مساعده فى شراء LED

[kastan]

المشاركة الأصلية كتبت بواسطة حازم شاهين الحل إنك تروك لمكان فيه الشاشتين و تقارن بينهم بنفسك و بعينك و كمان شوف إللى مواصفاتها تحققلك طلباتك يعنى حسب منا فاهم أهم مواصفة تهمك هى Respose time حاول تكون أقل ما يمكن و ده بيتقاس بالميلى ثانية و كمان الـ Refresh rate يكون أكبر ما يمكن و ده بيتقاس بالهرتز العاملين دول مهمين جدا عند مشاهدة الأحداث الرياضية و فى أفلام الأكشن و ألعاب الفيديو أعتقد دى أهم حاجة بالنسبة لك عموما الشركتين كويسين و أداءهم عالى المستوى و بالتالى مش هتلاقى الفرق كبير و فى المستوى إللى إنت محدده . المواصفات معدية المطلوب و زيادة فمش هتفرق كتير أفضل مكان تقارن فيه بين الشاشات المختلفة فى رأيى هو سيتى ستار .. تيجى نضرب بلطه سوا ؟

متشكر جدا يا استاذ حازم على اهتمامك وانا موافق نضرب البلطه من الوئت هجهز نفسى ونشد الرحال

[kastan]

المشاركة الأصلية كتبت بواسطة tarek/ انا متابع من فتره موديل lm6610 47 وبجد هو الاحسن حتى الان فى تقنيه سمارت تى فى وايضا فى الثرى دى لان مستوى التعتيم فى الثرى دى اثناء التشغيل افضل بكثير من السامسونج وايضا موضوع الصداع من النظاره مش موجود فى ال جى لان نظارته لاتشحن لكن السامسونج بشحن مستوى الرؤيه من زوايا مختلفه فى الثرى دى ال جى افضل لكن الافضل من ال جى فى السامسونج موديل s8000 تلفزيون رائع بمعنى الكلمه لكن سعره مرتفع جدا لو ثرى دى يبقى ال جى افضل فى الموديل اللى انت مختاره وعلى فكره انا عندى سامسونج سيريس 6 وانحيازى لال جى بالذات فى هذا الموديل لانه بجد راااااااااائع جدا وتفوق على سامسونج

متشكر يا باشمهندس على اهتمامك وانا مع حضرتك ان series 8 تليفزيون رهيب بس سعره عالى اوى اوى وكمان حاسس الفرق الاساسى بينه وبين الجيل السادس والسابع فى امكانيه التحكم من خلال الصوت والحاجات اللى زى كده فعلشان كده انا بستبعد تماما ان ممكن اشتريه انا اهتمامى ان الالوان بتاعت الصوره تكون حلوة واعتقد اللى يكسب فى ده السامسونج انما 3d الكل بياكد ان lg افضل فعلشان كده انا محتار

[الكنج2000]

ربنا يوفقق فى الاختيار بس ال جى احسن والنت حر

[eng/walaaeldeen]

السلام عليكم
كنت في نفس الحيره لكن مع فارق انه 32 بوصه FHD وفي الآخر اشتريت سامسونج الحمد لله تلفاز ممتاز بصراحه
والله اعلى واعلم
والله المستعان

[kastan]

متشكر يا باشمهندس على ردك والله الواحد ما وقعتش فى الحيره دى الا عند شراء العربيه الف مبروك على التليفزيون بتاعك وعقبالى