بيكانتو ولا هيونداى I10 ولا شيفروليه سبارك , افيدونى

[nawwara]

المشاركة الأصلية كتبت بواسطة Eng/salwa انا شخصيا ارجح لك البيكانتو افضل يا نوارة مش عافة ليه شايفاكى فيها وهى احسن لك من اللوجان و اللانوس و الفيرنا مش عارفه ده احساسى و بعدين سيارة محندقة و دمها خفيف انا بحب الجيتز و علشان كدة اشتريتها من المصرية 2011 و كان عليها عرض تخفيض و قتها بس للاسف سمعت ان مبقاش منا زيرو و الا كنت رشحتها لك وفقك الله للخير و كل سنة و انتى طيبة وسلامى لماما

جزاكى الله خيرا انا فعلا بتخيل نفسى فيها خاصة الموديل الجديد , بس الظروف تحكم , الله المستعان
وكل عام حضرتك بخير وبألف صحة وسلامة

[gearone10]

المشاركة الأصلية كتبت بواسطة nawwara انا شخصيا باحب العربيات الكبيرة عن الصغيرة بس مش عارفة ليه البيكانتو داخلة دماغى اوى رغم سعرها العالى .. انهاردة اتصلت بجودى موتورز وقلت اسأل على البيكانتو الi10 , الاستاذ اللى رد عليا ربنا يبارك فيه ويجازيه خيرا قالى البيكانتو 2012 ب74000 و83000 , والi10 ب66000 , ده بالنسبة للمانيوال , طبعا ده الكاش , لكن لو هانتكلم على القسط هانلاقيه داخل فى ال100000 وزيادى فى حتة عربية مينى لا راحت ولا جت , الأخ الله يكرمه مستغلى سعر البيكانتو زى حالاتى وقالى فى عربيات تانية سيدان وعائلية وحلوة وفى نفس الاسعار واقل كمان وده اللى نصحنى به , انى طالما هاجيب عربية بالسعر ده يبقى الكبير احسن , سألته على عربيات فى نفس الأسعار دى قالى الفيرنا عاملة 67000 , والرينو لوجان 1600 سى سى نفس السعر ودى اللى نصحنى بيها اكتر واحدة , الأفيو 77000 , فسألته على السيلاريو قالى ب66000 .. ده اللى حصل .. حاليا بدأت أميل للوجان على اعتبار انها ماركة كويسة , لكن السؤال بقى , مش كل ما السى سى بتاع العربية يكبر كل ما تسحب بنزين اكتر ؟ يعنى معنى كده ان اللوجان بلاعة بنزين زى الفيات132 , وبعدين نفسى أعرف , لما العربيات السيدان دى اسعارها ليه العربيات المينى اللى المفروض تكون ارخص بالغلو العالى ده؟ نفسى اعرف ايه الحكمة من كده ؟ وهل لو فكرت فى اللوجان او حتى الفيرنا او اى سيدان هايبقى احسنلى ؟ ولا البيكانتو متفوقة عليهم فى ميزة معينة مثلا عشان كده غالية؟

بصى انا لو ينفع اعرف امكانياتك ايه و احدد ساعتها ممكن تجيبى عربية ايه اما بخصوص اللوجان فهى مع واحد صاحبى و شغالة معاه زى الفل بقالها 3 سنين بس دى مش بلاعة بنزين لأنها انجكشن و ده نظام رشاشات بنزين يقلل من استهلاك البنزين اما بالنسبة للعربيات الهاتشباك زى البيكانتو و السبارك و i10 غالية عشان الاقبال عليها كتير لأن تصميمها شبابى ده غير ان فى الغالب الهاتشباك اغلى من السيدان و شكرا

[Nivinne]

المشاركة الأصلية كتبت بواسطة romioromio i10 ب 73 الف ليه يا جماعه حرام\ ولا البيكانتو ام 90 يعني زي النيسان وشويه وتجيب اللانسر والالنترا ده مهما كان ميني كار يعني زي الفيرنا او اغلي ونفس فئة اللوجان واللانوس والاسبيرانزات ده علي كده الواحد يزود كام الف ويجيب تيجو واسمها فور باي فور هو ايه اللي بيحصل في مصر وعقلية السوق المصري بقت كده ليه ده في السعوديه من فوق ال 60 الف لحد ال 90 بتركب سوناتا واكورد وكامري شفتوهم في مصر قبل كده؟؟ واحنا ال 90 يا دوب بتجيب بيكانتو

اااااااه .... عجبت لك يا زمن ....
عربية اد الكف .... وتمنها 90 الففففففف