العودة   مصر موتورز مجتمع السيارات > السيارات اليابانية > متسوبيشى Mitsubishi


إضافة رد
 
أدوات الموضوع
  #1  
قديم 21-11-2011, 12:38 PM
yoga yoga غير متواجد حالياً
 
تاريخ التسجيل: Jan 2010
المشاركات: 77
yoga has a spectacular aura aboutyoga has a spectacular aura aboutyoga has a spectacular aura about
افتراضي مشكله استهلاك البنزين وحكايتى مع الللانسر المانوال ثم الاتوماتيك

لسلام عليكم ورحمه الله وبركاته

ولما بدات اشترى سياره بعد رجوعى من السفر وقررت ان اشترى اليابانى لثقتى فيه ولانتشاره الواسع والحمد لله اشتريت لانسر بومه خليجى 2007 مانوال لاقتناعى بان المانوال يشعرك بالقدره ع التحكم فى السياره واعتماديه الاستهلاك فى البنزين عن الاتوماتيك وبعد شرائى للسياره بيومين بدات رحلتى مع الميكانيكيه والسمكريه والعالم الاخر الذى يجعلك تكره اليوم الذى فكرت فيه ان تشترى سياره وطبعا اضف الى ذلك موضوع الطرق الجميله بتاعتنا واشاراتنا القليله والتى لا تجعلك تعانى من السواقه بتاتا ( طبعا العكس ) قررت ان ابيع المانوال وادخل على الاتوماتيك واشوف وطبعا برضه لانسر وربنا وفقنى فى شراء الانسر بومه 2008 وبدات ايضا رحله الميكانيكيه بعد اسبوع المره دى بس على خفيف

