لكل عشاق السابيا برايد وخصوصا وائل باشا

[seaf_sawy]

السلام عليكم هل البرايد احسن من جيلى باندا ارجوا الافادة وشكرا

[AbOnOrA]

معلش يا ابوحميد اتأخرت شهر تقريباًُ فى الرد بس انت كنت حاطط الموضوع فى القسم الصينى وانا مش متابع الصينى بصراحة اوى خاصة وان الاستاذ حازم المشرف العام على القسم مشرف بدرجة مدير منتدى فالواحد مبيفكرش ابداً يتابع او يقلب فى الاقسام بتاعته

طبعاً تقرير جميل وتستحق كل الشكر عليه وعلى الاهداء الجميل ده كمان

بس علشان تكتمل الصورة وعلشان الكلام بيخلى الناس تفهم ان السايبا برايد عربية تانية خالص غير البرايد الكورية او حتى عربية شبهها فعايز اقول ان البرايد فى الاساس مشروع مشترك بين مازدا وفورد وانتجت باسم فورد فيستيفا ومازدا 121 واحدة فى الاسواق الامريكية والاروبية ونسخة فى الاسواق الاسيوية وعلى نفس الاساس اتعملت البرايد بعد ما كيا فى البداية اشترت ترخيصها من مازدا زى كل عربيات كيا فى الاول وعملت البرايد ونزلت اسواق كتير واستكملت النجاح وعلى نفس المنوال استكملت شركة سايبا المسيرة وقدمت نفس المشروع ونفس العربية باختلاف الكماليات فقط لكن من اول الفورد فيستيفا والمازدا 121 مرورا بالبرايد الكورى والبرايد الايرانى العفشة والموتور وكل حاجة واحد

بالنسبة للبنزين البرايد اللى مواتيرها كربراتير تشتغل ببنزين اى حاجة لكن الانجكشن الصح انه يشتغل ببنزين 92 خاصة ان 92 اللى عندنا مش هو بالظبط 92 بالمواصفات القياسية
لكن حتى الانجكشن لو شغلتها ببنزين 90 او اقل ممكن تشتغل من غير مشاكل لان تصميم الموتور الاصلى نسبة الانضغاط بتاعته قليلة فمش هتضرر من استخدام وقود اوكتينه اقل لكن منظومة الحقن او الانجكشن هى اللى هتضرر اكتر

شكراً يا باشا مرة تانية وتسلم ايدك ptmnlo123per122

ربنا يخليك يا استاذ وائل ويا رب تفيدنا دايما بالمعلومات القيمة ديه وتقبل تحياتي

[muslem_sci]

السلام عليكم هل البرايد سايبا احسن من اسبرانزا A113 باندا ارجوا الافادة وشكرا

[tareksakr]

من ناحية سهولة الصيانة وتوفر قطع الغيار ورخصها فالبرايد سايبا تتفوق في النقطة دي اما الاسبيرانزا a 113 فهي سيارة اقتصادية وجميلة يعيبها ان التعليق بتاعها ناشف كتير في المطبات والاسبيرانزا كماركة انت وحظك يبقي حظك كويس وتطلع عربية من غير عيوب يا اما علي النقيض يطلع فيها عيوب تقفيل وتصنيع تكرهك في العربية وتموت فيك احساس انك راكب عربية زيرو والاختيار ليك في الاخر