|
#16
19-11-2013, 07:24 PM
|
||||
|
||||
رد: طريقة اصلاح سربنتينة السخن دايو لانوس .....بالتفاصيل والشرح والصور
وربنا يتقبلها فى ميزان حسنات اعمال الواحد مننا
__________________
صفحتى على الفيس https://www.facebook.com/profile.php?id=1000015256 47162 
|
|
#17
27-11-2013, 12:47 PM
|
||||
|
||||
|
طريقة فك سربنتينة السخن دايو لانوس ... بالتفاصيل والصور
السلام عليكم ورحمة الله
الشتا داخل علينا وهنبدأ نحتاج التكييف السخن وفية ناس التكييف السخن شغال عندها تمام فمش هيحتاجو الموضوع دة وفية ناس السخن عندها ملغى والسبب غالبا ان بيكون فية تسريب مية جوة العربية فى الدواسة تروح للميكانيكى عشان يصلحلك العيب فالميكانيكى يستسهل ويروح قايلك كلمتة المشهورة : الغى السخن ياباشا ملوش لازمة ويبقى لسان حالك ساعتها  وطبعا الميكانيكى بيقول كدة من باب الاستهال لا اكثر لان السربنتينة مكانها مزنوق ومقرف شوية والحقيقة هيا ملهاش لزمة فى فصل الصيف فقط لكن اول ما الشتا يدخل هتحتاجها ضرورى جدا والا هتضحى بميزة كويسة الشركة عاملها فى العربية وهتلجأ للطرق البدائية للتدفئة فى الشتا تقفل الازاز ولو الجو كتم فى الصالون تنزل الازاز حاجات بسيطة ويجيلك سرسوب هوا سقع من برة دة غير الدوشة اللى بيعملها فتحة الازاز 2 او 3 سم عشان النفس وبكدة بقيت زيك زى العربيات موديلات السبعينات فى طريقة التعامل مع الجو الساقع فى فصل الشتا وطبعا دة مش حل الحل انك تفك السربنتينة بتاعة السخن وتطلعها وتشوف اية اللى فيها وتصلحها وتركبها تانى ودة اللى هنعملة دلوقتى خطوة خطوة وبالصور الاول هنفك الكونسولة بتاعة فرامل اليد هتطلع الجوز كراسى لقدام وتفك المسمارين دول   وبعدين هترفع فرامل اليد لفوق خالص وترفع الكونصولة من ورا وتعديها من فرامل اليد وتطلعها  وبعدين تخش على الفتيس وتشد الفرام بتاعة لفوق بصوابعك من الحرف هتلاقية طلع فى ايدك وتقلبة وتشوفة من تحت ماسك بافيز او اى حاجة تانية وتفكها وتطلع الفرام بالجلد برة خالص   وبعد كدة تخش على ال3 مسامير اللى ماسكين الكونصولة بتاعة الفتيس واحد بين الكرسيين وواحد جنب رجلين السواق وواحد جنب رجلين اللى قاعد جنب السواق    وتسحب الكونصولة لفوق بس بحرص عشان لسة الطرفين الكهرباء بتوع الولاعة لسة راكبين هتفكهم من بعض وبعدين هتطلع الكونصولة   وهيكون دة الشكل النهائى  وهنبدا نفك علبة التوزيع بتاعة الهوا اللى بتبقى على اقدام السائق واللى جنبة هنبدأ بالمسامير الواضحة  وبعدين هنشتغل على المسامير اللى مش واضحة وعشان زاوية التصوير صعبة او بمعن اصح لو انا صورتها فانت مش هتفهم هيا فين بالظبط فانا هثبت المفك او البيبة 7 وهصور عشان تبقى فاهم مكان المسمار فين  وبعدين هنروح الناحية التانية عند الى راكب جنب السواق وبرضو نفس الطريقة للمسامير اللى مش واضحة    بعد ما تخلص هتلاقى الغرفة الاخيرة بتاعة توزيع الهوا على الاقدام نزلت لتحت احتمال تحتاج منك بعض المساعدة فى السحب والتسليك لتحت ودة شكلها الاخير لما نزلت   