الرينو لوجان اتوماتيك 2013 ولا افيو 2013 اتوماتيك؟؟؟؟

[sherifabden]

الفرق بين سعر العربيتين 10 الاف جنيه
لكن اللوجان فيها
ايموبلزر / ايرباج / مالتي فانكشن / بلوتوث / يو اس بي / كمبيوتر / مرايات كهربا / جنط 15 / سخان في المرايات / مساند راس خلفية
ودا كله مش موجود في الافيو على الرغم انها اغلى من اللوجان
وكمان فتيس الافيو اوتوماتيك واللوجان ستيبترونيك
يعني هتبقا احسن من الافيو في الشد والجري
بالاضافة الى ان توكيل الرينو افضل من الشيفروليه بمراحل
يبقا اللوجان افضل
ولو تعرف تزود المبلغ وتجيب صني او اوبترا اوتو يبقا افضل
ومبروك مقدما

[محمود زيزوو]

بص يا استاذنا لو هتجيب اوتوماتيك توكل على الله لان الاوتوماتيك مفيهوش عيوب اما بقى لو مانيوال متجيبش افيو لية بقى لان فيها عيوب وطبعا كل العربيات فيها عيوب فى بيتحل وفى مش بيتحل الافيو كل العيوب فيها اتحلت وعربية تحفة فنية ماعدا عيب غبى فى المانيوال بس هو ارتفاع عدد لفات الموتور بدون مبرر دة العيب اللى شكلهم مش ناويين يفكرو ويشغالو دماغهم ويحلو المهم الاوتماتيك جميلة جدا بس سحباها بيبقى ضعيف شوية مع تشغيل التكييف اما اللوجن معرفش فيها حاجة خالص الا انى بكرة شكلها سواء داخلى او خارجى بس بس سمعت ان قطع غيارها بقيت كويسة ورخيصة والله لو فعلا رخيصة توكل على الله لو مانيوال هات لوجان علشان المشكلة دى رخمة جدا فى الافيو المانيوال اما لو ناوى على اوتوماتيك علطول عاليك وعلى الافيو طبعا بس سحبها ضعيف مع تشغيل التكييف علشان متدعيش عالية يا عم هههههههههه على فكرة معظم العربيات 1500 سى سى سحباها بيقل مع التكييف وربنا معاك

[أحمد الشلبي]

بص العربية اللوجان بسم الله ما شاء الله جميلة جدا انا مكنتش حابب شكلها فى الأول وبالرغم من كده اشتريتها وبعد كده لقيتها فعلا عربية جميلة جدا وبتستحمل السفر وشديدة والله انا مش هتكلم بس كل واحد ركب اللوجان يقولك , هتحس إنك مرتاح معاها اوى وهتبقي مبسوط منها

[screamseko]

المشاركة الأصلية كتبت بواسطة 7uda لا دي ولا دي ! ما تشتري فولكس واجن جيتا 2004 مستعملة نظيفه بالسعر ده احسن 7000 ملييون مررة من العربيات التعبانه دي . و لو مصمم اوي على جديد يبقى افييييييييييييييييييييييي ييييييييييييييييييووووووو و طبعا من غير كلام احسن مليييون مررة من العربيه التعبانه اللي اسمها لوجان مع احترامي الكامل لملاكها و عشاقها بس اللوجان دي متسواش خياره و تقدر حضرتك تشوف بنفسك ان التصميم الداخلي احسن مليووون مررة بتاع الافيو لكن بنسبالي صراحه العربيتين ميسووش بصله امام الجيتا 2004 و بالتوفيق والسلام عليكم

ههههههههههههههههههههههههه ههههههههههههههههههههههههه هههههههههه

لا تعليق علي كلامك والله

[MmFFoR]

هو طبيعي ان زميل يوصيك باللي شايفه افضل و هو الجيتا - لكن لا داعي للضحك على رأيه لان الكثيرين يرونه صائب

عموما في مقارنة بين الافيو و اي سيارة اخرى دائما ارجح السيارة الاخرى لان الافيو مشهوره بانها سيارة حوادث من يوم ما نزلت تلاقيها مرمية يمين و شمال على الدائري عاملة حوادث

عوامل الامان فيها صفر
توكيلها صفر
خاماتها صفر
اعطالها كثيييييرة
صيانتها صفر

يغور الشكل في مقابل راحة البال