DSG 7 speeds Gearbox>>>بكام ؟

[drmasho]

بسم الله الرحمن الرحيم

انا كنت بفكر أجيب الابيزا ال2010 ان شاء الله , بس فيه حاجة مقلقاني ...
سعر الفتيس الدي اس جي بتاعها برة سمعته مش قد كدة " اعتمادية مش أوي يعني "
و أعطاله كتير نسبياً . بس المشكلة الكبيرة أنو لو باظ خالص برة الضمان ... هل هعرف أغيره بواحد مانيوال ؟ و هل سعر الدي اس جي غالي جداً زي بتاع الaudi a3 "بخمس تلاف يورو!!! " ؟ يا ريت لو حد عرف يجيب سعره كام يقوللي و على حوار قلبها لمانيوال ده عشان انا بصراحة دورت عليه على جوجل بس ما عرفتش ...
شكرا ً و جزاكم الله خيرا ً ..

[m_o_sakr]

اعتقد انه حيكون زى بتاع الأودى علشان سيات و اودى مملوكين لشركه فولكس و اغلب المكونات مشتركه بينهم

[mohamed ibiza]

ايه علاقة ان حضرتك عايز تجيب ابيزا 2010 بموضوع الفتيس الdsg !

الابيزا 2010 النسخة المصرية لا تحتوي علي فتيس DSG

فتيسها ما هو الا تيبترونيك عادي زي اللي نزل في الشكل بتاع 2008 ال 1600 سي سي

نفس المحرك و نفس الفتيس و كل حاجة هي هي ما عدا الشكل و المقاسات و الكماليات و خامات الصالون و الجنط و الكلام ده كله انما الميكانيكا واحد !

و فتيس الdsg طبعا هيبقي غالي جدا لان ده فتيس رياضي مش عادي معمول لزيادة التسارع بنسبة اكتر من التسارع العادي بكتير بدون الدخول في تفاصيل ميكانيكيه يعني
و بالنسبة للاعتمادية الابيزا لسه نازله مفيش من شهور يعني و ملحقش يتجرب و بينزل في الكوبرا و البوكانيجرا ده بالنسبة للابيزا اما الفتيس نفسه فا هو نازل في الليون من سنة 2005 و بتكلم علي الليون كوبرا 2000 سي سي 240 حصان نازله بفتيسdsg هي و الالتيا و التوليدو و محدش اشتكي من اعتماديته !

و بخصوص الابيزا 2010 ال1600 في منها بفتيس dsg بس خارج مصر مش هنا و ال 1400 تربو برضه فيها dsg و البوكانيجرا

[drmasho]

شكرا ً على المعلومات القيمة يا استاز محمد , بس حكاية ان ابيزا 2010 نازلة من غير dsg >>> أنا مش عارف ايه مصدر حضرتك في المعلومة دي , بس انا مصدري هو التوكيل !!!
و بعدين كمان انا أعرف واحد حجزها (1600 dsg ) .
و غير كدة فتيس الdsg اللي حضرتك بتتكلم عليه دة يعتبر القديم "wet type" و 6 نقلات , الجديد نقلات و "dry" يعني ما بياخدش زيت فتيس !! تخيل ؟!!
و طبعا ً حضرتك مش هتكون واثق من الكلام دة غير لما تتصل بالتوكيل و تتأكد ...
شكرا ً على مجهودك : )

[MaXx]

مش عارف اقولك ايه بس التوكيل كنت عندهم من يومين ,,, و احب اكدلك ان اللي شغالين في ادارة المبيعات ما يعرفوش سعر العربية النهائى ولا حتي الكماليات اللي هتنزل كلها ,,, كل اللي يعرفوه انهم هينزلوا مودلين المرة دي موديل مانيوال 1400 سي سي و اوتوماتيك 1600 ,,, انا بعدي من جنب التوكيل مرتين في الاسبوع و بعدي كتير عليهم و اتكلمت كذا مرة مع البنت اللي في المبيعات للفرع بتاع جامعة الدول ,,, لسه مفيش عندهم معلومات اكيدة عن السعر ولا الكماليات ما بالك بقي بال DSG Gearbox ???

كل اللي يعرفوه كمان انهم فتحوا باب الحجز ب 5000 و ممكن استردادهم كاملين بدون مصاريف ادارية ...

قلتلها ازاي احجز و انا مش عارف لا السعر النهائى ولا حتي الكماليات الموجودة في العربية !!!

التوكيل كمان كسلان في الدعايا ,,,