|
#11
12-04-2012, 07:08 AM
|
|||
|
|||
رد: أمامي عربيتين .. أدخل قوللى رأيك بالله عليك
إليكم آخر الأنباء .. وتحول جذري!!!
بعد معاينه عربيتين لانسر و بيع واحد قبل مشاهدتها وعدم إلتزام صاحب واحده أخري بالمعاد, حسيت إنى ماشي فى الطريق الخاطئ, وبدأت أميل بشكل غريب للرينو لوجان إللى كنت إتفرجت عليها من ايام وحسيتها محترمة بس مكنتش قادر أحبها أو أقتنع بيها 100٪ وقعدت مع مراتي نتفرج على صور وفيديوهات ليها وصليت إستخارة للمرة الثالثة ودخلت نمت. تانى يوم روحت أتفرج على لانسر (واحده من الأثنين إللى شوفتهم) و كنت ناوي أطلع على الطارق بعدها وبرده كان ليها عيوب وميزات, آه ونسيت أقولكم إني فالمشوار ده طلبت من أحد الأقارب معاه لوجان 2011 إنو يجي معايا على اساس أجرب ركوبة اللوجان وعفشتها وصوت موتورها و.... إلخ, وبصراحة اللوجان كانت مرضية بالنسبالى جدا وكان معايا حمايا وهو راجل خبره ومحترم وبثق جدا فى رأيه. المهم شفنا اللانسر, عجبتنا بس برده كانت محتاجة شوية شغل وبعدها طلعنا على الطارق وكانت اللوجان الأوتوماتيك واقفة وإتفرجنا عليها وفصصناها, ولقيت نفسي والمرافقين معايا بنقول "بلا مستعمل بال هباب الزيرو زيرو" ومشينا على نيه إنى أرجع تاني يوم أحجز بعد مكون عملت شويه إستشارات. طبعا قضيت سهرة طويلة على قسم اللوجان في المنتدى, وبعد عده مكالمات مع أصدقاء واقارب وكل واحد يحاول يقنعك بإللى هو راكبة " ياعم حرام عليك, زود 5000 وهاتلك صنى", "طيب إيه رأيك لانوس", "ياراجل, إيش جاب اللنسر للوجان". أنا طولى 196 سم, وكل ماذكر ضيق بالنسبالي, أنا جايب عربية عشان أركبها مش عشان أقف أتصور جنبها (أيوه القعدة فى الصني أضيق من اللوجان مكان السواق عن تجربة), ماعدا الانسر بس برضة اللوجان كانت أريح كتييير فى القعدة!! وبعدين أنا بقارن لانسر مستعمل بلوجان زيرو .. مش زيرو بزيرو. إستخرت الله للمرة الرابعة وتوكلت على الله وحجزت مساء الأمس لوجان 2012 أوتوماتك بترولى من الطارق بـ 80 ألف (78900 عند الوكيل بس الإستلام .. ربنا يدينا ويديكم طولة العمر), ولأول مرة هاركب زيرو بلا وجع دماغ المستعمل وخلى إللى يستغرب يستغرب وإللى يقول يقول, أنا مرتاح نفسيا وحاسس إن القرار سليم إن شاء الله خصوصا إن كل إللى إستغرب وإستنكر القرار ده عمره مركب لوجان ومتخيل إنها سيارة فقيرة وضيقة "ياراجل! الصنى أضيق من اللوجان !!! إنت أكيد بتتكلم عن عربية تانية, ده حتى اللوجان أقصر ومدكوكه كده!!!!" زي ما أنا كنت متخيل من أسابيع قليلة , وبالعكس كل إللى ركب لوجان (بما فيهم أنا فى المشوار الأخير ده) شهدلها إنها سيارة محترمة وبدأت تبنى ثقة عند المستهلك المصري فى فترة قصيرة ولسه مع الأيام شكلها هتزيد وبدأت تستحوذ على تفكير أي حد بيفكر في فئة 70 لـ 90 ألف ويمكن لحد 100 الف كمان ( أنا عن نفسي لاقيت العربيات إللى في السوق لحد 120 ألف حرام فيها الفلوس, بما فيهم أكسنت وريو الجداد, ممكن بعد 120 بس ده بعيد جدا عن إمكانياتي حاليا). أرجعلكم إن شاء الله بعد الإستلام, هعمل موضوع جديد عن حجزي للوجان وبعض الإستفسارات قبل الإستلام, ياريت تشرفونى بالتعليق هنا وفي الموضوع الثاني لما أنشئة بكره إن شاء الله 
التعديل الأخير تم بواسطة ahmedashraf ; 12-04-2012 الساعة 07:26 AM 
|
|
#14
12-04-2012, 08:15 PM
|
|||
|
|||
|
رد: أمامي عربيتين .. أدخل قوللى رأيك بالله عليك
انا بحترم جدا الراجل اللي ياخذ قراره بنفسه ويكون مقتنع بيه حتي ولو وجد معارضة من الاخرين
فلو حضرتك مقتنع بقرارك ده اتوكل علي الله وان ادعو لك بكامل التوفيق
|
|
#15
13-04-2012, 02:28 AM
|
|||
|
|||
رد: أمامي عربيتين .. أدخل قوللى رأيك بالله عليك
|
 |
|
|
