصور (خصوصا صور الاطفال و الافراح) مقابل نسبه على كل صورة (لو طباعه الصوره العاديه مثلا جنيه تبقى الصوره المعموله فوتوشوب 2 جنيه و هكذا )

و ربنا يوفقك ..

[noura_taman]

المشاركة الأصلية كتبت بواسطة المواطن مصرى فيه كذا فكره ممكن اقول لحضرتك عليهم .. ممكن حضرتك تبدأى اولا انك تشوفى مكتب كمبيوتر او نت كافيه فى المنطقه عندك تتفقى معاه انه يعمل عنده اعلان عن كتابه الرسائل و الورق و تصميم الاعلانات و كتابه مشروعات التخرج و الملخصات الدراسيه و الحاجات دى و هو يجيبلك الشغل مقابل نسبه هوه ياخدها (مثلا لو كتابه الورقه و طباعتها بجنيه واحد هوه ياخد النصف و انتى النصف و هكذا) و بكده هيكون عندك عينات شغل معموله لناس .. الخطوه التاليه : ممكن حضرتك تشوفى مراكز الدروس الخصوصيه و مجموعات التقويه اللى فى منطقتك و تعرضى عليهم شغلك فى كتابه الملازم و المذكرات و الملخصات الدراسيه للاولاد و لو فتحتى شغل مع الناس دى يبقى خير و بركه و يا سلام لو تعرفى حد مدرس او مدرسه بيدى دروس خصوصيه حضرتك تكتبيله المذكرات و الملخصات اللى بيوزعها على الولاد .. ممكن كمان حضرتك تشوفى المدارس الخاصه و الحضانات و تعرضى عليهم فكره كتابه مذكرات و ملخصات و حاجات من دى ممكن حضرتك تشوفى مراكز الريجيم و التخسيس و العلاج الطبيعى و تعرضى عليهم شغلك لان الناس دى بتحتاج تكتب برامج تعذيه و تمارين و عروض كثيره كل اسبوع بتتغير لو تعرفى فوتوشوب و صور و تصميم و كده ممكن حضرتك تشوفى مكتب دعايه و اعلان تعرضى عليه شغلك و هو يجيبلك شغل تصميم يفط و اعلانات مقابل نسبه تتفقى عليها معاه ممكن كمان تشوفى ستوديو تصوير تتفقى معاه على مونتاج الصور (خصوصا صور الاطفال و الافراح) مقابل نسبه على كل صورة (لو طباعه الصوره العاديه مثلا جنيه تبقى الصوره المعموله فوتوشوب 2 جنيه و هكذا ) و ربنا يوفقك ..