الناس بهدلونى.....منهم لله.. وحسبى الله ونعم الوكيل فيهم

[احمد كابوة]

الف شكر لكم جميعا على مشاركتكم وانا مش زعلان على العربيات انا زعلان على ان الناس اصبحت بدون مبادىء وبدون اخلاق واحترام وتقدير للاخر يعنى ناس (هى للحيوانية اقرب من الانسانية) والف شكر الى المنتدى الغالى الحبيب

[Eng/salwa]

المشاركة الأصلية كتبت بواسطة احمد كابوة منذ فترة وانا ببحث على مواقع النت لشراء سيارة لانسر بومة فى حدود 60 الف الى 70 ويوم الاثنين الماضى اتصلت باثنين منزلين اعلان الاول لانسر بومة 2008 عداد 108 الف ....................... المهم كلمت الراجل مرتين مرة الظهر ومرة بالليل واتفقت معه على روية السيارة يوم الثلاثاء الماضى( الو .. السلام عليكم انا احمد من الفيوم ال كلمتك الصبح بخصوص السيارة الانسر اهلا ازيك يا حبيى تمام ... انا عاوز اشوف السيارة بكرة لو يناسبك بكرة ماشى .... اه يا حبيى تعالى فى اى وقت بكره الصبح ماشى او الظهر .... تمام هقابلك بعد الظهر بس عاوز العنوان العنوان يا باشا ( شبرا -شارع الترعة البولاقية - 10 شارع المنزرة ) شكرا يا باشا نتقابل غدا سلام سلام- بينى وبين نفسى قولت اشوف اعلانين لو الاول ما وفقتش فية اشوف الثانى وبالفعل كلمت صاحب الاعلان الثانى الاستاذ معتز اعلانة ............. سيارة لانسر 2007 سوداء................... مطلوب 63 الف عداد 95 الف بس الرخصة منتهية....... قلت عادى نروح نشوف الحاله عاملة اية المهم كلمت الاستاذ معتز يوم الاثنين الصبح وايضا يوم الاثنين بالليل للتاكيد على انى هسافر بكره من الفيوم وهشوف العربية الو.. استاذ معتز ( اية الوقت ال يناسبك ..... رد على الاستاز معتز وقال يا باشا ممكن الصبح او الساعة 5 مساء المهم اتفقنا على المقابلة الساعة الخامسة العنوان يا باشا ...(.شارع النصر للثورة متفرع من شاره الهرم من ناحية ميدان الجيزة بجوار هيئة الكهرباء ) شكرا شكرا نتقابل بكرة ............... جهزت نفسى وتركت شغلى ونمت افكر واحلم طول الليل مش انا وبس دة كمان الاولاد والمدام بابا هيشترى بكرة العربية فى الصباح توكلت على الله وركبت من الفيوم وصلت رمسيس حوالى 11 ونصف ركبت المترو الى شبرا الخيمة افكر العنوان فيها روحت شبرا سئلت على شارع الترعة واحد قالى لاء شارع الترعة مش هنا تركب ميكروباس وتنزل فى مكان وتركب منة لشارع الترعه وفعلا وصلات الى شارع الترعة فى عز الحر والتعب ونزلت بالقرب من شارع المنزرة قولت اصلى صلاة الظهر بس اكلم الراجل فى الاول علشان يجهز حاله ( الو....... السلام عليكم انا احمد ال من الفيوم ال كلمتك امبارح بخصوص السيارة وانا موجود فى شارع الترعة ونص ساعة واكون عندك الراجل لاء............ الوقت ده ال انت جاى فيه السيارة مش موجوده...... لية كده يا باشا ......... حرام كدة طبعا فى سرى .... اصل العربية راحت الورشة علشان ترش الرفرف الامامى لانه مش عاجبنى .... قلت عادى مش اشكال الرفرف رد على وقال صراحة مش هينفع تشوف السيارة النهارة لو عاوز تشوفها انتظر للساعة 11 بالليل .... ساعتها قولت الله يخرب بيتك يا راجل بعد ما تمرمطنىمن ساعة الصبح وفى النهاية تقولى تعال بكرة منك لله ..................... رجعت مخنوق جدا ذهبت الى مسجد صليت الظهر وانتظرت الى العصر وبعد العصر خرجت قولت اذهب الى الاستاذ معتز ال فى شارع الهرم قولت فى نفسى ان شاء الله ربنا هيسهل هذة المرة ركبت المترو من محطة فى شبر مش فاكر اسمها ميسرة ولا مسرة المهم نزلت الجيزة فى اول شارع الهرم كانت حوالى الساعة اربعة وحاجة سالت على شارع النصر للثورة ........ قولت قبل ما اركب اتصل بالاستاذ معتز اتاكد منة على العنوان وفعلا اتصلت بية السلام عليكم.............. انا احمد ال كلمتك امبارح من الفيوم وانا الان واقف فى اول شارع الهرم.. رد مرحبا بك ....شكرا عاوز اجيلك ازاى........... رد على وقال ماشى بس انا مش فى شارع النصر للثورة انا فى شارع متفرع منة اسمة عمرو ابن ابى ربيعة ........ والسيارة لانسر سوداء موجودة فى اخر الشارع وانا منتظرك شكرا ياباشا........الى الامام ........ اسرع يا هذا ..........الحمد لله فى نفسى هشوف السيارة و المشوار مش هيضيع علي المهم فى حوالى ثلث ساعة وصلت الى اول شارع عمرو ابن ابى ربيعه الشارع مش طويل وصلت الى نهاية الشارع وفعلا شاهدت السيارة الانسر السوداء موجودة فى اخر الشارع ..جميل ... رائع ..ممتاز... هذا ما قالة العقل الباطن وقفت بجوار السيارة لحظة وجدت البواب قادم نحوى السلام عليكم...........وعليكم السلام........... بتاع مين السيارة السوداء دى ...........دى بتاع الاستاذ معتز عارضها للبيع ......قلت عارضها للبيع من زمان.............قال لاء من اسبوع..... طيب اية اخبارها.... قال دى عربية ممتازة صاحبها عاوز يبيعها علشان يشترى وحدة حديثة ........جميل فى نفس الوقت بدات ارن على الاستاذ معتز ال انا مكلمة من 20 دقيقة محدش بيرد نهائى امكن مشغول ..؟امكن........... رنيت كتير ... ماحدش بيرد خالص .....البواب ارسل بنتة الى الاستاذ معتز فى الدور الثالث نزلت وقالت ان الاستاذ معتز مش هيبيع العربية ...يا نهار اسود مش مصدق ..... المهم راح البواب بنفسة الى الاستاذ معتز واخبره ان فى واحد تحت عاوز يقابلك علشان يشترى السيارة رد علية وقال انا معرفش حد بالاسم دة ومش عارض العربية للبيع ...لما البواب نزل لقيته هو الاخر غير كلامة وقال انه مش هيبيع العربية ......رديت علية وقلت يا عم انت مش فى الاول قلت انه هيبيع العربية والان تقول انه مش هيبيع لية كدة ده انا مكلمة من 20 دقيقة واعطانى العنوان ال على اساسة اتيت .........استمر الجدال طويلا حاولت اقابل الراجل صاحب العربية معرفتش جلست اكثر من ساعة اتصل على الرقم ال كلمته مبيردش ارسلت كذا رسالة اخاطب نخوة ومرؤة علشان يقابلنى حتى لو مش هيبيع العربية ...........حزنت جدا جدااااااا................ ............... وقلت فى نفسى لو كان رجل محترم كان قابلنى وكان خرج باى حجة من البيع والنهاية قلت حسبى الله ونعم الوكيل فى الناس ال بهدلتنى وطلعت عينى . اقسم بالله هذا ماحدث معى يوم الثلاثاء الماضى والهدف ان يحترص الكل ويتاكد من صدق كلام الاعلانات واسف على الاطالة وشكرا لكم

