البيه البواب..سفالة وقلة أدب وازعاج ليل نهار هو وعياله..ارجو المساعدة

[m.e.y]

بص يا باشا الغرفة الخشبية لو مقامة على جزء من مسطح العقار يبقى مفيش مخالفة

انما لو مبنية على ارض الدولة هنا تقام المخالفة صراحه ووقتها تتوجه سيادتك للحى اللى انتوا تابعين ليه

وتحرر شكوى وكل واحد من السكان نفس الموضوع عشان يبقى فيه اهتمام وينزلوا بادوات الازالة وكدا

[AbOnOrA]

لو معاك عقد تمليك وفيه اتحاد ملاك والمساحة اللى مستغلها البواب فى حيز ملكية ارض العمارة او منفعة عامة ممكن تطردوه فوراً غير كده هو جار ليك سواء كان مزعج او بيعمل العبر متقدرش تطردة من مكانة والازعاج والحاجات ديه اخرتها غرامات بس

[ezzat2002mo]

بص ياباشا انا متعاطف معاك جدا ونفسى تلاقى حل نهائى لمشكلتك لان شكلك راجل محترم قوى ودة مينفعش فى الزمن الجميل دة
فيه حلين :
لو هتمشى بما يرضى الله هقولك اتق الله وتجنبة واصبر على اذيته كما كان يفعل رسول الله
بس بصراحة ناس كتير صعب يكون عندها الصبر دة لاننا بشر
الحل التانى انك تحاول تقرف الاشخاص دول على قد ماتقدر بس بالذوق يعنى من غير خناق لانك شكلك مش بتاع مشاكل وخناق يعنى ممكن تقرف صاحب العمارة بانك تجتمع انت والمالكين كلهم وتعملوا محضر ان صاحب العمارة رافض يستلم الايجار وتقوموا تسلموا فى المحكمه ودى خطوة ممكن تضايقة
وعموما انا هاسالك على الموضوع دة وهنشوف حل بس اوعى تياس لانه لايضيع حق ورائه مطالب

[Hisham.Elgazzar]

عمارة قديمة فى مصر الجديدة إيجار قديم

ده جايبلهم البواب ده كوسيلة من وسايل الضغط عليهم عشان يزهقهم ويمشوا ويراضيهم بأى فلوس ويهد العمارة ويبنى مكانها برج ويبيع الشقة بملايين

الشقة فى ارض الجولف بيوصل سعرها 3 مليون دلوقتى
90% من الإيجار القديم بيحصل معاهم كدا



العد التنازلى ابتدا ، نصيحة يا صديقى صاحب الموضوع تاخد صاحب العمارة وتتفاوض معاه على مبلغ حلو تجيبلك شقة تمليك فى عمارات السعودية فى أرض الجولف ولا عمارات الجيش بتاعت ميلسا بتعمل حوالى 450 ألف

[hamed2020]

هو حل واحد كل سكان العماره يتخانقوا مع البواب الزباله ده
و متدفعوش اجره البواب و المياه و نور سلم
هتلاقي الدنيا اتلمت و مشاهم لانهم متسلطين لان حسب وصفك الي بيحصل مش طبيعي
بس اوعي متدفعش الايجار عشان ميرفعش عليك قضيه انك متدفعش و مره في التانيه يمشيك قانوني و لو مرديش ياخدخ ادفعه في المحكمه