افضل سيارة تصلح لكى تكون تاكسي

[A7MED NASSER]

المشاركة الأصلية كتبت بواسطة blade2011 بجد بصراحة انا فعلا اتخنقت كتير من ردود اعضاء معينة بمجرد ذكر ان فية شخص داخل يقول عاوز او بفكر اشترى عربية على طول هات لوجان او هات BYD بدون ادنى فهم حتى لظروف صاحب الموضوع او حتى فكرة وحتى الاعضاء المحترمة دول لايذكروا مميزات وعيوب العربية اللى بيرشحوها للعضو لا هوة لازم يقول لوجان او BYD ثم يذهب بعض الاعضاء بمخيلتهم فى مقارنة مثلا بين اللوجان وعربيات ماينفعش يتقارن بيهم زى الكورلا او A5 ( مش فى الموضوع دة فى مواضيع تانية كتير ) انة كان فية عضو كان بيشد باين مع كورولا ولا A5 وان BYD دى مكنة لانسر 1600 وعفشة كورلا وتارة فولكس وكشافات A5 وفرامل bmw فابالتالى اكيد هية احسن حتى من الكورلا ذات نفسها لانها جامعة كل حاجة ثم بعد كل ذلك لا يذكروا العيوب لايذكروا عيوبها بتاعة قطع الغيار وخاصة ان احنا مش من القاهرة فاكيد انتشار اللوجان او BYD مش هايبقة زى القاهرة فاكيد قطع الغيار مش هاتبقة موجودة اوى حتى لو هية منتشرة فى القاهرة حتى لو هية منتشرة فى القاهرة اخر حاجة اى عربية فى الدنيا حتى لو bmw فيها عيوب والله فيها عيوب بجد مافيش عربية كاملة لية بقة اعضاء اللوجان وال BYD لا يذكروا عيوبها مش عارف بجد مش عارف اخر حاجة بص ياباشا انا من المنصورة وكنت مستقر استقرار لا نهائى على اللوجان كملاكى نزلت اسال على قطع الغيار لقيتها قليلة اوى ومش موجودة بكثرة حاجة كمان انا من المنصورة بردة يا استاذ احمد ولسة شارى على فكرة من عندكوا لانوس فيرانى وسعيد جدا بمعرفة ساعتك جدااااااااااااااااااا

و الله انت تنور المكان كله و معرفه سعيده جدا ان شاء الله بالمنصورة و لو عايز اي حاجه ابقي قولي انت بس و انا هعمل معاك واجب و فعلا انا معاك في ان مافيش حاجه اسمها عربيه كامله . لازم و اكيد ليها عيوب و مش لازم تعرفها ساعت ما تشرتري العربيه . لازم تستني عليها علي الاقل 4 او 5 سنين و هتبان كل حاجه

[waelsalah]

متشكر جدا لتعب حضراتكم جميعا معايا

النهارده نزلت للجنيدي اللى فى ش قناة السويس يا استاذ احمد
ولقيت النمر والعداد عنده ب 88 الف ج ( برده افترا مقارنة بالقاهره وبورسعيد وباقي الدول الشقيقه هههههههههههه)
بيقولى لو هتجيب افيو هيبقي ب 173 الف ولو فيرنا ب 163 الف ( موديل 2012 )
ولو قسط تدفع 120 الف والباقي 70 الف 1500 كل شهر
بيقولى العربيه بتحتاج 3 الاف ج تجهيز بوية وترخيص لمدة 3 شهور ويبقي دفع مصاريف المؤسسه والضريبه لتكملة السنه ؟

نسيت اساله هل بتيجي مجهزة غاز ولا لا
ولو لا بيتعمل ازاى وبكام لو سمحتم ؟

وايه رايكم بين الافيو والفيرنا واللانوس ؟

وانا اتشرفت برجالة بلدي الكرام جدا وكل من ساهم معى فى هذا الموضوع
وشكرا جزيلا

[waelsalah]

السلام عليكم
( فيرنا أم لانوس أم أفيو )
وشكرا جزيلا

[star over]

في رايي المتواضع فيرنا

[كومندا]

المشاركة الأصلية كتبت بواسطة A7MED NASSER 7. التويوتا الكرولا : ما تستغربش فيه فعلا واحده في المنصوه و صاحبها جيبها ب 320000 جنيه طبعا ده هبل و جنان بس هي الوحيده فالمنصورة كرولا تاكسي 2012 و لو عايز تشوفها هي شغاله عند الموقف الجديد في طلخا بس ما تشتغرلش حاجه تانيه غير كده و ساعات طبعا بطلع مشاوير بس طبعا مهرها غالييييييييييييييييي اوي

شفتها فعلا فى الموقف الجديد وكنت عايز اساله سوال واحد
هوه ابو علاء شريكك فى التاكس ؟؟؟؟
وبعدين ياعم وائل انته محير نفسك ليه دى الفيرنا عندكوا فى المنصوره اكتر من البنادمين
وبعدين يا جماعه كل بلد فى مصر منتشر فيها نوعيه معينه من العربيات كتاكس يعنى مصر بى واى دى وشاهين ولادا ولوجان عشان الناس بتوع الوجان متزعلش اسكندريه لادا 2105و2107 المحله الكبرى ((بلدى)) المازداوالتويوتا كورسيدا
يعنى باختصار المكان اللى هتلاقى فيه عربيه منتشره اعرف ان قطع غيارها منتشره جدا ورخيصه فى البلد دى وناس كتير بتشتغل فيها بس