بعد كدة هيفضل عندك مسمارين اوعى تفكهم لانك لو فكيتهم هتتسحل بكل ما تحملة الكلمة من معنى عشان تقفل العلبة تانى واحد جنب دواسة البنزين وهحط لك المفك علية عشان تبقى عارفة بس متفكوش والتانى عند رجلين اللى راكب جنب السواق وهحط لك فية البيبة عشان تبقى عارفة ومتفكوش   هنا كدة هتبقى المسامير كلها خلصت مش هيتفضل غير انك تنزل الفبرة لتحت بس خلى بالك الفبرة دى مش هتطلع خالص الفبرة دى هتنزلها لتحت وتسحب منها سربنتينة السخن بس قبل ما تعمل الكلام دة هتنزل تحت العربية وتفك المسمارين اللى تحت اللى ماسكين وحدة التكييف بالكامل عشان توسع لك شوية وتسمح لك انك تعرف تطلع سربنتينة السخن هنرفع العربية وننزل تحتها نفك المسمارين دول  وبعد كدة هتلاقى شفة حديد ماسكة السربنتينة بتاعة السخن من فوق ......انطرها بالمفك العادة  وبعد كدة هتبدأ تسلك العلبة الاخيرة وانت بتنزلها لتحت من الضفيرة بتاعة الكهرباء وخلى بالك الموضوع دة محتاج صبر عشان متبوظش حاجة فى الضفيرة هتنزل العلبة بايد وهتسحب السربنتينة بتاعة السخن بالايد التانية   ونبدأ بصبر وبحرص نسحب السربنتينة من جوة العلبة    هنا هنشوف ان ماسورة من الماسورتين متاكلة خالص والحقيقة انا عارف الموضوع دة من اول الصيف اللى فات بس كنت مكبر دماغى علشان انا مش هحتاجها طول فصل الصيف لكن اول ما الشتا دخل قلت ضرورى اعملها علشان اعرف اشغل السخن واخلط سخن على بارد واستمتع بالتكييف الدافى انا كدة خلصت فك هروح ادور على حد بيبيع مواسير المونيوم نفس القطر الخارجى 19 مم وهفور الماسورتين بالمرة بما انى فكيت وهلحم ماسورتين جداد عند اى ورشة فيها لحام ارجون (لحام الالمونيوم اسمة كدة) وهصور الكلام دة وهقولكم على التكلفة وبعدين احتمال اقفل يوم السبت او الاحد وهصور بردة التقفل وهقول عل كل الملاحظات اللى ممكن تقابل اى حد وهوة بيعمل الشغلانة دى وبالنسبة ليا التكلفة كلها هتكون فى حتتين الماسورة واللحام وهبقى ابلغكم وبالصور زى ما قلت ملحوظة اخيرة كل العدة اللى احتاجتها كانت مفك صليبة عادى ومفك صليبة قصير طولة 7 سم وبيبة 7 
__________________
صفحتى على الفيس https://www.facebook.com/profile.php?id=1000015256 47162
|
|
#18
28-11-2013, 01:28 PM
|
||||
|
||||
رد: طريقة فك سربنتينة السخن دايو لانوس ... بالتفاصيل والصور
 موضوع رائع كعادة مواضيعك يا مصطفى تسلم ايدك
|
|
#19
28-11-2013, 02:42 PM
|
||||
|
||||
|
رد: طريقة فك سربنتينة السخن دايو لانوس ... بالتفاصيل والصور
الله ينور عليك يا درش
وربنا يرحم والدتك ويجعلها ان شاء الله في جنة الخلد وان يفسح لها في قبرها مد بصرها
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
|
|
#20
03-12-2013, 02:27 PM
|
||||
|
||||
رد: طريقة فك سربنتينة السخن دايو لانوس ... بالتفاصيل والصور
كعادة
متميز فى جميع مواضيعك و فى جميع المنتديات
__________________
 الا اله الا الله محمد رسول الله
|
 |
| الكلمات الدليلية |
| التكييف, دايو لانوس |
|
|
و أصبحت 
