عاوز اتعلم اسرار السواقه الصح

[remongamil]

انا عربيتي سكودا فليشيا , وهي اول عربيه ليا واتعلمت السواقه من 5 شهور تقريبا
انا دلوقت كويس في السواقه ( حسب احساسي )لكن بسمع وبقراء حاجات لسه مش فاهمها زي :
1) rbm وهي العربيه واقفه يفضل يكون عند رقم كام ؟

2) يتم نقل الغيارات بناء علي عداد السرعه , ولا عداد rbm ,ولا الاثنان معا , ولا صوت الموتور .
3) اعرف منين افضل وقت لنقل الغيار

4)العربيه بتجمع وتخرج اقوي اداء مع rbm قليل ولا عالي ؟

وشكرا

[samirayad]

1) rbm وهي العربيه واقفه يفضل يكون عند رقم كام ؟

السلانسيه الجيد بيكون غالبا من 700 إلى 850 لفه / الدقيقه

2) يتم نقل الغيارات بناء علي عداد السرعه , ولا عداد rbm ,ولا الاثنان معا , ولا صوت الموتور .

حتى لما بتكون السياره مجهزه بعداد rpm

اللى بيحكمك علو صوت المكنه وقت الغيار من نقله منخفضه لنقله أعلى فى السرعه

زى من التانى للتالت مثلا

3) اعرف منين افضل وقت لنقل الغيار

لما تحس أن المكنه بدأت تجعر جامد وأنت بتزود بنزين وعلى نقله معينه

أنقل على إللى بعدها

4)العربيه بتجمع وتخرج اقوي اداء مع rbm قليل ولا عالي ؟

العالى طبعا ولكن يوجد حدود طبعا للحصول على أقصى عزم من المكنه مع تزويد عدد اللفات

وللأسف فيه ناس بتعتقد أن الوصول

للرد زون على عداد ال rpm

حيديها أكبر عزم

وللأسف هذا غير صحيح

فهناك مرحله

بينقلب فيه الآداء للأسوأ

بعد المرور لمرحلة تزويد معينه

وعامة

لكى تحافظ على محرك سيارتك وكذلك الدبرياج

لاتحاول أن تتعدى عدد لفات 5000 لفه / ق

حينما تضطرك الظروف للتزويد

مثل حالات التخطى وحالات تفويق المكنه والشكمان على ال high way ( الطرق

السريعه )

وبرضه موضوع ال 5 آلاف ده

يكون بنظام نوع من المداعبه مع دواسة البنزين

مش على طول ياعنى

ولا حتى أثناء رحلة السفر كلها

ممكن 5 دقائق بكتيره كل فتره أثناء رحلة السفر

بس أثناء الرحله

من 3500 إلى 4000 لفه / ق

كويس جدا وشغل آمن للمكنه والدبرياج

[remongamil]

م/سمير
شكرا جزيلا ... دائما انت رجل النصائح الثمينه

[samirayad]

الله يخليك

[ahmedsherif1990]

المشاركة الأصلية كتبت بواسطة remongamil انا عربيتي سكودا فليشيا , وهي اول عربيه ليا واتعلمت السواقه من 5 شهور تقريبا انا دلوقت كويس في السواقه ( حسب احساسي )لكن بسمع وبقراء حاجات لسه مش فاهمها زي : 1) rbm وهي العربيه واقفه يفضل يكون عند رقم كام ؟ و انت واقف و العربية سخنة و حالة الموتور كويسة يبقى تحت الواحد بشوية صغيرين ممكن 850 2) يتم نقل الغيارات بناء علي عداد السرعه , ولا عداد rbm ,ولا الاثنان معا , ولا صوت الموتور . ماتصعبهاش على نفسك انقل كل غيار من 3 الى 4 فى عداد الrpm بس حط صوت الموتور فى الاعتبار 3) اعرف منين افضل وقت لنقل الغيار بص على السؤال اللى فات هتلاقى اجابته 4)العربيه بتجمع وتخرج اقوي اداء مع rbm قليل ولا عالي ؟ لو الطلعة عادية ممكن 1.5 او 3 rpm لو غايز تفرك العجل ممكن تبقى 3 او 4 لو محمل او على مطلع دوس حبة بنزين مش هيقصر وشكرا

و لاى استفسار انا موجود
اخوك احمد