انت مع ام ضدد عمل ((فتحته سقف فى العربيه ))

[chister]

أولاً فتحة السقف دى شئ يرجعلك انت يعنى ماتبصش لأراء الناس قوى لأن هتلاقى كله بيتكلم فى نفس الوقع على كلام غير التانى
غير كدة ان يكون فى فتحة سقف أو لأ ده انت بتمشيه على حسب توضيب العربية وشكلها الأساسى بحيث ان انت تعمل حاجة تكون متناسقة مع بعضها

على العموم اللى يرحك هو اللى تعمله.. وربنا يوفقك

[lRatedl]

وانا كمان ضد فتحة السقف

[mustafa mahmoud]

انا بقى هجيب الديب من ديله و هاقولك على فكرة جامدة ليك و لكل الناس لو عربيتك اى لوم معادا الاسود ممكن تجيب الكاوتش بتاعت فتحت السقف و حتحة فاميه سوبر دارك و تلزقها و خلاص انا شوفتها مع واحد صحبى معاه كيا سيراتو بيضا و مديا منظر جامد جداااااا

[mercedes]

السلام عليكم و رحمة الله و بركاته

طبعا أنا ضد فتحة السقف قطعيا و بشدة شديدة جدا .

أنا أصلا عربيتنا البيجو ال505 مو 1980القدييييييييييييييييي يمة , كانت نازلة بفتحة سقف من بلدها و فضلت لحد ماعطلت و بأت لاهى اللى شغالة و لا هى اللى قافلة و حابكة كويس بحيث أن الميه بتاع المطر ماتعديش و ورتنى أيام سودا بنت الايه دى, و طبعا كان لازم فى أول كل شتا , أشترى أنبوبة سيليكون شفاف و أدور على الجوان بتاع الفتحة عشان أكتمها بالسيليكون عشان ماتدخلش ميه فى الشتا لحااااااااااااااااد ما جيت أشد العربية سمكرة و دوكو فى 2006 , قفلتها بشكل دائم كما لو أن العربية كانت نازلة من غيرها .

قال فتحة سقف قال !!!!!!!!!

الظريف أن أنا لقيت أن عشان أصلحها , هتحتاج منى بتاع 1200 جنيه , لكن عشان أقفلها قفلة بلادها و ده صعب عشان الcurvature اللى فى السقف, هتكلفنى بتاع 200 جنيه , تتوقعوا منى ايه و النبى , أكيد أقفلها و غيرت فرش السقف من جوه بواحد تانى من غير الفتحة, عشان تبقى كملت .

فتحة سقف؟؟؟؟ يا نهار أسود !!!!!!!!!!!!

MERCEDES E230

[koashraf]

الاوربيين صمموا فتحات السقف فى السيارات للاستمتاع بأشعه الشمس فى الايام القليله المشمسه عندهم لكن احنا استخدمناها لاغراض اخرى،وطبعا عايز اقول ان ممكن تقع عليك حاجات مش ولابد وانت ماشى فاتحها من الاتوبيسات اواى حاجه اعلى من سيارتك.