رينو لوجان ليه بتتباع كسر زيروووووو ؟!!!!!!

[Hisham.Elgazzar]

المشاركة الأصلية كتبت بواسطة danoora اولا يا اخ هشام انا بهزر مش هابدل مع ابو هيما و لا حاجة لو كنت فاكر انا بتكلم جد او حتى بسوق لعربيتي عشان عاوزة ابيعها .. و الله لسة جوزي امبارح احتمال ييجي مبلغ و يجيب الاوكتافيا ان شاء الله .. قولتله سيبلي انا اللوجان .. انا بعشق عربيتي مش بس اللوجان لا عربيتي انا بالذات.. ده اولا ثانيا .. عربيتي مافيهاش العبر زي ماحضرتك قولت فيها نقرة صغيرة جدا جدا في السقف و من غير اي خربوش و لا رشة و لا دهنة و لا اي حاجة بتلمع تحفة و من لمعانها غلبت السمكرية من كتر ماهما شكين انا عربية يوزد و نظيفة كده عاوزين يطلعوا فيها القطط الفاطسة و في الاخر التقرير طلع بوية المصنع .. ده طبعا غير الاوبشنز اللي عاملها الراجل اللي شارية منه زينون سينسور جنوط سبور تحفة فرش جلد كراسي وارضية وشنطة ودواسات طبعا و غطاء للطارة جلد محترم و وحدة رفع للاربع شبابيك .. و في الضمان و عليها وثيقة تأمين هدية .. راجل محترم بيعامل عربيته كانها بنته ... وكل ده ب55 الف .. انا شايفة ان انا كسبانة و لو على مشكلة الثروتل اتحلت و غيروه و مادفعتش ولا مليم والعربية ماشية زي الفل ثالثا .. انا مش بشجع على شراء اليوزد .. كل واحد و امكانياته .. انا امكانياتي كانت يا اما اشتري اللوجان يوزد يا اما اشتري الجيلي باندا و الحاجات دي زيرو طبعا لوجي تكسب

ربنا يباركلك فى عربيتك يا انا مش بقلل من عربيتك ولا حاجة
ربنا يوسع علينا وعليك بإذن الله
والسعر لقطة ماشاء الله زى الفل
بس مش كل الناس بتبيع عربياتها الزيرو دلوقتى نزاهة وخصوصا بعد الثورة

انا كلامى مش موجه ليك ولا ابو هيما ولا اى حد بشخص زاته

الكلام على اى حالة وعلشان الناس عموما تاخد بالها قبل ماتتدبس

ماحدش يزعل منى
سلامو عليكم

[ابو هيما]

ربنا ما يجيب زعل أن شاء الله بين الحبيب كلهم , وأنتم كلكم ناس محترمة وزى الفل . بصراحة انتم ردودكم كلها مقنعة ومميزة ... طب أنا كنت عاوز أسأل ( التكيف أيه ظروفه ؟) لأنى قرأت فى مشاركات كتير من الأعضاء أن التكيف بتاع اللوجان بيبقى ضعيف فى الزحمة وبيزيد مع السرعة والمشى .. الكلأم ده حقيقى ولأ أشاعة ؟!!!!!!!!

[danoora]

و الله يا ابو هيما انا سمعت موضوع التكييف ده بس ماحستش بيه خالص سواء في الزحمة او الجري .. مع اني مش بطفيه نهائي حتى لو واقفة بالعربية كتير.. و تقريبا عشان هي 1600 مااظنش ان التكييف هايأثر قوي و الله اعلم ده رأيي اللي على قده ....
و مبروك مقدما ...
و شكرا يا اخ هشام على الدعوة

[mohamed selem]

تكيف العربيه ممتاز بالنسبالي غيري متعود علي التلاجات ههههههههههه انا شايفو عملي جدا جدا ومش بحس بتاثير علي العربيه وربنا يوفقك في الاختيار

[abdoooo]

بص يا باشا الموضوع نسبة وتناسب
طالما المعروض للبيع كسر زيرو كتير فدة يرجع لكثرة مبيعاتها , وكمان هى جميع موديلاتها حديثة فغالبا اللى هيبيع هتكون عربيتة 2012 او 2011

لكن للامانة العربية دى انا اشترتها والله فعلا تربطك بيها وتحس معاها بقوة وعشرة غريبة , ومتخفش من موضوع الثبات والمنحنيات العربية دى فى فئتها مش هتلاقى زيها .... توكل على الله

بس الغريب انى برضوا بعتها كسر زيرو فابريكة فرش جلد كراسى وارضيات وكانت عاملة 16 الف كيلو. وفعلا صعبت عليا اوى وانا ببعها..... بس دع لانى عايز اجيب اوتوماتيك مش لعيب فى السيارة

اتمنى انى اكون افدتك...... خالص تحياتى