1- السياره 2008 ولونها اسود لا يوجد بها ايرباج (هل هذا طبيعى ام انها فسدت نتيجه حادث لان صاحبها اكد لى انه شاريها ومالك اول بدون ايرباج )+ اشعر ان السياره اصغر من اللى كانت معايا الخليجى وعليه هل البومه تختلف فى الحجم من الخليجى الى غير ذلك يعنى مش خليجى ام كل اللانسر بومه واحد
2- السياره جميله فى السحب الدوران ولكن حينما بدات احسب لها الاستهلاك طبعا على الطريق السريع وداخل المدينه وجدت انها تعمل فى الصفيحه ع السريع 220 وجوا البلد من 170 الى 180 كيلو ف الصفيحه طبعا بدون التكييف والسواقه ناعمه بدون فرمله كثيره او امريكانى
3- لاحظت انه اثناء الوقوف فى الاشاره مثلا واثناء المشوار تجد ان الار بى ام يكون على الواحد او احيانا اكثر او 2 مثلا
3- اطلعت على الفلاتر وجدت فلتر الهواء جديد الزيت بتاع الفتيس جديد زيت الماكينه زيت موبيل وممشى عليه 8000 والمفروض يتغير بعد 10000 يعنى فاضل 2000 ولا اعرف فلتر البنزين سليم ام لا ولكن لا اعانى من صعوبه ف السحب وعليه وبعد كلام صاحب السياره انه جديد ايضا
4- قلت اعمل فيها فاهم وبعد قراءاتى ف المنتديات وخبرتى المتواضعه فى الدعبسه\ فى السياره قلت اجيب منظف انجكشن وانظف البوابه والحساسات وبمجرد ان شلت خرطوم الهواء اللى ماسك فى البوابه وبدات فى الرش على البوابه من المنظف طفت السياره وعرفت ذلك لان المنظف جه على الحساس وعليه طفت السياره ونظفت على قد ما قدرت واستنينت شويه حتى نشفت ودورت السياره ودارت بسلام الله ولكن لا حظت ان الار بى ام برضه بيبقى اعلى من الواحد واحيانا فى حال القرص على العربيه يرتفع ع 2 وكل ده ع السلانسيه وقلت مبدهاش بقى امرنا لله ونروح لميكانيكى ومع عدم اقتناعى بهم وقرفى وكرهى الشديد لهم واقتناعى الكامل انهم مجرد ما ان يحطو ايديهم ف العربيه والا تبدا المشاكل ولكن ذهبت الى احدهم وحكيته ع حكايه السلانسيه واستهلاك البنزين الزايد فقال سيادته هنبص ع حساس الايدل وغالبا سبب استهلاك البنزين الزايد هو ارتفاع الا ر بى ام وقال نشوف وقعد يلعب فى المسمار اعلى البوابه ومسمار الاكسرتير اللى بيعلى الموتور او يوطيه ونظف الحساس واعاده مره اخرى ولكن المشكله كما هى
5- بدات تظهر اعراض جديده وكما قلت بمجرد الاقتراب من الميكانيكيه يبدا الوش وتعب البال اواستهلاك المال ع الفاضى والمليان وعند اداره العربيه فى الصباح تدور بطريقه مختلفه عن الاول وهى ان الار بى ام يبدا عند ال 500 لفه ثم ينتظر لبرهه من الوقت ويبدا فى الاتفاع حتى يصل الى ال 1500 لفه تقريبا ويبدا صوت السياره فى الارتفاع والانخفاض بس ع بسيط وينعكس ذلك ع حركه الا ر بى ام يرتفع وينخفض برضه الى نصف او اكثر من نصف دقيقه حتى ينتظم فى وضعه اللى هو 1400 الى 1500 لفه ثم ينزل تدريجيا وذلك مقارنه بسخونه السياره فكلما سخنت السياره كلما انخفض الا ر بى ام ويصل الى ال 1000 لفه حين تصل الحرار ه الى اول شرطه فى عداد الحراره وانطلق بالسياره طبعا احس بان السياره بتنط زى ميكون مخزنه طاقه ومن ثم تهدى علطول وامشى بيها عااااادى ولكن الاحظ عدم ارتفاع مؤشر السرعه بالرغم من السياره تسير وبعد اكثر من دقيقتين يبدا العداد فى الارتفاع بعد سماعى لاول نقله من الفتيس ووصول الا ربى ام الى 2000 لفه وتسير الامور بعد ذلك على ما يرام والسحب كويس والسياره تمام وطبعا يستغرق حوالى ال 3 دقائق حتى يصل مؤشر الحراره الى اول شرطه
6-قبل ذلك كانت السياره تدور بطريقه مختلفه وهى ان الا ربى ام يرتفع مباشره الى 2000 ويفضل ثابت وبدون ارتفاع او انخفاض ثم يبدا ينخفض تدريجيا حتى يصل الى ال 1000 واسير بالسياره عااادى ولكن السلانسيه بعد مشوار يكون اعلى من الواحد واحيانا يصل لى 2000 اما الان السلانسيه مظبوط ف المشواير الى اقل من الواحد لكن بدايه الدواره والسياره بارده اشعر يالاشياء السابقه
7-السياره لا تغيب ف الدواره والامور كويسه والشكمان لا يخرج دخان اسود او شئ من هذا القبيل والماء لا يقل عن المعتاد فلتر الهوا جديد
8- ذهبت مره اخرى الى احدهم فاقترح تنظيف البوابه مره اخرى وتنظيف وتغيير زيت الفتيس لانه كتير وريحته مش حلوة وقمت بالذهاب الى احد هم وغيرت الزيت وقاللى اللى بيغير الزيت انه فعلا كتير وقام بالتغيير وحط 5 لتر بالظبط موبيل ATF وقاس وقال كده تمام ومشيت من عنده ولكن الامور زى ما هى من ناحيه الاستهلاك ومووضوع السلانسيه
9- بالقراءه فى موضوع كيفيه قياس زيت الفتيس الاتوماتيك وجدت اراء عديده لانه هناك شى اسمه هوت وكولد على المقاس وبيتقاس والسياره وهى بارده وبتتقاس والسياره سخنه ولا بد ان يكون المقياس يكون ف الهوت لما تكون سخنه ويكون ف الكولد والسياره بارده واناس اخرين يقولك تحرك عصايه الفتيس وتجيب الى ال R وتقيس لو لقيته ف النص يبقى تمام انه اللى صح بقى؟؟ بمعنى ان الزيت اللى انا حطيته تمام ولا ناقص؟؟ لان الواد بتاع الزيت قال كده تمام ولكن القياس ياتى عندى ع النص زى ما الناس بتقول ....اما الكا تلوج بيقول مش النص لا .. لازم ف الهوت او الكولد ع حسب سخونه وبروده السياره.. وكمان بلاحظ بعض الفقاقيع ف الزيت ولما سالت الميكانيكيه يقولك عااااادى ولكن الكا تلوج بيقول غلط وجود فقاقيع
10- لم اكشف ع السياره بالكمبيوتر حتى الان ولا يوجد تهريب زيت من الماكينه او الفتيس والحمد لله ولم اكشف ع البوجيهات لان السياره تدور ومن اول مره بفضل الله والبطاريه كويسه ولم اكشف عليها ايضا
11- السرعه جوا البلد لا تتعدى ال 80 ام السريع لا تتعدى ال 100 او بالكتير 110
12-ساعات الاحظ خروج دخنه بيضا من الشكمان ف الصباح فقط ولوقت قصير واثناء البرد طبعا وسرعان ما تختفى ولا تستمر وبعد ذلك اشاهد قطرات من الماء تنزل من الشكمان وكما قلت مستوى الماء ف القربه او ارلراديتير لا يقل عن المستوى
13- توجد قاعده او قاعدتين من قواعد الما تور او الفتيس لا اذكر نصحنى احدهم بتغيرهم + قمت مره قبل ذلك ايام المانوال بعمل ظبط للتاكيهات وتم ظبط الاستهلاك الى حد ما هل يفيد هنا ام لا ؟
افيدونا افادكم الله
رد مع اقتباس
  #2  
قديم 21-11-2011, 01:02 PM
mero2010 mero2010 غير متواجد حالياً
التخصص العملى: محاسب (شركة فيات )
هواياتي: السفر والرحلات
 