المشاركة الأصلية كتبت بواسطة احمد كابوة الف شكر لكم جميعا على مشاركتكم وانا مش زعلان على العربيات انا زعلان على ان الناس اصبحت بدون مبادىء وبدون اخلاق واحترام وتقدير للاخر يعنى ناس (هى للحيوانية اقرب من الانسانية) والف شكر الى المنتدى الغالى الحبيب

لا حول ولا قوة الا بالله
وحسبى الله ونعم الوكيل

الناس ايييه اللى جرى لها ....... الرجولة فين والكلمة الواحدة والشهامة للاسف أصبحت إعلانات بيع السيارات خدعة ولأغراض اخرى لا نعلمها
الوضوح والصراحة إختفوا وحل محلهم اللف والدوران
ربنا يخلف عليك أخى الكريم ويوفقك للسيارة المناسبة ويعطيك خيرها ويكفيك شرها
حاول تدور فى نطاق محافظتك والله الموفق

قول حسبى الله ونعم الوكيل
وإحمد ربك فيه إبتلاءات أكبر من كده بكتيييير
انا وزوجى ذهبنا لمقابلات شبيهه بذلك ونصب علينا فى مبالغ كبييييره
الحمد لله

[ابوشروق]

السلام عليكم ورحمة الله وبركاته
أ. أحمد الحمد لله أنها جت على قد كده
ربنا يصلح حال البلد بس الاول نصلح من نفسنا أحنا الاول
ربنا يوفقك وتجيب حاجه كويسه
معلش سؤال لحضرتك انا شايف أنك عندك 131 أنت بعتها ولا لسه؟؟؟

[adamlion]

قدر الله ماشاء فعل لاتحزن فانت لاتعرف اين الخير .
لو الحاجه مش سهلة بتبقى بيانه من الاول خصوصا فى الشراء والزواج.

[طارق عبد السلام]

متقلقش ان شاء الله ربنا ممقدر لك الخير ان شاء الله

انا كنت بعت عربيه على النت والحمد لله قمت بالواجب كامل للى جى من بلد تانيه والحمد لله اتباعت لتانى مشترى جه يشوفها الاول كان تاجر ونازل يتمنظر ظبطه بالادب واخد واجبه ومشيته
والثانى بعد ما اشترى وخلص قالى بردوا انه تاجر بس بعد ماخلصنا كل حاجه وانا كنت مصمم ماابيع لتجار بسبب المشترى الاول
وبعد المشترى ما سافر للشرقيه والله لقيته بيتصل على وبيدعى لى بالمباركه فى كل جنيه اخدته ثمن العربيه
بس انا متغاظ جدا من اللى غير رأيه فى تلت ساعه ده طيب حتى ينزل ويفركش الموضوع لاختلاف فى السعر مثلا حاجه كده تريح قلب اللى متشحطط على الطريق ده

ربنا معاك ويقدر لك الخير ان شاء الله