|
|||||||
| سوزوكى Suzuki بدات شركة سوزوكى نشاطها فى عام 1909 كشركة اقمشة لاكن مع الثورة الصناعية فى اليابان تحولت لانتاج السيارات عام 1952 وهيا تخضع حاليا لشركة جنرال موتورز حيث تملك الاخيرة نسبة 20% من اسهمها كما تمتلك سوزوكى شركة ماروتى الهندية Maruti من اشهر موديلاتها: سويفت ماروتى التو ليانا وايجنيس وجيمنى وجراند فيتارا و SX4 XL7 |
 |
|
|
أدوات الموضوع |
|
#1
11-10-2009, 05:54 PM
|
||||
|
||||
|
تجربتى مع سوزوكى التو موديل 2006
امتلك سيارة سوزوكى التو موديل 2006
وهذه صورة لايضاح السيارة  اولا مواصافات السيارة الموتور 993 سى سى ذات دفع امامى تنتمى لفئة الهاتشباك ذات الخمسة ابواب ذات ناقل حركة ذو خمسة سرعات السرعة القصوى 160 كيلو/ الساعة الاطارات مقاس 13/70/145 وتنك السيارة 35 لتر وكاربيراتير ثانيا الامكانيات السيارة تحتوى على 2 زجاج كهرباء وسنترلوك وراديو كاسيت وسماعات امامية وفتح الشنطة والتنك من الداخل وتكييف لكن التكيف بلدى اى تم تركيبه فى مصر وللعلم السيارة هندى تقفيل هندى والموتور هندى لان بعض الناس تتحدث ان الموتور يابانى ثالثا مركز الخدمة فى لاسكندرية المركز سيئ للغاية معظم العاملين ليسوا من ذوى الخبرة اوصناعيه يعنى ولكن فى القاهرة الوضع افضل كثيرا كثيرا بالنسبة لقطع الغيار غير متوفرة خارج التوكيل الا عند تقريبا محلين فقط والباقى لايوجد ولكن مقارنة بقطع غيار السيارات الاتخرى اسعارها مناسبة رابعا مميزاتها: موتور السيارة يتحمل الاستخدام الشاق و اقتصادية فى البنزين و سهلة الركن والحركة فى المدينة و قطع الغيار نسبيا رخيصة خامسا عيوبها عفشة السيارة رديئة جدا واحساسك بالمطبات فى عظمك الاهتزازات عنيفة والمساعدين و المقصات بتتغير كتير و الخامات المستخدمة فى الداخل سيئة وغير قيمة و الكراسى غير جيدة التنجيد والفرش ومثبتة من ناحية واحدة فقط فالكراسى تهتز وغير مريحة 
|
|
#3
11-10-2009, 06:31 PM
|
||||
|
||||
رد: تجربتى مع سوزوكى التو موديل 2006
تسلم ايدك يا استاذ بدر واشكرك على التقرير المهم ده
انا بس كنت عايز اعرف اخبار استهلاك البنزين ايه وايه حكاية التكييف البلدى ده واداء التكييف عامل ازاى مع العربية
|
|
#4
12-10-2009, 11:20 AM
|
||||
|
||||
|
رد: تجربتى مع سوزوكى التو موديل 2006
شكرا على ذوقك واهتمامك اما بالنسبة لاستهلاك البنزين فهو قليل جدا بمعنى ان الفول تانك 35 لتر اقدر امشى بيها حوالى 520 كم بس التنك يبقى فاضى خالص بمعنى الفول تانك اقدر اروح بيه القاهرة وارجع الى الاسكندرية بس من غير لف كتير وطبعا من غير تكييف
وبالنسبة للتكييف البلدى معناه انه تم تركيبه فى مصر لم ياتى مع العربية بحيث يتفق التوكيل مع احد المتخصصون فى التكييف من خارج التوكيل ويتم تولى مهمة تركيب عدد من السيارات لكن السيارة الاصلية بتنزل من غير وبالنسبة لاداء العربية مع التكييف فهى طبعا ميته السحب تقريبا مفيش لان الموتور كله 1000 سى سى وعشان كده انا بستغرب ان الماروتى البعض بيركبلها تكييف فى حين انها 800 سى سى وكمان لانه مش افبريقة فتجد العربية مش مظبوطة معاه الدركسيون فيه رعشة والموتور صوته يعلى واستهلاك البنزين مع التكييف كتير جدا مقارنة بالمشى من غير تكييف وانا جربت وحطيت بنزين 80 للعربية ومحستش بفرق برغم انى كنت بحط 92 يمكن عشان الكربراتير مش عارف بس الملحوظة الوحيدة ان البنزين 80 حرقه اسرع وشكرا
|
|
|
|
