|
#1
18-05-2011, 04:04 AM
|
||||
|
||||
عربية تقيلة ولا خفيفة؟؟؟ طبعا الخفيفة أحسن
الكلام اللي حقولو ده يمكن يخلى ناس كتيرة تستغرب، بس فعلا العربية الخفيفة أحسن؟؟؟ بس أحسن في إيه؟؟؟
الناس عادة بتقول العربية دي تقيلة، بتقولها بطريقة كإنها مدح، المشكلة إننا لما بنقول التقيلة أحسن مش بنحدد، احنا سمعناها كده وخلاص. المهم، فيه فرق كبير بين عربية تقيلة وعربية متزنة (أو موزونة على الطريق)، العربية التقيلة يعني وزنها كبير، إنما العربية الموزونة دي ممكن أوي تبقى عربية خفيفة، بس الرك على التصميم بتاعها. خليني أوضح أكتر: العربية التقيلة (اللي وزنها تقيل يعني) بتستهلك بنزين كتير عشان تتحرك، وصعب السيطرة عليها لو عايز تفرمل، فكر كده في الفرق بين عربية صغيرة وأوتوبيس (طبعا الفرق كبير بس ده للتوضيح بس) أهم حاجة في اتزان العربية هو توزيع الوزن، مش كمية الوزن... وكل ما كان الوزن متركز في الأرضية كانت العربية موزونة أكثر، عشان كده العربيات الاسبور بتبقى واطية وعريضة عشان تثبت على الطريق، ولو اتكلمنا على العربيات العادية بتاعتنا، يبقى العربيات 4×4 دي مش ثابتة خالص. وكمان الوزن لازم يبقى متوزع بالتساوي بين الأمام والخلف، جرب كده تسوق عربيتك وهي فاضية أو وهي محملة ناس ورا أو حاطط حاجة تقيلة في الشنطة، أكيد لو حتاخد غرزة العربية حتعوم منك، أو على الأقل رد فعلها مش حيبقى زي ما انت متعود. أكيد فيه حاجات تانية بتأثر في ثبات العربية، بس كل حاجة وليها حاجة.... حكلمكو عليها بعدين 
|
|
#2
18-05-2011, 05:28 AM
|
||||
|
||||
رد: عربية تقيلة ولا خفيفة؟؟؟ طبعا الخفيفة أحسن
انا موافق على كلام حضرتك
قالوا ان الافضل من ناحية السلامة و الامان ان تكون السيارة ذات حجم كبير و وزن معقول فى التصادم , السيارة الثقيلة لا تتأثر كثيرا فى هيكلها الخارجى لانها تنقل الصدمة لكل جزء فيها , فمثلا عند تصادم سيارة ثقيلة فى جدار , من الممكن ان تجد ان مقدمة السيارة لم تتأثر كثيرا ... الا انك من الممكمن ان تجد الفوانيس الخلفية تحطمت !!! ناهيك عن الصدمة القوية التى سيتعرض لها الركاب اما السيارة الخفيفة الوزن , فستجد ان الاجزاء الامامية ستمتص الصدمة الا انى لا انكر انى من هواة السيارات الثقيلة كبيرة الحجم , لتحملها و قدرتها على تحمل اوزان كبيرة و السير بها دون الخوف من ان تتأثر اداء السيارة كثيرا
|
|
#3
19-05-2011, 04:24 AM
|
||||
|
||||
رد: عربية تقيلة ولا خفيفة؟؟؟ طبعا الخفيفة أحسن
بس مش هو ده اللي كان قصدي عليه أنا كنت عايز أقول إن تصميم السيارة له عامل مهم قوي في ثباتها وبالذات نسبة ارتفاعها إلى عرضها اللي بيأثر بشكل مباشر على مركز الثقل فيها، بص على الصور (معلش الصور أنا عاملها بنفسي)، ولاحظ الفرق في مركز الثقل، الموضوع ده مهم جدا Car Height.GIF Car Width-Height.GIF لإن ارتفاع مركز الثقل بيخلي العربية تميل في الملفات ، وده ممكن يخلي العربية تقلب بسهولة ولسه حكمل بعدين....
