زيت الباور وقع

[white cosmo]

زيت الباور كله وقع على الارض ** و طبعا الدركسيون بقى تقيل جدا

السؤال ممكن أمشى بالعربية كده ؟

اللى حصل كالاتى الميكانيكى لقى ان فى رشح من تحت مكنة الباور

فك المكنه كلها و غير اويل سيل * حتة كاوتشة مدورة صغيرة ب 80 جنية و بعض

الجوانات ** وتقريبا و هو شغال أنا حاسس انه كسر جزء من المكنة المهم قالى الجزء المكسور هنلحمة بالمادتين اللى هما يتحطوا على بعض دول ب 10 جنيه


المهم لحم و ركب و حط زيت البور و التسريب شغال * قعد يربط و يفك و قالى خلاص

مشيت شوية و لقيت فى خط وراى من الزيت

رجعتله بسرعة قالى عد عليا بكره نفك المكنة و نبص عليها

روحت البيت و طبعا الزيت عمال ينزل لحد ما وصلت و كان الدركسيون ناشف جدا

العربية هوندا سيفيك 91 اتوماتيك

[ahmed_eng2001]

ان شاء الله حد متخصصى هوندا ( المعقدة ميكانيكيا ) يفيدك اكتر

مش صح ان حضرتك تمشى بالعربية من غير زيت فى ماكينة الباور .... بيأثر على العمر الافتراضى لماكينة الباور
ربنا يعينك

[mr_astra]

مهو احنا مش عارفين اية اللى اتكسر هل هو لاكور ولا جسم الطلمبة نفسة
بس بينى وبينك انا مش بقتنع بتصليح الطلمبة
لو تقدر تحل المشكلة حل جزرى يكون افضل
عليك وعلى طلمبة استيراد وعلى التجربة

[white cosmo]

المشاركة الأصلية كتبت بواسطة white cosmo زيت الباور كله وقع على الارض ** و طبعا الدركسيون بقى تقيل جدا السؤال ممكن أمشى بالعربية كده ؟ اللى حصل كالاتى الميكانيكى لقى ان فى رشح من تحت مكنة الباور فك المكنه كلها و غير اويل سيل * حتة كاوتشة مدورة صغيرة ب 80 جنية و بعض الجوانات ** وتقريبا و هو شغال أنا حاسس انه كسر جزء من المكنة المهم قالى الجزء المكسور هنلحمة بالمادتين اللى هما يتحطوا على بعض دول ب 10 جنيه المهم لحم و ركب و حط زيت البور و التسريب شغال * قعد يربط و يفك و قالى خلاص مشيت شوية و لقيت فى خط وراى من الزيت رجعتله بسرعة قالى عد عليا بكره نفك المكنة و نبص عليها روحت البيت و طبعا الزيت عمال ينزل لحد ما وصلت و كان الدركسيون ناشف جدا العربية هوندا سيفيك 91 اتوماتيك

** المفاجاه الكبيرة بقى (( اللى هى الزيتونة ))

طبعا أنا معرفش أصلا شكل الطرمبه

روحت لمكانيكى هوندا و كانت المفاجاة اللى اتحل عند الميكانيكى الاول كان *** علبة الدركسيون ***
حتى هو مكنش عارف هو بيفك ايه ؟؟؟

[ahmed_eng2001]

الحمد لله انك عرفت المشكلة العيب فين
الله يكون فى عونك