#21
|
||||
|
||||
رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
انا شاكر جدا لردودكم والمشاركه
طبعا استحاله نعمم الأهمال الملاكي فيه المحترم والمستهتر ونفس الكلام فى النقل احنا بناقش ازاي نجد حل لهذه الظاهره بدون غلط فى حد طبعا سواقين النقل الثقيل طول عمرهم (ملوك الطريق) ودايما الناس وأنا كمان بقول (النقل الثقيل يعنى اتعلم منه ادب الطريق) سواقين النقل الكبار فى السن كنت بجلس معاهم فى الرست وخصوصا لما اكون مسافر الصعيد (والله احلي صحبه) واحلي حكاوي علي السكك وهما هما ألي بيشتكو ان الصنعه دخلها عيال كتير (لما واحد بيسوق نقل تقيل بقاله 40 سنه ) يبقى طبعا السواقين الجداد عياله بيشتكو ان المجال دخله ناس كتير ملهمش فى أدب و فن النقل الثقيل احنا كمان عيزين الأمان للطرق ولأسرنا ونرجع النقل التقيل لسمعته القديمه
__________________
Ahmed Felefel
|
#22
|
||||
|
||||
رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
علشان محدش يقول سواقين النقل سبب كل حاجة هرب من الشرطة ليلقى مصرعه تحت عجلات النقل الثقيل !القاهرة - مكتب في ساعة مبكرة من صباح أمس (الأربعاء) كان طريق سقارة بضاحية الجيزة على موعد مع حادث غريب من نوعه حيث حاول سائق تاكسي (أجرة) الهروب من مواجهة كمين شرطة واقف على الطريق ولأنه لا يمتلك رخصة قيادة ولا أوراق سيارة قرر أن يغير من اتجاهه فجأة خوفا من سحب السيارة فوجد نفسه تحت عجلات سيارة من النقل الثقيل ليلقى مصرعه في الحال. وقد حاول سائق النقل أن يهرب من مواجهته لكن الرصيف المرتفع وقف حائلا فكان هذا المشهد المأساوي الذي سجلته عدسة الرياض لينضم إلى ألبوم الحوادث اليومية بسبب عدم شرعية سائقي الأجرة !.
__________________
|
#23
|
||||
|
||||
رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
بخصوص ان العربيات بتكون محملة طوب وظلط ازيد من حمولتها ومش متغطية ، اعتقد ده خطأ صاحب العربية اللي بيكون عايز يكسب زيادة فده اللي نحاسبه السواق مش ذنبه ان العربية محملة ازيد من حمولتها وفي مشكلة كمان العربية اللي بتجر مقتورتين ديه الفروض هتتلغي بعد سنة تقريبا كانت هتتلغي زمان بس اصحاب السيارات النقل ضغطوا وطلبوا انها تستمر فترة والعربيات ديه التحكم في الديل بتاعها بيكون صعب جدا جدا واتلغت من كل العالم ، فاعتقد ده مش ذنب السواق ده ذنب الدولة وملاك العربيات انا عارف انك عايز الأأمن ليك علي طريق ، ممكن حضرتك لما تشوف عربية لوري تهدي سرعتك وتعدي بحذر انت تحكمك في عربيتك اسهل من عنده اكيد فيه بعضهم بيمشي شمال واحيانا في نص الطريق بس ده بيكون عشان فيه حد مثلا ماشي علي اليمين بسرعة اقل منه فعشان يهدي ويعديه ويرجع تاني يسرع ويمشي علي اليمين الموضوع صعب ومش بالبساطة اللي انت متخيلها ، وعايز اقولك حاجة لمستها في الفئة ديه من السواقين بيكون انهم بيكونوا خايفين علي سواقين الملاكي والعربيات اللي بتعدي جنبهم فوق ما تتخيل واعتقد فيه ناس كتير بتشوف عربية ملاكي عطلانة وسواق نقل نازل يساعده انا عن نفسي بشوف المنظر ده كتير جدا علي الطريق الدولي ولما بيكون فيه شبورة بمشي ورا النقل عشان هو بيكون كاشف الطريق عني ، وسعات بهزر معاهم علي الطريق لما بيكون الطريق فاضي وكان فيه سواق بشد جنبه وازنق عليه وهو اسيبه يعديني ويزنق عليا بس هو بيزنق بالعقل المهم وقفت في رست علي الطريق و هو نزل هوو التباع وقاعدنا نتكلم مع بعض كان حوالي 60 سنة بيقولي انه علي الطريق بقاله 24 ساعة ومن غير نوم فأنا شايف ان احنا نلمسلهم العذر وندعيلهم ربنا يعنهم بخصوص ان بعضهم بيشرب مخدرات انا قلت انا مش مع ان الانسان يشرب مخدر تحت اي تبرير ، بس انا مع ذلك بلمسلهم العذر هما بيشربوا من الشغل الصعب اللي مفيش انسان يقدر يستحمله مهما كانت درجة تحمله فربنا يعنهم ويغفر لهم اي فئة من المجتمع فيها الكويس وفيها الوحش واظن في عيال فرافير كتير بيشربوا طيب دول تعمل فيهم ايه، حضرتك انا بقول وفرله ظروف مناسبة وبعدين اشنق اللي يفكر يشرب مخدرات ومعلش طولت عليك يا ابو حميد و عايزك تبقي فاهم حاجة انا فاهم وجهة نظرك بس انا ببص للموضوع من زاوية تانية وتحياتي ليك |
#24
|
||||
|
||||
رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
حبيبي يا أبو الشوق والله
موضوع ان هما يمشوا يمين او شمال ده مش المقصد (مهو طبعا بعدي عكسه وخلص الموضوع اخوك بيعدي 150 ألف كيلو فى السنه سواقه والحمد لله مفيش حاره فى جمهوريه مصر الغربيه الا ودخلتها بحكم شغلي فى شبكات المحمول من 2004 وأحلي لعب وهزار علي الطريق مع سواقين النقل ونفضل نلاغي فى بعض 500 كيلو سواقه بالنور والأشارات) بنتكلم علي سلوكيات ملاحظه لم يعتادها الشارع المصري من بعض السائقين طبعا بيتعبوا وبيتمرمطو من البوليس ده غير ألي متعرفهوش انهم بيدفعو اتاوه فى كل نقطه مرور حتى لو الحموله زياده أو صاحب العمل جشع ده مش مبرر ان انه ميغطيش الحموله او انه يمشى بالعرض ويقفلو الطريق جنب بعض والله يا جماعه الموضوع معقد (دلوقتى الأراء ديه ألي جتلنا) حد يضيف؟ - سواقين نقل جداد (عيال مستهتره) - سواقين نقل محترفيين (بيضرب بيهم المثل فى الأخلاق وأدب الطريق والألتزام) - اصحاب سيارات النقل (ما بين الجشع والضغوط) - شرطه (تعامل وحشى مع السائقين يتحول الي لا مبالاه وخوف) - حكومه بتزود الضرايب علي رخص قياده النقل وعلي ترخيص النقل (ضرايب فلكيه) - كساد الحركه التجاريه (ت}ثر علي الدخل) - وزاره تهدد بألغاء النقل أو علي الأقل تقليله (خراب بيوت لناس كتير)
__________________
Ahmed Felefel
|
#25
|
||||
|
||||
رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
انت كده جيبت من الاخر يا بووووووووب ومفيش كلام تاني اقوله:CONGRA~238 :
|
الكلمات الدليلية |
النقل الثقيل مخالفات |
|
|