|
|
#5
20-05-2011, 04:18 AM
|
||||
|
||||
رد: عربية تقيلة ولا خفيفة؟؟؟ طبعا الخفيفة أحسن
 عايز أقوللك إن حبي للسيارات هو اللي خلاني أدخل هندسة المهم.... المشكلة في ثبات العربيات هي التحكم في الوزن، ومشاكل ثبات العربيات ما بتبانش إلا لما بنغير اتجاهنا، في الملفات أو في الغرز، أصل طول ما احنا ماشيين في خط مستقيم.. كل العربيات تقريبا معندهاش مشكلة في الثبات. المعروف إن الكتلة ما بتميلش إنها تغير حالتها (إيه الكلام الصعب ده؟؟) يعني لو الكتلة واقفة لازم يبقى فيه قوة تحركها، ولو هي متحركة لازم يبقى فيه قوة توقفها، مش بس كده، ده لازم يبقى فيه قوة عشان تغير اتجاهها الموضوع ده بنحسه واحنا راكبين العربية، لما بنفرمل أجسامنا بتحدف لقدام عشان أجسامنا بتبقى عايزة تكمل بنفس السرعة اللي كنا ماشيين بيها، ولما بندخل ملف أجسامنا بتحدف لبرة الملف، عشان أجسامنا بتبقى عايزة تكمل في نفس الاتجاه اللي كنا ماشيين فيه. الكلام ده بيسموه "عزم القصور الذاتي" طب دي أجسامنا، أمال العربية ما بتعملش كده ليه؟؟ في الحقيقة العربيات (وأي جسم متحرك) زينا بالضبط (دي حقيقة فيزيائية) وده بيبان في درجة ميل العربية عند الفرامل أو في الملفات، ودرجة الميل دي بتزيد بدرجة كبيرة أوي مع زيادة السرعة، ويا سلام بقى لو الوزن تقيل...صباح الحوادث... (مش عايز أجيب معادلات عشان دمي ما يبقاش تقيل)... شوف الصورة دي كده: Effect of Speed on Centrifugal Force1.gif طب ده إيه علاقته بالكلام اللي اتقال قبل كده؟؟ ارتقاع مركز الثقل عامل مؤثر جدا في موضوع درجة ميل السيارة، وعشان أوضح أكتر: جرب تمسك شاكوش من آخر العصاية الخشب بتاعته (بيعيد عن الراس الحديد) وحركه يمين وشمال، وبعدين امسكه تاني بس من عند الراس وحركه يمين وشمال..... في الأول حتحس إن السيطرة عليه صعبة وإيدك لازم تمسكه كويس... وفي المرة التانية حتلاقي الموضوع سهل قوي هي دي باختصار المشكلة كلها، المسافة بين مركز الثقل (راس الشاكوش) عن الأرض (إيدك) بتعمل عزم كبير محتاج قوة كبيرة عشان تسيطر على الوزن ده. ولو وصلت زاوية ميل مركز الثقل لدرجة معينة (بيسموها نقطة الانقلاب) العربية بتقلب علطول. شوف الصور دي: CG effect & Roll-over 1.gif Effect of Weight-Height & Roll-over1.gif Effect of Weight-Height & Roll-over 2.gif Effect of Weight-Height & Roll-over 3.gif يبقى دلوقتي قدامنا حل من اتنين - يا إما نحاول ننزل بمركز الثقل في العربية لتحت - يا إما نزود القوة إللي بتسيطر على مركز الثقل عشان ما يوصلش لنقطة الانقلاب كفاية كده عشان ما أنا حاسس إن التركيز قل وحنكمل بعدين.....
|
 |
|
|