تاريخ التسجيل: Sep 2011
الموقع: الجيزة
المشاركات: 6
mero2010 is on a distinguished road
افتراضي رد: مشكله استهلاك البنزين وحكايتى مع الللانسر المانوال ثم الاتوماتيك

كان الله في عونك لان عندي نفس المشكلة بس فس لانس 2008 مانيوال 1600 ومش عارف اعمل ايه برضة

رد مع اقتباس
  #3  
قديم 21-11-2011, 02:05 PM
الصورة الرمزية memodina1
memodina1 memodina1 غير متواجد حالياً
من انا؟: محمد مصطفى..01223907706
التخصص العملى: محامى..حقوق عين شمس
هواياتي: السوفت وير وعالم السيارات
 
تاريخ التسجيل: Aug 2010
الموقع: السويس
المشاركات: 1,344
memodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond repute
افتراضي رد: مشكله استهلاك البنزين وحكايتى مع الللانسر المانوال ثم الاتوماتيك

حبيبى الحساس يتنظف لو معملش نتيجة يتغير دا لازم واما استهلاك البنزين فدا طيبعى جدا جدا جدا ودا المطلوب من عربية ا166 واتوماتيك كمان علما ان الاتوماتيك يوجد زيادة عنة فى المانيوال فى استهلاك البنزين نسبة 10 %
عربيتك سليمة مفهاش حاجة غير الحساس وياريت قبل ما تعمل اى حاجة يا اخى روح عند التوكيل واحكى المشكلة وشوف صييانتك وصدقنى مش هتندم ان شاء الله وللعلم فى حاجات التوكيل يعرف يعملها وبرة ميعرفوش صدقنى جرب ومش هتندم
رد مع اقتباس
  #4  
قديم 21-11-2011, 02:06 PM
الصورة الرمزية احمد على 1999
احمد على 1999 احمد على 1999 غير متواجد حالياً

من انا؟: الحمد لله
التخصص العملى: مهندس ميكانيكا طيران
هواياتي: السيارات - اسكواش - سباحة - علوم فلك
 
تاريخ التسجيل: Feb 2010
المشاركات: 8,234
احمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond repute
افتراضي رد: مشكله استهلاك البنزين وحكايتى مع الللانسر المانوال ثم الاتوماتيك

يعنى الشكوى من الاتى ؟:
  1. عند التدوير الصبح ال rpm بيبتدى من 500 ثم يطلع ل 1500 و يرجع ينزل
  2. استهلاك البنزين عالى
هل كده مظبوط و لا انا فاهم غلط ؟


جرب افصل البطارية لمدة مثلا 10 د و وصلها تانى



و فى رايى استهلاكك جوه البلد تمام المشكلة فعلا فى الطوالى
__________________

سبحانك لا علم لنا الا ما علمتنا

التعديل الأخير تم بواسطة احمد على 1999 ; 21-11-2011 الساعة 02:12 PM
رد مع اقتباس
  #5  
قديم 21-11-2011, 02:40 PM
yoga yoga غير متواجد حالياً
 
تاريخ التسجيل: Jan 2010
المشاركات: 77
yoga has a spectacular aura aboutyoga has a spectacular aura aboutyoga has a spectacular aura about
افتراضي رد: مشكله استهلاك البنزين وحكايتى مع الللانسر المانوال ثم الاتوماتيك

مشكورين ع الردود وبارك الله لكم نسيت اقول ان العربيه 1300 مش 1600

كمان روحت للتوكيل ف يوم كده وقاللى هنكشف كمبيوتر ع العربيه 300 جنيه وما بالك ما بعد ال 300 وقاللى بعد اسبوع ومروحتش لسه وربنا يسهل بس وممكن اغير الحساس بس لاننى معدتش باثق ف الصنايعيه والفتاوى بتاعتهم خايف اغير الحساس ويكون سليم وكمان واحد قاللى غير البوجيهات الى بوجيهات 3 شمعه وبصراحه مش شايف ان البوجيهات فيها حاجه

وفى حال فصل البطاريه عاااادى ميحصلش مشكله يعنى مش هاحتاج اعاده برمجه ولا هاثر على كمبيوتر العربيه
جزاكم الله خير
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:03 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017