ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )

[egy4arb]

تمام يا باشا بالنسبة للقرطبة 94 دى انا لسى شايف واحدة فى الوسيط ب 29000 تكيف و باور و سنتر بس اكيد حالتها تعبانة جدا لان اعتقد سعرها اغلى من كدا

[mohamed100230]

المشاركة الأصلية كتبت بواسطة mohamed ibiza عمري ما شفت ميكانيكي بيفهم قال علي الابيزا او البونتو زباله !!!!!!! الابيزا معانا من 16 سنة موتور ماشي اكتر من 420 الف كيلو و عربية بتلف كل يوم لف متستحملوش عربية من العربيات الجديدة الكوري مثلا اللي مالي البلد الايام دي من الاكسنت و الفيرنا و هكذا !!! و عشان محدش يقول انا متحيز للابيزا لانها معايا ! البونتو مش زباله البونتو ممتازة و فيات مش شركة بدأت اول امبارح عشان تنزل موديل يعتبر من اعمدة الشركة عشان ييجي ميكانيكي مصري ملوش فيها يقول انها زباله !! معلش اللفظ ده لا ينطبق بأي حال من الاحوال سواء علي البونتو او الابيزا ! البونتو عربية ايطالية الصنع محترمة ادائها حلو تصميمها جميل صيانتها سهلة ثابته علي الطريق الي حد كبير ! الابيزا عفشه جولف و موتور جولف و شاسيه جولف ! يعني صناعة المانية لكل اجزاء الميكانيكا و انا مش محتاج اتكلم عن الصناعة الالمانية عشان حد يعرفها هي غنية عن التعريف ! و التقفيل ممتاز و الاداء ممتاز مش بتاكل بنزين ابعادها سهله ثابته جدااااااا علي الطريق قطع غيارها رخيصة و موجوده في كل حته ! يبقي منين زباله ! يا جماعة و النبي اللي مجربش العربية ميسمعش لأي كلمة بتتقال من اي حد لان العربيتين دول بجد عربيتين جامدين مينفعش يتقال عليهم زباله ! و الاتنين سواء اللي هيجبهم هيستخدمهم استخدام عادي او غاوي تعديل و تسقيط الاتنين يصلحوا للنوعين دول من الاستخدام ! و عموما انا رأيي في دول كالاتي: التمبرا عربية كويسه و صاجها كويس و قطع غيارها رخيصة و صيانتها سهله مش معقده لكن شكلا انا مش بقبل شكلها ابيزا انا قايلك كل حاجة فيها و معرفهالك يا طارق البونتو ممتازة بس قطع غيارها اغلي شوية من الابيزا و مش منتشرة اوي زي الابيزا لكن موجوده اكسل ! عربية عادية ثبات ضايع سحب معقول اعتمادية اقل من الابيزا و البونتو و التمبرا كتيييييييييييييييييييير سويفت ! بلاش ! فليشيا .. حاجتها مرميه في كل حته رخيصه صاجها ناشف شكلها مش وحش لكن العربية نفسها ناشفه عن الابيزا و البونتو كدركسيون و دبرياج و كده الخلاصة : 1- تمبرا 2-بونتو 3-ابيزا التلاته ممتازين مع مراعاة ان التمبرا عربية عائلية و التانيين دول هاتش باك سبور

السلام عليكم
انا فعلا مجربتش البونتو ولا الابيزا وكل المعلومات اللي عندي خدتها من الميكانيكيه
وقالو ان فيهم حساسات بتبوظ كتير
زي كده الكورسا ال 1000 سي سي
وانت عارف طبعا مشاكل الحساسات لو زايده شويه ممكن تكرهك الدنيا كلها مش العربيه بس

[egy4arb]

تمام يا باشا بس اعتقد الحساسات دى فى الانجيكشن بس

انما احنا بنتكلم فى مو 94 يعنى كاربيراتير عادى

[hazem_khidr]

السلام عليكم انا فعلا مجربتش البونتو ولا الابيزا وكل المعلومات اللي عندي خدتها من الميكانيكيه وقالو ان فيهم حساسات بتبوظ كتير زي كده الكورسا ال 1000 سي سي وانت عارف طبعا مشاكل الحساسات لو زايده شويه ممكن تكرهك الدنيا كلها مش العربيه بس

البونتو 94 و الابيزا 94 مافيش فيها حساسات و موتورها سهل الصيانه
حتي الموديلات العاليه فيها حساسات بس مش زي حساسات الكورسا ال 1000 سي سي نهائي.
للاسف الميكانيكي دا زي ما محمد باشا ابيزا قال مش بيفهم

[mohamed100230]

المشاركة الأصلية كتبت بواسطة abb طب ممكن نعرف من الاخ محمد اللى شارك نص عربيات البلد ليه الابيزا والبونتو ازبل من بعض وكمان الاكسنت اللى لغايه دلوقتى محافظ على نفسه علشان ميبقاش كلام وخلاص

الاكسنت ياباشا انا مش مصنفها عربيه
يعني هم ممكن تكون موتوسيكل مكيف او هي مرحله بين العربيه والموتوسيكل
تروسيكل مثلا
لكن عربيه لا
لان العربيه ليها مواصفات تانيه غير الاربع كاوتشات والدركسيون وتكييف
والحاجات دي مش في الاكسنت
ومثال على الكلام ده
اركب موتوسيكل صيني واجري على سرعه 100
بعدين انزل واركب هيونداي اكسنت واجري على سرعه 100
الفرق الوحيد اللي حتحس بيه ان الهيونداي مش بتخلي الهوا ييجي في وشك
الحل بقى انك تركب موتوسيكل وتلزق على الخوزه علامه هيونداي

بعدين لو معاك هيونداي وبعتها وربنا فتح عليك وركبت لانسر ولا تويوتا ولا اوبل مثلا
حتعرف انا بقول ايه